Luuk 22:56 - Gooti Toolluro Yogalokwono

⁵⁶ Pital toro bwolomwalno sumaiyokwe duko sumwonyallajuko su tovuro bako tovi wobo toru amwalokaikono. Toro mwaloduke toollu pris aguto toolluro womdokwe sujuraiyo puruv kamwoga abiyomuugonarokakwono. Toro biyomuugona'no sumaiyokwe sujuraiyo su tov Pitalluno aro adokakwono. “A'mwo aka kwol kuruv Jisaseke amwallajulo pwekono.” Adokakwono.

Luuk 22:56 Referans Kwoze

Joon 18:17

Toro mollubworomokaulno sumaiyokwe noullo tovida'ai duuwato womdokwe sujuraiyo su tov Pitallu aro kuudokakwono. “Guu kweku kuruv Jisasolluro uumjunyokwe pwekudukono?” Toro kuudoka tovi Pital soukuu'nuudokaikono. “Awiyo, nuu a'mwo su toolluro uumjunyokwe pwonyumaiyo.” Soukuu'nuudokaikono.

Kuuguudo Sugudo akav Makolluro sakwollokakwono Mak 14:17

Toruda'ai sula'dugumdo toga Jisaseke'aro gamoro 12-pela uumjunyokwe toorogai'aro tooro ago su tovino aboporogano.

Kuuguudo Sugudo akav Makolluro sakwollokakwono Mak 14:6

Toro wuudodopure toorai Jisasol kuudokaikono. “Kevu abolo tovi nokwo wonyapino julo. Kevu buro'nyo'mo burolyogalo wuudodupu abolo su tovi jul'nyo duubweyadokwovo? Abolo su tovuro anyumoka tov sugudokwono.

Matyuu 26:69

Jisasollu ago tovi kooti yogalo toro kuuloduuwiyodopure toga imomgu kwa'mgu agwapto toru Pital kuuno amwallajukekono. Toro mwaloduke toollomno sujuraiyo womdokwe puruv abokakwono. Toro bino sumaiyokwe Pitallu wono'no aro kuudokakwono. “Guu kweku kuruv Galilida'ai Jisaseke amwallajulo pwekugono.” Kuudokakwono.

Kuuguudo Sugudo akav Makolluro sakwollokakwono Mak 8:25

Toro kuudoka tovi Jisasol a'mwo toolluro sumdo tovallu aki aiko te kuubogai'nokaikono. Toro uubogai'nyuno sumaiyokwe toga sukulokaikono. Toro sukuloka toga a'mwo toolluro sumdo toval ilaiyo to'no kinyuno sumaiyokwe yiuwi'nokai tonyu pi'mwono kwonokaikono.

Luuk 22:55

Aki pris aguto toolluro agwapto toru'no kuulno sumaveyokwe a'mwo duuwatokwe pworo agwapto tovi akuuto toru duko yamjurovo'mno nyumwonyallo'moneyokwe abwolomwekwoporogano. Toro bwolomwekwodopure toga Pital a'mwo su toorogai abwolomwalokaikono.

Luuk 22:57

Toro kuudoka kuvi kuruv Pital abolo su tovi soukuu'nuudokaikono. “Awiyo, nuu a'mwo su toolluno kuudo maiyonyugono.” Soukuu'nuudokaikono.