Joon 8:15 - Gooti Toolluro Yogalokwono

¹⁵ Kevu kwako akavida'ai kuudo tokwe mi jainyubwo'dupudorekikono. Toro kuvi kuruv nuu judo toonyuno'gwowi a'mwo pwolnodo kwollu kuruv majainyubwollokwenyugono.

Joon 8:15 Referans Kwoze

1 Samwel 16:7

Toro kuudo sauroka kuvi kuruv Gooti Yawel Samwelollu kuudokaikono. “A'mwo aguto kig imo'nyo'moneyokwe a'mwo su toolluro kumi'yago'mdeyo oo sugumaluko'mdeyo tovi wono'bi majesubinono. Moro a'mwo ajeso tool su to kwolmaiyo. Kevu kwako tovi mwalodupudo toorekul a'mwo tooravuro kwa'mguda'ai kulako tovino to'no wonyokwerekikono. Toro kuvi kuruv nuu Gooti Yawel toonyuno'gwowi a'mwo tooravuro poowokalago kunyuda'ai wonyokwenyugono.” Kuudokaikono.

Joon 12:47

A'mwo pwol moro yogalo tovi wuu'nowo'ji kuvinono muumjuno'ji tov nuvu kooti yogalo mollomwalokwe toonyubusuko a'mwo su toollu ku'nono majainyubwo'monyugono. Su tov aro tovinokwono. Nuvu a'mwo abolo kwako akavi mwalodupudo tonyu jainyubwollo'moneyokwe abonyumaiyo. Toro kwonyu kuruv a'mwo abolo kwako akavi mwalodupudo tonyu ma'no ma'nodo tovuro kirumwallo tovida'ai bomollurolovomokalokwiyo'moneyokwe abonyugono.

Joon 7:24

Kevu kevnokwerekulluro sumdo tokwe anuwonpi tomgu'aro to'no mi nogallainyubwo'mwalpiyo. Toro kworekul kuruv po'dogalo tomgu'aro to'gwowi mi neya dogallainyubworogaulo.”

Joon 3:17

Gooti toolluro Kwolaiyo amonuwopiyaboka su toonyu yiuwi'nokai a'mwo abolo kwako akavi mwalodupudo tonyu kooti yogalo duuwiyo'mi kirumwallo'moneyokwe abonyumaiyo. Toro kuvi kuruv yiuwi'nokai a'mwo abolo kwako akavi mwalodupudo ton Kwolaiyo toonyu'aro wiyo'mwoju'nupino'moneyokwe abonyugono.

Joon 18:36

Toro kuudoganoka tovi Jisasol aro kuudokaikono. “Nuu aguto kig toonyuro mido mollomwalo tov kwako akavida'aiyo'maiyo. Nuu aguto kig toonyuro mido mollomwalo su tov kwako akavida'ai sumo'nowo'jujuko'mno'juki mi Juu tooravuro ato tovi nomanubwepiyokwe moro womdokwe pworo molo nokwo kwiyopujukorogano. Toro kuvi kuruv nuu aguto kig toonyuro mido mollomwalo to'gwowi kwako akavida'aiyo'maiyo.” Kuudokaikono.

1 Koorin 2:15

Toro kuvi kuruv nevu Gooti toolluro Kuullo kurukwe tonolno'gwowi yiuwi'nokai nebaikuuguudo su tonyuro kavlo tov me'no youroma'dowadonogano. Aki a'mwo yasuwa'no pwolnodo kwol kuruv nevu Gooti toolluro Kuullo kurukwe tonollu ajanekigilpi kuruv nemino kuudo po'dogalo miyouronekumapinogano.

Room 2:1

Mi a'mworavoo, moro me'no aikudumo tovino tov kevu aro kuudo nyaupiyo. Nevu a'mwo abolo punbusuko ma'no ma'nodo maiyokwe tonolluno tov Gooti tool maironekumwallonekono. Kuudo nyaupiyo. Su tov aro tovinokwono. Kevu yiuwi'nokai pwolno puru'monodo togaikul aro dodupudogaikikono. “Oo a'mwo abolo ma'no ma'no yodupudo ton Gooti toolluro kirumwallo tov neya amapuro.” Kemoro su toro adupi tov yiuno a'mwo abolo punyuno dupinogaikulmaiyo. Toro kuvi kuruv kevnokwe togaikulluno dupinokwono. Kevu kugaikul ma'no ma'no aval'nodo su to'busuko ton yodupudogaikikono. Toro togaikulluno tov Gooti toolluro kirumwallo tov nomapinogaikikono.

Joon 8:11

Toro kuudoka tovi abolo tov kuudokakwono. “Agutoloo, a'mwo pwolnodo kwol kuruv nonagutomuugono.” Kuudokakwono. Toro wuujuno sumaiyokwe Jisasol kuudokaikono. “Nuu kwonyu kuruv gumi mairogumwallumonyugono. Toro te guu dovlavono. Yo'bi agada'ai ma'no ma'no pasudo tov aiko te mairoungovla'mwalbinono.” Kuudokaikono.

Jems 2:4

Kevu a'mwo su toorallu aval'no mamollomapi tov kevnokweyogaikul imgu amgu yeru'mdeyapinopi kemi ma'no ma'no kuudo kuulaikwo'dupudo tonyu uumjunpinogaikikono. Neya duu'nyulo. A'mwo kooti yogalo mollomwalokwe pworo ma'no ma'no kuudo kuuluuwo'dopure tokwe jainyubwo'dupudo toorobusuko imo'nupinogaikikono.

Luuk 12:14

Toro kuudoka kuvi kuruv Jisasol aro kuudokaikono. “Mi a'mwoloo, kevu todorakulluro yogalo youllajunodubulo tovi jainyubwollo'moneyokwe tov mi ala'mwol ajanubwemokanyudeyo?” Kuudokaikono.

2 Koorin 5:16

Sumdomgu nevu su toro tovino kuudo miyaullajuwonogano. Toro toga nevu Krais toolluno kwako akavida'ai kuudo toorogai to'no souroonyajuuwekono. Toro kuvi kuruv aga'no'gwowi nevu kwako akavida'ai kuudo toorai'aro Krais toollu miyouroonyokwenogano. Aki toro tonol yiuwi'nokai a'mwo abolo kunyuno kuruv kwako akavida'ai kuudo uumdo toorai'aro miyouroonyokwenogano.