Joon 9:21 - Gooti Toolluro Yogalokwono

²¹ Toro kuvi kuruv aga'no'gwowi sumdo nokwo ainadopiko tokwe'aro aki ala'mwol sukulokaldukoneyokwe tokwe'aro tovalluno navu kuudo miyau'mwakuuwolo. Kevu gavnokwe toollu neya duudoganyulo. Su tool a'mwonekono. Toro te adado kwimo'nokaldukoneyokwe tovino gavnokwe tool nokwo ikudonekono.” Kuudolovakono.

Joon 9:21 Referans Kwoze

Joon 9:20

Toro kuudoganopo tovi gami kuunum kwolabolo teyaul kuudolovakono. “A'mwo akal namoro muugunyekono. Aki toro toollu sumdomgu somaroka togada'ai sumnowojokwe sumo'nyajukekono. Navu su toro tovino kuudo me'no youroma'dowolo'makono.

Joon 9:22

A'mwo kwolabolo su teyaulluro yogalo kuudolo su tov aro tovinokwono. Juu mido mollomwalokwe tooro a'mwo abolo tonyu luko irugollo'mo yogalo puruv aro me'no adoporogano. A'mwo pwol Jisasolluno, Oo Kraisekono, ado'ji tov Juu tooravuro i'bwo'nyago tovida'ai kwa'mgu tomuu nobilomovomjopipinekono. Su toro me'no adopo tovino tov a'mwo kwolabolo teyaul Juu mido mollomwalokwe su tooraino luko sajuleyaukono.

Joon 9:23

Toro tovino tov aro kuudoleyaukono. “Su tool a'mwonekono. Kevu gavnokwe toollu duudoganyulo.” Kuudolovakono.

Luuk 8:43

Toro yovla'mdopure toga abolo nobollokwe pubuul kwolallo su tonyu kuumjunokakwono. Abolo su tobuulluro nobollo tov abewo'nyo to'no to'no yoduke tov 12-pela kworomo tobuul kuuwolo'nokakwono. Aki abolo su tobuul gami nobollo su tovi ikulnyo'moneyokwe dookta bwotonyago tooraiyomno pla'mdowo gami yiuwi'nokai nuugwiyo ton adukwopiyajukokwono. Toro dukwopiyoduke kuvi kuruv yiuwi'nokai tooro ku'nono mwikullajupokwono.

Joon 5:5

Nobollokwe kwolallo su tonyu anakuuto tomuuda'ai a'mwo pwekwo kwollajukekono. A'mwo su toolluro nobollo yoduke tov 38 kworomo tobuul kuuwolo'nokaikono.

Joon 9:10

Toro te a'mwo abolo ton kuudopogano. “Guu sumdo aiko te ainmwakudo su tov adado sukulnumadekudeyo?”

Kuurotokwe 9:33

Toro mwalno sumaiyokwe Pital a'mwo suvlo abolopingikokwe pwollu kwonokaikono. A'mwo su toolluno yovo tov Ainiyasolekono. Toro tekwo gamoro suvlo me'no abolopingikokwe toolluno tov yiuno gami noluuleyo tovi muunyu toru'no wo'dowodekono. Toro wo'duke tov 8-pela kworomo tobuul kuuwolo'nokaikono.