Luuk 1:45 - Gooti Toolluro Yogalokwono

⁴⁵ Mariyavoo, Aguto tool ensel toolluro mago tovi'aro gumi yogalo agudumoka tov kuvinono nogujumo'nonokwono. Aki guu ensel toolluro yogalo agudumoka su tovino kuudo kuubwemwakudo tovino tov Aguto tool sugudo bwotonyo tov nogubwemwalonekono.” Elisabetov toro kuudokakwono.

Luuk 1:45 Referans Kwoze

Joon 20:29

Toro kuudoka tovi Jisasol kuudokaikono. “Guu me'no anuwonmado tovino tov kuudo anubwemwakuno. Toro kuvi kuruv a'mwo abolo mi manuwonopi kuudo to'no anubwepi su tono'gwowi ilaiyo bwotonyo tov nuuwo'mwalonogano.” Kuudokaikono.

Joon 11:40

Toro kuudoka tovi Jisasol aro kuudokaikono. “Nuvu aro me'no agudumo'guugono. Guvu mino kuudo anubwebi tov Gooti toolluro jurogudo kuunodo tovi noonbino'guugono. Su toro me'no agudumo'guugono.” Kuudokaikono.

Luuk 1:20

Toro te guu neya duu'nono. Guvu moro yogalo agudumo tovi kuudo muubwemodo tovino tov gumoro mago tov yogalo jo'moneyokwe mara'binekugono. Toro kweku kuruv yiuno moro yogalo agudumo su tov kuvinono me'no sumo'no'ji toga'no yogalo aiko te dubinekugono. Aki moro yogalo agudumo su ton nebal'no kuvinono nyumo'nupinogano.” Ensel tool toro kuudokaikono.

Luuk 1:44

Neya duu'nono. Nuu gumoro yogaimaguurai nyudodore tovi mi kaduko tokwe muudu'no kuu'numo toga moro sumwoluko tovi anakuuto tomuuda'ai kwolaiyo muudoga tool ilaiyo bwotonyo yodowo ilodukwopi sumokaikono.

Luuk 1:48

Aro tovinokwono. Nuu gamoro womdokwe bwolomoropinodamdo tobuunyu yovo nonaguto ku'mi kuruv kuudo me'no sanuurokaikono. Kuudo pun jaullulo. Yiuwi'nokai a'mwo abolo lukomgu imo'nugelabupino ton mino aro dupinogano. “Oo abolo su tovi sugudo bwotonyo tov kuubweyoka'mdeyo,” mino yiunokuudo su toro dumwalpinogano.