Kooloosi 1:11 - Gooti Toolluro Yogalokwono

¹¹ Aki Gooti tool gamoro yiuwi'nokai jurogudo tokwe kemi adaikullumwojoneyokwe subusu'nyogalo wuudodowolonakono. Jurogudo su tov gamoro bako bwotonyo tovida'ai daikullumwojomwalonekono. Toro te kevu gamoro jurogudo su tovi neya gudupola'mwalpinogaikikono. Toro gudupola'dopure togaikullu tagunyo pun abaiki'mopi toga kevu kavo to'no mollukwovopi kemi poowokalago togai ilaiyo nokwo ibwosunmwalpinogaikikono.

Kooloosi 1:11 Referans Kwoze

Efesos 3:16

Toro toollu nuu subusu'nyogalo aro tovino wuudodumdonyugono. Nellunumiyago jurogudo kuunodo su tool noonyumwonyu punyuno supto miyodowodekono. Toro kwol kuruv bwotonyago ton kurukwekono. Toro tonyuda'ai pun kemi nokwo ikubwemwalonekono. Toro aikubweyo'ji su ton gamoro Kuullo kuulekumwalodowodo toollu'aro kemoro poowokalago tonyu jurogudo nokwo daikullumwojumwalpinogano.

Filipai 4:13

Toro te neya duu'nyulo. Yiuwi'nokai noonyumwonyu numi anyumo'no'ji kuga kuruv nuu Krais jurogudo nubweyodowodo toollu'aro ilaiyo to'no nokwo yomjomwekovla'mwalmonyugono.

Efesos 4:2

Kevnokwe togaikul bwolomoropinapi Jisasolluro a'mwo abolo punyu kwako tomuu'aro neya duuwiyogaulo. Aki toro tonyu kavo duubemwojogaulo. Toro togaikullu a'mwo abolo pun kaiyako saikullugolpi tov kevu sumwoluko su'mno yere nyumo'numwalpiyo. Toro kugaikul kuruv kalo buuropino ikullunodowodo tovino tov a'mwo abolo kaiyako saikullugolpi tonyu ilaiyo to'no domollomarogaulo.

Efesos 6:10

Aga nuu moro kuuguudo akavuro aiyowo'mo toru bai'mo'mdum kemi aro ikudumo'monyugono. Kevu Aguto tooke me'no guro'mwonyodupudogaikikono. Toro togaikul gavnokweyolluro jurogudo daikullumwojodowo'jure tokwe kevu jurogudo imo'nopi guureji nokwo mujodo'movla'mwalpinogaikikono.

2 Koorin 4:7

Nemoro poowokalago anakuuto tomuuda'ai bako pwopiyodowodo su tov kuuguudo sugudo tovino yovekurajokwono. Kuuguudo sugudo su tov nuugwiyo bwotonyo tokwe biyoma'dupudo to'busukokwono. Kuuguudo sugudo kuulanekwo'dowodo su tovuro jurogudo tov nevnokwenolluro'maiyo. Toro kuvi kuruv yiuno Gooti toollurokwono. Toro te Gooti toolluro jurogudo su tovi kuu'maiyo toru'no wuuduuwallo'moneyokwe nevu kwa'bootool jurogudo maiyo to'busuko imo'nodowadonogano. Toro tekwojonollu gamoro kuuguudo sugudo tov kuulanekwo'dowodokwono.

Kuurotokwe 5:41

Toro surolowapiyopo tekwojo bolokwino sumaveyokwe aro adoporogano. “Oo ilaiyo bwotonyokwono. Nemi danyu'nyuwuulo anekubwemapo su toorai Gooti tool nokwo kuumjukurowo'jujukekono. Toro kuvi kuruv Gooti tool nemino ilaiyo bwotonyo winoduke tool nokwo wonyapino to'no sumokaikono. Toro te nevu Jisasolluno yovo tovida'ai danyu'nyuwuulo ama'mawo tov ilaiyo bwotonyokwono.” Kuurotokwe tooro toro amjodumovlavoporogano.

