Luuk 13:22 - Gooti Toolluro Yogalokwono

²² Aki Jisasol Jeruusalem'no kwokado pla'mdowodo tomuu wagwolago pugai'aro ajumiyo pugai'aro tonyu ki'mo'mdowo kuuguudo tov sodubwosumovlaiyajukekono.

Luuk 13:22 Referans Kwoze

Luuk 9:51

Gooti tool Jisasollu gamoro ago muunyu kai'muuno mokaillo'mo wobo toru ido'nugoboduke toga Jisasol gamoro kuullutago tov wagwolago Jeruusalem tovi plaiyo'mo kwinokaikono.

Matyuu 9:35

Toruda'ai Jisasol yiuwi'nokai wagwolago togai'aro ajumiyo togai'aro tonyuda'ai Juu tooravuro i'bwo'nyago tonyu kuuguudo sodubwosumovlaiyajukekono. Toro tool aguto kig Gooti toolluro mido mollomwalo tovino kuuguudo sugudo tokwe amoruudomollajukekono. Aki toro moruudomollodowo a'mwo abolo tobuuravuro nobolluwuulo judo'no judo'nodo tonyu sukulmovlaiyajukekono.

Kuurotokwe 10:38

Gooti tool Nasaretda'ai Jisasollu jeso'moneyokwe gamoro Kuullo tool uubweyo'no gamoro jurogudo tokwe'aro kuubweyokaikono. Toro kuubweyoka tokwe Jisasol a'mwo abolo tonyu ilaiyo to'no sugollajukekono. Aki Gooti tool kweke yomollodowo a'mwo abolo Satanyolluro kaiyako igolodowodo tobuurai sukullajukekono.

Kuuguudo Sugudo akav Makolluro sakwollokakwono Mak 6:6

Jisasol toro ikulno sumaiyokwe a'mwo abolo gamino kuudo muubweyodopure su tonyuno kuudo kwolallo sourukwapiyokaikono. Toro yourukwapino sumaiyokwe ajumiyo go'no go'nodo pumuu sodubwosomollajukekono.

Luuk 13:23

Su toro yodubwosumovla'mduke tomuu a'mwo pwol Jisasollu aro abuudoganokaikono. “Agutoloo, yiuno a'mwo abolo pwolno puru'monodo tono du'muudo tomuuda'ai birolo'nugolokuupinodukono?” Kuudoganokaikono.