Luuk 18:14 - Gooti Toolluro Yogalokwono

¹⁴ Jisasol yovekurajo su tov wuujuno sumaiyokwe kuudokaikono. “Nuvu aro ikudumo'mokwono. A'mwo takis nuugwiyo mallokwe su tekwo gami ago tovino aikomgu avlavoka toga Gooti toolluro sumdo tovi sugudo me'no kwimo'nokaikono. Toro kuvi kuruv Farasi su toolno'gwowi Gooti toolluro sumdo tovi sugudo mwimo'nokaikono. Su tov aro tovinokwono. Yiuwi'nokai a'mwo tooro kevnokwero sulomoropinapi su toorai Gooti tool nomorumwogapiyonorogano. Aki yiuwi'nokai a'mwo tooro kevnokwero kwako tomuu'aro sunpi su tooraino'gwowi Gooti tool nyulomoropiyawonorogano.”

Luuk 18:14 Referans Kwoze

Luuk 14:11

Neya duu'nyulo. Yiuwi'nokai a'mwo kevnokwero sulomoropinapi su toorai Gooti tool nobwolomorumwogapiyawonorogano. Aki yiuwi'nokai a'mwo kevnokwero kwako tomuu'aro sunpi su tooraino'gwowi Gooti tool nyulomoropiyawonorogano.”

Luuk 16:15

Toro toorai Jisasol aro kuudokaikono. “Kevu a'mwo abolo tonyuro sumdo tovi sugudo wimo'nyo'mo to'no ikullunodowodorekikono. Toro kuvi kuruv kemoro poowokalago tonyu kuulaikwo'dowodo su tonyuno'gwowi Gooti tool kuudo me'no yourekuma'dowodekono. Neya duu'nyulo. Yiuwi'nokai kwako akavida'ai a'mwo tooro kwa'mguda'ai pasudo tonyu wonopi, Oo ilaiyo'mdeyo, kuudo yau'dupudorogano. Toro kuvi kuruv pasudo su ton Gooti toolluro sumdo tovino'gwowi kaiya'no kuumwiyo to'no wimo'nodupudogano.

Jems 4:10

Kevnokwe togaikul Aguto toolluro sumdo tovi kwako tomuu'aro neya bwolomoropinogaulo. Kevu su toro abwolomoropinapi tov Aguto tool kemi muunyu toru'aro nyulomollekumwallonekono.

Matyuu 23:12

Toro kuvi kuruv yiuwi'nokai a'mwo kevnokwe tooro ilomoropunyu sapi su toorai Gooti tool kwako tomuu'aro nomorumwogapiyonorogano. Aki yiuwi'nokai a'mwo kevnokwe tekwojo kwako tomuu'aro sunpi su tooraino'gwowi Gooti tool muunyu toru'aro nyulomoropiyawonorogano.”

Jems 4:6

Aki Gooti tool gamoro yasuwa'wino sugumaluko tov nemi guureji muunyu toru'aro nekullabiyokwekono. Toro tovino tov Gooti toolluro yogalo sakwollungiko puruv aro dodowodokwono. “Gooti tool a'mwo ilomoropunyokwe toorai nobwolomorumwogapiyokwekono. Toro kuvi kuruv a'mwo pworo a'mwo abolo punyu kwako tomuu'aro abwolomoropinapi su tooraino'gwowi gamoro yasuwa'wino sugumaluko tov nuuwiyokwekwono.” Dodowodokwono.

Luuk 1:52

Aki toro tool a'mwo jurogudokwe pworo kemi sia kig tomuuda'ai abwolomorumwogapiyokaikono. Aki a'mwo yovo nonagutokwe pworaino'gwowi muunyu toru sulomorumwallokaikono.

Matyuu 5:3

“A'mwo abolo pun kuudo yau'dupudogano. Oo Gooti toolluro nonekullo'mwojono tovino supto sumwakuuwono. Su toro kuudo saupi ton ilaiyo nokwo ipinogano. Su ton muunyu kai'muuda'ai aguto kig toolluro mido mollomwalo tovi noulomwalpinogano.

Galesiya 2:16

Toro kuvi kuruv nevu Jisasolluro a'mwo abolo tonolno'gwowi aro kuudo me'no youroma'dowadonogano. A'mwo pwol Moosesolluro loowo tovi kuumjuno'ji tovi'aro Gooti toolluro sumdo tovi sugudo ku'nono mwimo'nonekono. Toro kuvi kuruv yiuno Jisas Kraisolluno kuudo kuubweyo'ji su tovi'aro to'gwowi Gooti toolluro sumdo tovi sugudo kuvinono wimo'nonekono. Su toro tovino tov nevu Juu kunol kuruv Krais Jisasolluno kuudo me'no uubweyodowadonogano. Nemoro kuudo uubweyodowado su tov aro tovinokwono. A'mwo pwolnodo kwol kuruv Moosesolluro loowo kuumjuno'ji tovi'aro Gooti toolluro sumdo tovi sugudo ku'nono mwimo'nonekono. Su toro tovino tov ne kunol kuruv Moosesolluro loowo tovi kuumjuna'ji tovi'aro Gooti toolluro sumdo tovi sugudo mwimo'nanonogano. Toro kunol kuruv yiuno Krais toolluno kuudo kuubweya'ji tovi'aro to'no Gooti toolluro sumdo tovi sugudo wimo'nanonogano.

