Juut 1:14 - Gooti Toolluro Yogalokwono

¹⁴ Aki Adamolluro jukweyago pwolluno yovo tov Inookolekono. Inookolluro jukweyago tooro Adamolluda'ai yowosungelabino yowosungelabino sumaveyokwe Inookol naba 7 tousuda'ai abillumo'nokaikono. Inookol a'mwo kuunano ibwasokwe su tooraino proofet yogalo puruv aro me'no ajakwollokaikono. “Kevu duu'nyulo. Aguto tool gavnokweyolluro ensel bwotonyago toorogai nobwonekono. Ensel su toorai ku'nono majagilpinorogano.

Juut 1:14 Referans Kwoze

1 Tesaloonaika 3:13

Aki Aguto tool kemoro poowokalago tonyu jurogudo adaikullumwojogawono. Toro daikullumwojodowo'jure tovida'ai kevu nemi Nellunumiyago Gooti toolluro sumdo tovi gavnokweyolluro kuunodo wimo'nopi aki a'mwo abolo kaiya'nodomaiyokwe nokwo wimo'numwalpinogaikikono. Su toro kwimo'nupi togaikul lukomgu nemi Aguto Jisasol gami a'mwo abolo kuunodo togai kwolabwo'ji toga ilaiyo nokwo wuuru'mapinogaikikono. Gooti tool su toro daikullumwojumwalono tovino nevu subusu'nyogalo wuudoganodowadonogano. Nebal'nodokwono.

Matyuu 16:27

Nuu A'mwo Kwolaiyo Kuunodo toonyu moro ensel toorogai mi Nyunumiyago toolluro jurogudo tokwe noolamonyugono. Su toro kwolami toga yiuwi'nokai a'mwo abolo tonyuro pasudo tonyu gallainyubworo'mi kemi pasudo mujumovla'mdupudo tonyuro mubiyo tov nuuwimonyugono.

Matyuu 25:31

“Nuu A'mwo Kwolaiyo Kuunodo toonyu moro jurogudo kuunodo tokwe aikomgu kwolami toga ensel toorogai mokwolamonyugono. Su toro amokwolami toga moro sia kig sugumaluko toru nyulomwalmonyugono.

Muuduko 5:18

Toruda'ai aki Jaretol mwalno mwalno sumaiyokwe toga 162 kworomokwe tool kwolaiyo pwol sawosunokaikono. Toro toolluno Inookolo sowarokaikono.

Adodolukuu'nosungiko 1:7

Neya duu'nyulo. Jisas Kraisol sulu'wo tovi anakuuto tomuu yanekulo'nowo'ji noolabwonekono. Toro wolabodowo'jure toollu yiuwi'nokai a'mwo abolo ton sumdo noonpinekono. Aiyoga a'mwo mollurogudo pwol takubwopto tokwe Jisasolluro suumdo tovi juulowosoduke toga a'mwo abolo pun nokwo wonyapino to'no sopo su to kun kuruv noonpinekono. Toro kwonpi toga kwako akavida'ai yiuwi'nokai a'mwo abolo yovodolobunyo go'no go'nodo tonyuda'ai ton aro dupinogano. “Oo neronekumwallonoldeyo.” Su toro dopi kumdato dupinogano. Su tov kuvinono nyumo'nonokwono. Nebalokwono.

Hibruu 12:22

Kevu muumuudo su toollu abai'mo'mwakopogaikulmaiyo. Toro kuvi kuruv kevu muumuudo Saiyoon toolluno'gwowi wobo toru me'no abai'mo'mwakopogaikikono. Aki kevu Gooti aiyo mwallokwe toolluro wagwolago Jeruusalem kuvi kuruv bai'mo'mdupudogaikikono. Wagwolago su tov muunyu kai'muu wo'dowodokwono. Su tomuu tausen tausen ensel tooro i'bwo'nomwalodupu ilaiyo yodupudorogano. Toro i'bwo'nomwalodopure su toorai wobo toru kevu me'no bai'mo'mdupudogaikikono. Aki a'mwo pwolnodo kwol kuruv yiuwi'nokai ensel bwotonyago su toorai ku'nono majagilonekono.

Adodolukuu'nosungiko 5:11

Aki nuu sumdo wonomolluno sumoneyokwe ensel bwotonyago tooravuro yogaimaguurai tonyu kuu'nonyugono. Ensel su tooro milyan milyan tomgu'arorogano. Aki tausen tausen tomgu'arorogano. Yiuwi'nokai su toorai ku'nono majagilpinorogano. Ensel su tooro sia kig toruke'aro aki aiyokwe aral aral toorogai'aro aki a'mwono moduvomwallokwe toorogai'aro toorai aiyowomno amomwodovomaroporogano.