Kooloosi 4:4 - Gooti Toolluro Yogalokwono

⁴ Toro te Gooti tool mi anyo'mwojoneyokweyo'mo kevu subusu'nyogalo neya duudogaulo. Nuu Gooti toolluro yogalo tovino kuu'maiyo toru'no neya bomollolupto'nosumokwono. Gooti toolluro mi nyo'mwojodowo'jure tokwe kuvinono nokwo moruudumwalmonyugono.

Kooloosi 4:4 Referans Kwoze

Efesos 6:20

Nuu Gooti toolluro mago tovida'ai molloda'mdum kuuguudo sugudo su tokwe moruudomollodore tovino tov wuulo ameranubweyoponyugono. Toro ameranubweyopo kuvi kuruv nuu luko miyo'mi kuuguudo sugudo tokwe guureji kuuno moruudomollumwalmo'moneyokwe kevu subusu'nyogalo duudogaulo.

Kooloosi 4:6

Yovekurajo akavi duu'nyulo. Soore tov wosamujuko tonyu wuullo molludo'mdowodokwono. Su toro to'busuko kubalno yiuwi'nokai toga kemoro yogalo wuudodopure tovi'aro Gooti toolluro yasuwa'wino sugumaluko tonyuno kuu'maiyo toru'no neya bomollolupto'nubweyogaulo. Aki kemoro yogalo wuudodopure su tovino a'mwo abolo pun yamuugojo nekudoganpinogano. Toro aikudoganpi tovino'mo kevu sumdomgu neya jovrowosunogaulo. Toro togaikul yiuwi'nokai a'mwo abolo pwolno puru'monodo tonyu kemoro yamuugojo tonyuno pi'mwono nokwo wuudumwalpinogaikikono.

2 Koorin 3:12

Lukomgu Gooti toolluro bako bwotonyo su tov nemi yiunokuudo novanekwopiyono tovino sogwollo to'no kinodowadonogano. Toro novanekwopiyono tovino tov nevu kuuguudo sugudo tokwe moruujo'moneyokwe luko miyowa'ji kuu'maiyo toru neya amoruudogawano.

Kuurotokwe 5:29

Pris aguto tool toro kuudoka tovi Pitaike'aro a'mwo kuurotokwe toorogai'aro tooro aro kuudoporogano. “Nevu a'mwo yasuwa'nodo pworavuro yogalo tovino to'no muumjunanonogano. Toro kwonol kuruv yiuno Gooti toolluro yogalo to'gwowi kuvinono neya uumjunmwalanonogano.

Kuurotokwe 4:29

Oo nemi Agutoloo, aga a'mwo su tooravuro nemi luko danekuro'gwollo'mo yogalo nekudodopure tovi guu me'no kuu'numadekugonoo. Toro te nevu gumoro womdokwe tobuuronol a'mwo abolo tonyu yogalo tokwe moruujo'mo tovino luko nya'jokweyo'mo guu jurogudo donekubweyogawono.

Kooloosi 4:5

Kevu a'mwo abolo kwa'mguda'ai Jisasolluno kuudo muubweyodupudo tonyuro akuuto tomuu pi'mwono neya jomjomwekovlavogaulo. Toro togaikul yovrowosunopi a'mwo abolo su tonyu Jisasolluro pasudo tovino wuuduuwallo'moneyokwe iruko pun yasuwa'no nekuuwolo'mwalo'jo.