Room 4:5

Kwako akavida'ai nuugwi womdo yodupudo tooro su toro tomgu'aro yoma'dupudorogano. Toro kuvi kuruv Gooti toolluro sumdo tovi sugudo wimo'nyo'mo to'gwowi a'mwo abolo ton noonyumwonyu womdo pun kevnokwe ton yopi tovida'ai mwimo'nupinogano. Toro kun kuruv yiuno Gooti toolluno kuudo kuubwepi to'gwowi Gooti toolluro sumdo tovi sugudo nokwo wimo'nupinogano. Toro te a'mwo abolo ma'no ma'nodokwe tonyu ilaiyo mollomallo'moneyokwe tov yiuno Gooti toolnodokwono.

Room 3:20

Su toro aikudumo tov aro tovinokwono. A'mwo pwolnodo kwol kuruv loowo tovi kuumjuno'ji tomgu'aro Gooti toolluro sumdo tovi sugudo mwimo'nonekono. Toro kuvi kuruv loowo su to'gwowi nemoro ma'no ma'no mujumovla'mdowado tonyuno kuu'maiyo toru'no nekuduuwallo'moneyokweyokwono. Toro nekuduuwallodowo'jure tovida'ai nemi ma'no ma'nodo tonyuno kuu'maiyo toru'no yainyunodowadonogano. Gooti toolluro loowo su tov toro tovino'mokwono.

Luuk 10:29

Toro kuudoka kuvi kuruv a'mwo su tool gavnokweyol Gooti toolluro sumdo tovi ilaiyo wimo'nyo'mo winodowodekono. Toro tovino tov Jisasollu aro kuudokaikono. “Guu aro anyudumodo tov, yiuwi'nokai a'mwo abolo pwolno puru'mono kuuru'ma'bi tonyuno anyudumodo su tov ala'mworovaino donyudadokuuno?”

Mollurolovomato 18:11

Toro wuujuno sumaiyokwe aki Gooti Yawelluno aro adokaikono. “Aga'no'gwowi nuu kuudo me'no souromakono. Yiuno Gooti Yawel su tool noonyumwonyu gooti pworai kuuwolo'mwallukekono. Aki Ijupda'ai tooro ilomoropunyu yodupu Isuraiyolda'ai tobuurai kaiyako sugollajuporogano. Toro tooravuro dolago tomuuda'ai Gooti Yawel Isuraiyol su tobuurai me'no amollurolovomokabokaikono. Toro toolluno nuu kuudo me'no souromakono.” Adokaikono.

Room 8:33

Aki nevu Gooti toolluro kuunodo wimo'nyo'moneyokwe me'no ajanekubweyoka tonolluno aro kuudo yau'dowodekono. Oo moro a'mwo abolo sugudogano. Gooti gavnokwe tool su toro kuudo me'no yanekuu'dowodo tovino tov gamoro sumdo tovi sugudo wimo'nodowadonogano. Toro tonolluno a'mwo abolo pun, “Ma'no ma'nodokweyogaikikonoo,” janekwonyo'moneyokwe pun nonagutomuugono.

Room 5:1

Toro te nevu Krais toolluno kuudo me'no uubweyodowado tonolluno Gooti tool, “Sugudogano,” danekubweyoduke tovida'ai gamoro sumdo tovi sugudo wimo'nodowadonogano. Toro tovino tov nevu Gooti toolluro ikomago mwimo'nodowadonogano. Toro kuvi kuruv nemi Aguto Jisas Kraisol nekullo'mwojo'moneyokwe womdo tov me'no sopiyokaikono. Toro sopiyoka tovino Gooti tool kuudo yaurowo'ji gamoro sumwoluko tov nemino kavo nekubweyodowodekono.

Aisaiya 53:11

Toro tekwo a'mwo abolo bwotonyago ton sugudo imo'nupino'moneyokwe kemoro ma'no ma'nodo tonyuro jul'nyo tov maro'no danyu'nyuwuulo tov subwosunokaikono. Toro ibwosunoduke toollu Gooti Yawel wono'no adokaikono. “Moro a'mwo womdokwe su tekwojuno ilaiyo yodum a'mwo abolo ma'no ma'nodokwe tonyuno surodo nuunodowodo tov dugoga anyulmaiyo.” Adokaikono. Toro te a'mwo womdokwe yiuno sugudo to'nodo su tekwo a'mwo abolo tonyu sugudo wimo'nodowo'jure tovi wonowo'ji kuudo youromaronekono. Oo moro danyu'nyuwuulo amaro tov yasuwa'nodo'maiyo. Kuudo youromarowo'ji ilaiyo nokwo yomjomwekovla'mwalonekono.