Kooloosi 3:22 - Gooti Toolluro Yogalokwono

²² Kevu a'mwo abolo ki'nato womdokwe togaikul kemi kwako akavida'ai mido mollomwalokwe tooravuro yiuwi'nokai ikudodopure tonyu neya duumjungovlavogaulo. Kevu kwako akavida'ai a'mwo su toorai ilaiyo igollo'moneyokwe a'mwo su tooro yiuno kemi muugonaikwo'dopure toga'no nuumjunmwalpiyo. Toro kugaikul kuruv yiuwi'nokai toga Aguto toollu dolago tomuu mwalopi kemi poowokalago kuunodo togai womdo tov pi'mwono jogaulo.

Kooloosi 3:22 Referans Kwoze

Galesiya 1:10

Kuudo neya jaullulo. Moro su toro aikudumo tov a'mwo abolo ton mino ilaiyo amollonumapureyokweyo'mo'maiyo. Toro kuvi kuruv nuvu yiuno Gooti toolluno'gwowi ilaiyo igollo'moneyokwe womdo wiyodumdekwonyugono. Nuu a'mwo abolo tonyu ilaiyo igollo'mo kuudo sauro'mujuko'mno'juki nuu Krais toolluro womdokwe kuunodo mwimo'no'mujukekwonyugono.

1 Tesaloonaika 2:4

Toro kuvi kuruv Gooti tool gamoro kuuguudo sugudo su tokwe moruudomollo'moneyokwe nemi me'no senyubworonekumarokanogano. Toro yenyubworonekuma'no sumaiyokwe gamoro kuuguudo sugudo su tov anekubweyokanogano. Toro te nevu kuuguudo sugudo su tokwe a'mwo abolo punyu ilaiyo igollo'moneyokwe to'no moruudomollodowadonolmaiyo. Toro kwonol kuruv nemi poowokalago tonyu kamwoga yanekwo'dowodo Gooti su toolluno'gwowi ilaiyo igollo'moneyokwe moruudomollodowadonogano.

Kooloosi 3:20

Kwoloraiyo togaikul kemi tellunumiyago telluneyago tonyu yiuwi'nokai toga neya duumjunogaulo. Su tov aro tovinokwono. Kwoloraiyo tobuurekul kemi kuunum kwolabolo tonyu uumjunyo'moneyokwe pasudo su tovino Gooti Aguto tool ilaiyo winyokwekono.

Luuk 6:46

Aki Jisasol aro kuudokaikono. “Kevu mino Agutoloo, Agutoloo, anyudupi tov moro yogalo ikudodumdo tonyu kisuvolo nyumwalpiyo.

Filemoon 1:16

Muudu'nodo toga a'mwo su tool ki'nato womdokwe kuunodo agujumo'nyajukekono. Toro kuvi kuruv aga'no'gwowi a'mwo su tool Aguto Jisasolluno kuudo me'no kuubwengiko tovino tov gumi jugwai'yago toolbusuko gujumo'nodowodekono. Aki toro toolluno kalo buuropino neya agujunogawono. Nuu kwonyu kuruv a'mwo su tool nyugwai'yago toolbusuko nyumo'nodowodo toolluno kalo buuropino nyunodowodonyugono. Toro te a'mwo su tool ki'nato womdokwe yasuwa'nodo pworai uuwolo'mdowodekono. Ki'nato womdokwe yasuwa'nodo pworai uuwolo'mdowodo tov kavlo puruval tovallunokwono. Puruv gamoro kulako tokwe gumoro womdo tovi pi'mwono gujumwalonekono. Aki puruv Aguto Jisasolluno kuudo kuubwengiko tovi'aro gumi jugwai'yago toolbusuko gujumo'numwalonekono. Kavlo su toro tovalluno tov gumoro sumdo tovi Oonesimosol ki'nato womdokwe yasuwa'nodo pworai uuwolo'mdowodo toolbusuko nokwo gujumo'numwalonekono.

2 Koorin 7:1

Miyobuuravoo, Gooti toolluro subuu'yamju su ton me'no adanekubweyokaikono. Toro tovino tov nevu nemi kulako tokwe'aro kuudo tokwe'aro tovallu yiuwi'nokai kaiyako mollugolanekumo'mdupudo pasudo toorai neya amollol'movodukwopinogawano. Aki toro tonol kaiya'no nyumwala'jokwe tovino Gooti toollu kwako tomuu'aro neya amwalogawano. Toro tonollu Gooti gavnokwe toolluro sugupasudo tollovo yiunokuudo neya aullo'movanekwopiyogapuro.

Kuurotokwe 2:46

Toro yodupu yiuwi'nokai iruko toga Gooti toollu ilomoropiyo'moneyokwe ago tovuro agwapto toru'no kuulodapu aullu'bwo'nyajupogano. Aki toro ton kemi ago go'no go'nodo tonyu i'bwo'nodupu wosamujuko ton anomwallajupogano. Toro sajupo su ton kemoro poowokalago togai yanyagokwe sumo'nyajupogano. Toro imo'nodupu

Luuk 7:8

Moro yogalo agudumo su tov aro tovinokwono. Nuu kwonyu kuruv a'mwo aguto pwollu dolago tomuu mwalodumdonyugono. Aki a'mwo mollurogudo pworo mi dolago tomuu mwalodupudorogano. Toro tooraida'ai pwollu nuu, “Dovlavono,” kuudumi tov kuvinono novlawonekono. Aki pwollu, “Dobono,” kuudumi tov kuvinono nobwonekono. Aki moro ki'nato womdokwe pwollu, “Guu su toro neya jono,” kuudumi tov kuvinono yonekono. Toro te guu yiuno yogalo to'no adubwebi tov moro ki'nato womdokwe tool nokwo ikulnonekono.” A'mwo aguto toolluro mago tovida'ai mollodavo'mno su toro kuudoporogano.

Matyuu 8:9

Moro yogalo agudumo su tov aro tovinokwono. Nuu kwonyu kuruv a'mwo aguto pwollu dolago tomuu mwalodumdonyugono. Aki a'mwo mollurogudo pworo mi dolago tomuu mwalodupudorogano. Toro mwalodupudo tooraida'ai pwollu, “Dovlavono,” kuudumi tov kuvinono novlawonekono. Aki pwollu, “Dobono,” kuudumi tov kuvinono nobwonekono. Aki moro ki'nato womdokwe pwollu, “Guu su toro neya jono,” kuudumi tov kuvinono nuumjunonekono.” Kuudokaikono.

Matyuu 6:22

Gumoro sumdo toval gumi kulako tovuro gworeko to'busuko gujumo'nodubulovakono. Toro te gumoro sumdo su toval pasudo ilaiyo tollovaino to'no ainamjubullu tov gumoro yiuwi'nokai kulako tovi anakuuto tomuu bako tokwe aiyowomno kuullo'movaguwopimwalonokwono.

Muuduko 42:18

Iruko pullapullu abai'movoka tollugwoji Joosepol a'mwo todorotai aro abuudokaikono. “Nuvu Gooti toollu dolago tomuu mwalodumdonyugono. Toro toonyuro aikudumi tovi kevu po'dogalo kuumjunpi tov nuu maromiyaikubwemonyugono.