Luuk 18:35 - Gooti Toolluro Yogalokwono

³⁵ Toruda'ai Jisaseke'aro gamoro uumjunyokwe toorogai'aro tooro wagwolago Jerikoo tovi wobo toru ai'movopo toga a'mwo abolo kwolallo bwotonyago ton kuumjunopogano. Toro uumjunodopure toga a'mwo sumnowojokwe pwol puuto tovi wobo toru mwalodowo domdo ajugonyajukekono.

Luuk 18:35 Referans Kwoze

Joon 9:8

Toruda'ai a'mwo su toolluro ajumiyo avalo tomuuda'ai togai'aro aki a'mwo abolo sumnowojokwe domdo jugonoduke toollu kwonyajupo togai'aro ton i'bwo'no'mno aro sajunopogano. “A'mwo pwol sumdomgu mwalodowo domdo ajajuko su tool akal kwoldukono?” Sajunopogano.

Luuk 19:1

Aki Jisasol wagwolago Jerikoo tovi ki'mo'mno sumaiyokwe wagwolago su tovi akuuto toru'aro aulokaikono.

Kuurotokwe 3:2

Toro tooral ilno sumaleyokwe a'mwo pworo a'mwo suvlo nomuullugollokwe pwollu mollukwovomokabodopure kwonolorakono. A'mwo suvlo nomuullugollokwe su tekwo sumdomgu gami ganeyago tov su toro tekwoji somarokaikono. Toro tekwoji yiuwi'nokai toga mollukwovomokabodupu Gooti toollu ilomoropiyo'moneyokwe ago tovuro anoullo puvi wobo toru morumwallodupudekono. Anoullo su tovino yovo tov Sugumalukoveyokwono. Toro towai mwalodowo a'mwo abolo noullo tovi kuulodopure tonyu, “Nuugwiyo pwekwo donyabilo. Nuugwiyo pwekwo donyabilo.” Jugonodowodekono.

Matyuu 13:4

Toro plaino sumaiyokwe novlollosoduke pun puuto tovi muunyu toru abwolorapogano. Toro abwolorapo tonyu dokato tooro bo'mno abomonopiyopogano.

Luuk 18:36

Toro tool Jisasol nuuwolo'mduke toolluno a'mwo wobo toru adaiyajupo pworai kuudoganokaikono. “Buro'nyo jukimo'nadopiyo?”