Adodolukuu'nosungiko 14:12

Su tov kuvinono nyumo'nonokwono. Toro te Gooti toolluro a'mwo abolo ton buro'nyo buro'nyo kaiyako igolodopure kuga kuruv yiuno Gooti toolluno to'no neya porugwo'mo'na'mwalpinogano. A'mwo abolo su ton Gooti toolluro yogalo duuwiyodowodo'jure tonyu uumjungovla'mwalpinogano. Aki toro ton Jisasolluno kuudo uubweyodupudo tovi guureji neya gudupola'mwalpinogano.

2 Pita 1:6

Aki kemoro Gooti toolluno kuudo youroma'dupudo su tovi muunyu toru'aro kevnokweyogaikulluro kulako tonyu pi'mwono neya domollomwalnogaulo. Aki pi'mwono mollomwalnodupudo su tovi muunyu toru'aro jul'nyo baiki'mo'dowo'jure toga Gooti toollu guureji neya dogudupolarogaulo. Aki Gooti toollu guureji gudupola'dupudo su tovi muunyu toru'aro kevu Gooti gavnokwe toolluro pasudo tonyuno to'no neya jomjomwekovlavogaulo.

Mollurolovomato 15:6

Oo Gooti Yaweloo, gumoro anato tov jurogudo kuunodokwono. Toro tokwe gumi ikomago toorai aromiyebuuropimadekugono.

Room 2:7

Toro te a'mwo abolo pun Gooti toolluro bako bwotonyo tovi anakuuto tomuu kuulomwallo'moneyokwe puuto tovi a'mgono yodupudogano. Aki Gooti tool muunyu toru'aro yomollonekumwallowo'ji yiunokuudo nobola'jokwe tovino winodupudogano. Su toro winodupudo ton sugupasudo yomjumovla'mdupu mimwogapiyodupudogano. Toro tonyu Gooti tool aiyo yiunokuudo mujomwekovlaiyo'moneyokwe tov kuvinono nuubweyonekono.

Kuurotokwe 1:8

Toro kugaikul kuruv kemiyo'mo tov arokwono. Gooti tool gamoro Kuullo tool nekullabwonekono. Toro aikullabwo'ji toolluro jurogudo tokwe kevu mino kuuguudo tov kuu'maiyo toru'no dodoluwosumwalpinorekikono. Toro toorekul wagwolago Jeruusalem tokwe'aro proovins Juudiya tovuro yiuwi'nokai tomge'aro proovins Samariyake'aro tomuu dodoluwosomollogaulo. Aki kwako akavuro yiuwi'nokai do'gwapiyo kumuu kuruv kuu'maiyo toru'no dodoluwosomollogaulo.” Kuudokaikono.

Juut 1:25

Gooti pwolnodo su tool nemi Aguto Jisas Kraisolluro womdo sopiyoka tovi'aro ma'no ma'nodo tovuro kirumwallo tovida'ai me'no abomollurolovonekumokalokwokaikono. Toro toolluno yovo tovi neya ilomoropimwolowanekono. Gooti su tool Aguto kig kuunodo imo'nodowodekono. Toro tool jurogudo bwotonyokwekono. Aki toro tool yiuwi'nokai tonyu mido momjomwekovlaiyokwekono. Gooti su tool aiyoga sumdomgu me'no amwallajukekono. Aki aga kuga kuruv kuuno mujomwekovla'mdowodekono. Aki lukomgu kuga kuruv yiunokuudo tono mujomwekovla'mwalonekono. Nebal'nodokwono.

1 Koorin 16:13

Kevu wako neya kuu'nomwalopi kemi Jisasolluno kuudo uubweyodupudo su tovi muunyu toru guureji neya dodavogaulo. Aki a'mwono luko miyodupudo toorobusuko kubalno kevu luko miyopi jurogudo neya jumo'nogaulo.