Luuk 14:18 - Gooti Toolluro Yogalokwono

¹⁸ Toro kuudoka kuvi kuruv yiuwi'nokai pwolno pwolnodo tooro kuudoporogano. “Nuu ku'nono mabumonyugono.” A'mwo muudu'nodo tool aro kuudokaikono. “Oo nuu nokwo abo'mujuko kwonyu kuruv kwako abiyoma'mwa'jo tovi neya wonomollumonyugono. Toro tovino tov kalokwono, mabumonyugono.” Kuudokaikono.

Luuk 14:18 Referans Kwoze

Luuk 18:24

Toro te Jisasol a'mwo su toollu sumdo wonyuno sumaiyokwe kalo wino'no gami uumjunyokwe toorai aro kuudokaikono. “Aguto kig Gooti toolluro mido mollomwalo tovi dolago tomuu a'mwo kuto ivito bwotonyagokwe tekwojo kuulomwallo'mo tov kaveno mwimo'nonekwojogano.

2 Timooti 4:4

Aki su toro toga a'mwo abolo ton kuuguudo nebal'nodo tovi wuu'nyo'mo mwinopi yiuno buulo to'no uugunyumopimwalpinogano. Aki toro ton kemi jupweyo kuuguudo toorai wuu'nyo'moneyokwe kinamjumwalpinogano.

Joon 5:40

Aki kevu Gooti toolluro yogalo su tonyu mojagilodupudo kugaikul kuruv aiyo yiunokuudo mujomwekovlaiyo'moneyokwe tovi mallo'mo to'gwowi miyomno mabodupudogaikikono.

Joon 1:11

Toro tool gavnokweyolluro iko tovasuda'ai avalo tonyomno avlavoka toga ilaiyo mamollomaropekono.

Luuk 8:14

Aki wit sulo pun aulewomdo tomuu abwolorapo su tov a'mwo abolo punyuno'busukogano. A'mwo abolo su ton Gooti toolluro yogalo tovi wuu'nodupudogano. Toro wuu'nodupudo kun kuruv yomjomwekovla'mdupudo toga kwako akavida'ai kuto ivito tonyu mallo'mo kuudo tokwe'aro kuto ivito bwotonyagokwe imo'nyo'mo kuudo tokwe'aro kemoro kwa'mgu kulako tonyu ilaiyo igollunyo'mo kuudo togai'aro yiuwi'nokai su ton Gooti toolluro yogalo tovi bu'duvoloma'dupudogano. Toro bu'duvoloma'dowo'jure tovida'ai jurogudo imo'nyo'mo tov ku'nono mimo'nodupudogano. Aki toro ton sulo mai'nodupudogano.

Hibruu 12:16

Aki kemida'ai pwolnodo kwol kuruv kwonyalo pasudorodeyo oo Gooti toolluda'ai mabodupudo pasudo toorai mamolludo'movlapiyo. Pasudo su toorai amolludo'movlaiyajuko Isoo'wolbusuko nyumo'numwalpiyo. Aiyoga Isoo'wol wosamujuko yiuno puru'monodo toga nonyo'moneyokwe tekwogai gami ganumiyago toolluro kuto ivito yiuwi'nokai lukomgu nomarono ton gami gagwai'yago Jekoopollu sodolovomarokaikono.

2 Timooti 4:10

Duu'nono. A'mwo Demasolo dodupudo tool kwako akavida'ai noonyumwonyu tonyuno kalo buuropino winodowodo tovino tov numi anyugollu'movokaikono. Toro nugollu'mo'mno sumaiyokwe wagwolago Tesaloonaika tomuuno me'no avlavokaikono. Aki Kresensol wagwolago Galesiya tomuuno me'no avlavoka tovino tov nuuge mamwallo. Aki Taitosol kwako Dalmesiya tomuuno me'no avlavoka tovino tov nuuge mamwallo.

Luuk 14:17

Toro te lukomgu lubullu doto su tov yanyo'moneyokwe kuvinono abai'movoka toga a'mwo me'no adapiyajuko su tonyomno a'mwo tool gami ki'nato womdokwe pwollu amodapiyokaikono. Toro amodapiyoka tool plaino sumaiyokwe a'mwo me'no kuujajuko su toorai aro kuudokaikono. “Oo lubullu doto tovi yanano'moneyokwe me'no sovrowosumawokwono. Toro tovino tov aga neya dobiloo.” Kuudokaikono.

Luuk 14:19

Aki pwol aro kuudokaikono. “Oo nuu nokwo abo'mujuko kwonyu kuruv atousal buulmokau kwolo abiyoma'mwa'jo toorai kamwoga yo'moneyokwe neya pla'monyugono. Toro tovino tov kalokwono, mabumonyugono.” Kuudokaikono.

Filipai 3:4

Neya duu'nyulo. Nevnokwenolluro kwa'mgu kulako tov nokwo nonekullo'mwojo'mo'mno'juki nuu moro kulako tovuro jurogudo tovino nokwo avorugwo'mo'naro'mujukonyugono. Toro te a'mwo pwol gavnokweyolluro kulako tovuro jurogudo tovino porugwo'mo'naronekono. Toro porugwo'mo'nallo'mo kavlo puruv kurukweyo'mno'juki nuu kwonyu kuruv moro kulako tovino porugwo'mo'nallo'moneyokwe kavlo bwotonyago ton kurukweyonyugono. Moro kavlo su ton a'mwo pworavuro kavlo punyu nokwo kuuwolovopujukogano.