Joona 1:14 - Gooti Toolluro Yogalokwono

¹⁴ Toro tekwojo Gooti Yawellu deko aro kuudoporogano. “Oo Gooti Yaweloo, nevu a'mwo akallu soolwaravi wolomoropiyowa'ji aromiyosa'ji tov guu nemi mido pun nonekuma'biyo. Aki toro tekwojonollu noromiyanekubwebiyo. Nevu gumino tov aro kuudo souroguma'mawono. Akaro sumo'nadopiko akav yiuno guvnokwekujuro gujunoduke tovida'ai jumo'nadopiyo. Kuudo saguu'mawono.” Kuudoporogano.

Joona 1:14 Referans Kwoze

Efesos 1:11

Kuudo neya jaullulo. Yiuwi'nokai ton Gooti tool gavnokweyolluro yo'mo tonyuno kuudo me'no yovo'dogallourosodowodekono. Toro tool buro'nyo buro'nyodeyo pun yo'mo kwino'ji tov kuvinono yokwekono. Toro te Gooti su tool nevu gamoro noonyumwonyu tollovai bilodukovomallo'moneyokwe sumdomgu me'no ajanekubweyokanogano. Toro ajanekubweyoka tovino tov nevu Krais tooke uuguro'mwonyodowado tonol Gooti toolluro a'mwo abolo kuunodo me'no wimo'nodowadonogano. Su tov Gooti gavnokwe toolluro aiyoga kuudo me'no sovo'dogallourosoka tovi kuvinono wimo'nodowadonogano.

Matyuu 11:26

Mi Nyunumiyagoloo, guvnokwekujuro ilaiyo gujunodowodo tovi kuvinono uumjunodumdekugono. Ilaiyokwono.” Jisasol subusu'nyogalo su toro kuudokaikono.

Joona 1:16

Toro sumo'noka toga a'mwo sip toollu moduvomwallokwe tooro wono'mno luko bwotonyo ino sumaveyokwe Gooti Yawellu wiyo'moneyokwe pwollu aromiroudapiyoporogano. Aki Gooti Yawellu womdo wiyo'moneyokwe subuu'yamju pugai'aro aduuwiyoporogano.

Joona 1:5

Toro yoduke tovi sip toolluda'ai moduvomwallokwe tooro luko bwotonyo ino sumaveyokwe sip su tool kaiyako nyo'jokweyo'mo kemi go'no go'no gooti toorai deko kuudoporogano. Toro wuujuno sumaveyokwe sip tool paiko imo'nono'moneyokwe kuto ivito pun soolwara tovi abwolomodukwopiyaporogano. Toro yodopure kuvi kuruv Joona'wolno'gwowi sip toollu anakuuto tomuu wolno sumaiyokwe sa kwollajukekono.

Efesos 1:9

Toro te Gooti tool gamoro womdo puruv Krais toollu'aro yo'moneyokwe tov nemi nekuduuwallo'mo kwinyajukekono. Gooti toolluro womdo sugudo yo'mo winodowodo su tov aiyoga yiulo kwollajukokwono. Toro kuvi kuruv aga'no'gwowi nemi me'no nekuduuwallodowodo tovino tov nevu kuu'maiyo toru'no kuudo youroma'dowadonogano.

Kuurotokwe 28:4

Toro wimo'noduke tovi a'mwo aku'momdo tovida'ai mwalodupudo tooro amuugonaropogano. Toro tooro gabakuto Poololluro ato tov mogudupolopiyoduke toollu wono'mno aro sajunoporogano. “Oo a'mwo akal a'mwo pworai romiyosodowodoldeyo. Toro tool soolwara tovi me'no surolo'nugomoka kwollu kuruv nemoro gooti to'mono'gwowi gami mido marowo'ji yiuno'no bolonoldeyo.” Sajunoporogano. A'mwo su tooro kemi kuunano gooti su tovino aro dodupudorogano. “Nemi Gooti tov Yiuwi'nokai A'mwo Abolo Tonyu Mido Mallokweyokwono.” Dodupudorogano.

Muuduko 9:6

Aro tovinokwono. Nuu Gooti toonyu a'mwo toorai nuvubusuko sokwollosorogano. Toro tovino tov a'mwo pwol a'mwo pwollu romiyosowo'ji gamoro mujako abwolawo'ji tov a'mwo toro so'ji su tool a'mwo gabovo pworavuro ato tovi'aro neya bolonekono.”

Joona 1:13

Joona'wol toro kuudoka kuvi kuruv a'mwo sip toollu moduvomwallokwe tooro luko yo'mno kuvinono uumjunyo'mo mwinoporogano. Toro tooro i'buukuu'nolluko togai soolwaravuro wolo toru'no ki'meyo'mo guureji avraibworoporogano. Toro avraibworopo kworo kuruv dole'manollo tov bwotonyo guureji imo'noduke tovino tov ku'nono mai'movoporogano.

Joona 3:8

Aki kevu yiuwi'nokai togaikul kalo kalo'mo neya jogaulo. Toro togaikul kanyu sa wollo'moneyokwe youro togai mobwosu'naropi Gooti toollu subusu'nyogalo guureji neya duudogaulo. Aki kemi ma'no ma'no mujeroungovla'mdupudo ton akaru'aro neya jumwogapiyulo. Aki kemi ibesa'aiyo wuulo ki'duvolodupudo kworai kuruv kanyu sa wollo'moneyokwe youro pun neya jubweyulo.