Kooloosi 3:2 - Gooti Toolluro Yogalokwono

² Kevu kweke me'no uuguro'mwonyodupudo togaikul noonyumwonyu kwako akavida'ai tonyuno kuudo nyau'mwalpiyo. Toro kugaikul kuruv Gooti toolluro ago muunyu kai'muu wo'dupudo tonyuno'gwowi kuudo neya duubwemovlavogaulo.

Kooloosi 3:2 Referans Kwoze

Kooloosi 3:1

Gooti tool Krais toollu muunyu kai'muuno aiyo aiko te amodukovomokailoka toga kevu kwollu uuguro'mwonyodupudo kugaikullu kuruv aval'no amodukovekumokailokaikono. Toro tovino tov kevu Gooti toolluro ago muunyu kai'muu wo'dupudo tonyuno mallo'moneyokwe womdo neya jogaulo. Gooti toolluro ago su tomuu Krais tool Gooti toolluro anato tomuuda'ai sia kig tovi mwalodowodekono.

Matyuu 16:23

Toro mojurugoloduke toga Jisasol yadu'mwonyuno sumaiyokwe Pitallu moroono'no aro kuudokaikono. “Satanyoloo, guu moro buulo tomgu'aro dovlavono! Gumoro kuudo sau'mwakudo su tov Gooti toolluro kuudo yau'dowodo tomgu'aro'maiyo. Toro kuvi kuruv kwako akavida'ai a'mwo pworavuro kuudo yau'dupudo tomgu'aro sau'mwakuno.” Jisasol Pitallu yogalo su toro amojurugolokaikono.

Matyuu 6:19

Aki Jisasol aro kuudokaikono. “Kevu kuto ivito nuugwiyo bwotonyo tokwe biyoma'dupudo tousai kwako akavi nomollu'bworosumwalpiyo. Yiuwi'nokai kwako akavi wo'dupudo su tonyu kaiyako mollugolamo'mdupudogano. Namdo tooro youro tonyu modokuuronopiyopi aki yiuwi'nokai noonyumwonyu aiyon tokwe sakwollungiko tonyu sallukwako tov kaiyako mollugolamo'mdowodorogano. Aki kuuko tooro pwo'dolomokaulapi yiuwi'nokai kwako akavida'ai wo'dupudo su tonyu kuuko kuuloma'dupudorogano.

Kooloosi 3:5

Toro te kevu kwako akavida'ai pasudo kuuno kuulaikwo'dupudo toorai neya joromiyosogaulo. Kwonyalo pasudo toorogai'aro kaiyako igolamo'nyo'mo toorogai'aro kwanyu sumdo kinuwiyo'mo toorogai'aro aki kirovanyuvanyu kiroungovlaiyo'mo kuudo toorogai'aro su toorai kevu manyu tomuu'aro neya domwalogaulo. Aki a'mwo pwolluro noonyumwonyu tonyuno magwesumdo kuruv nenuwimwalpiyo. Su tov aro tovinokwono. Guu a'mwo pwolluro kwako akavida'ai noonyumwonyu tonyuno magwesumdo ainuwibi su tov noonyumwonyu su ton gumi kuunano gooti toorobusuko gujumo'nopi kworai ilomoropiyabinekugono.

Luuk 12:15

Jisasol toro wuujuno sumaiyokwe aki aro kuudokaikono. “Kevu yiuwi'nokai noonyumwonyu kwanyu kuudo tonyuno wako neya dou'nogaulo. Su tov aro tovinokwono. A'mwo pwol kuto ivito bwotonyagokwe sumo'no'ji kwol kuruv gamoro kuto ivito su tonyuda'ai aiyo mwallo'mo jurogudo to'gwowi ku'nono mamaronekono.”

Luuk 16:11

Kevu kwako akavida'ai nuugwiyo tonyu po'dogalo mamworapi tov Gooti tool muunyu kai'muuda'ai sugudo kuunodo touso kemoro ato tovi nokwo ikubweyonoldukono? Awiyo, ku'nono maikubweyonekono.

Filipai 1:23

Yiuwi'nokai kuudo su toval moro kuudo tovi guureji ki'nonumokavla'mdubulovakono. Nuu kwako akavi wuugollu'movo'mi Krais tooke mujomwekovlaiyo'mo nyunodowodonyugono. Krais tooke mujomwekovlaiyo'mo su tov kwako akavi kuuno amwalmi tovi muunyu toru'aro uuwolo'mdowodokwono.