Luuk 1:11 - Gooti Toolluro Yogalokwono

¹¹ Toro domwalodopure toga Aguto toolluro ensel pwol wobeya sudo kuunyo'moneyokwe dukwagupto tovi anato tomgu abodavokaikono.

Luuk 1:11 Referans Kwoze

Adodolukuu'nosungiko 9:13

Toruda'ai ensel naba 6 tool gami biugel tovi pwo'mi muujudo airapiyokaikono. Toro kirapino sumaiyokwe yogaimaguurai puruv romiroudapiyo'moneyokwe dukwagupto tovuro bullo aval aval tomuuda'ai doduke kuu'nonyugono. Dukwagupto su tov gool tokwe sakwollungiko tov Gooti toolluro mwalodowodo sumdollu toru wo'dowodokwono.

Hibruu 1:14

Yiuwi'nokai ensel tooro kuullo pworogano. Toro tooro Gooti toolluro womdo tovi yodupudorogano. Ensel su tooro Gooti toolluro a'mwo abolo tonyu mollomwalmwalpino'moneyokwe modapiyodowodorogano. Gooti toolluro a'mwo abolo nomollurolovomokalokwodowo'jure tobuurai mollomwalmwalpino'moneyokwe gamoro ensel su toorai modapiyodowodorogano.

Kuurotokwe 5:19

Toro tovi aulomerosopo kuvi kuruv surakuuto toga Gooti Aguto toolluro ensel pwol bino sumaiyokwe wuulo killo'mo ago tovida'ai kudo'aiko tov ausubweyokaikono. Toro kuusubweno sumaiyokwe a'mwo kuurotokwe tekwojai kwa'mgu tomuuno abomollurolovomokalokwokaikono. Toro bomollurolovomokalokwino sumaiyokwe aro kuudokaikono.

Luuk 2:10

Toro yodopure toorai ensel tool aro kuudokaikono. “Kevu luko mipinono. Neya duu'nyulo. Kevu ilaiyo bwotonyo ipino'moneyokwe tovino nuvu kuuguudo sugudo puruv aikumokamwakono. Aki kuuguudo sugudo su tov yiuwi'nokai a'mwo abolo kunyuda'aiyo'mokwono.

Luuk 1:28

Toro te ensel tool Mariyaviyomno plaino sumaiyokwe aro abuudokaikono. “Ilaiyokwono. Aguto tool sugudo bwotonyo agubweyadopiko to'guuge amwallo.” Kuudokaikono.

Luuk 1:19

Toro kuudoganoka toollu ensel tool aro kuudokaikono. “Nuvu Gebriyolonyugono. Toro toonyu Gooti tooke mwalodumdonyugono. Gooti su tool kuuguudo sugudo akakwe gumi gujo'moneyokwe amonuwopiyamokanyugono.

Luuk 2:9

Toro moduvomwalodopure toorai Aguto toolluro ensel pwol abwiyalo'nokaikono. Toro abwiyalo'noka toga Aguto toolluro bako bwotonyo tov pwopiyo'no a'mwo su toorai aiyowomno amomwodovomarokakwono. Toro momwodovoma'duke tovino tov luko bwotonyo soporogano.