Joon 5:5 - Gooti Toolluro Yogalokwono

⁵ Nobollokwe kwolallo su tonyu anakuuto tomuuda'ai a'mwo pwekwo kwollajukekono. A'mwo su toolluro nobollo yoduke tov 38 kworomo tobuul kuuwolo'nokaikono.

Joon 5:5 Referans Kwoze

Kuurotokwe 3:2

Toro tooral ilno sumaleyokwe a'mwo pworo a'mwo suvlo nomuullugollokwe pwollu mollukwovomokabodopure kwonolorakono. A'mwo suvlo nomuullugollokwe su tekwo sumdomgu gami ganeyago tov su toro tekwoji somarokaikono. Toro tekwoji yiuwi'nokai toga mollukwovomokabodupu Gooti toollu ilomoropiyo'moneyokwe ago tovuro anoullo puvi wobo toru morumwallodupudekono. Anoullo su tovino yovo tov Sugumalukoveyokwono. Toro towai mwalodowo a'mwo abolo noullo tovi kuulodopure tonyu, “Nuugwiyo pwekwo donyabilo. Nuugwiyo pwekwo donyabilo.” Jugonodowodekono.

Luuk 8:43

Toro yovla'mdopure toga abolo nobollokwe pubuul kwolallo su tonyu kuumjunokakwono. Abolo su tobuulluro nobollo tov abewo'nyo to'no to'no yoduke tov 12-pela kworomo tobuul kuuwolo'nokakwono. Aki abolo su tobuul gami nobollo su tovi ikulnyo'moneyokwe dookta bwotonyago tooraiyomno pla'mdowo gami yiuwi'nokai nuugwiyo ton adukwopiyajukokwono. Toro dukwopiyoduke kuvi kuruv yiuwi'nokai tooro ku'nono mwikullajupokwono.

Kuuguudo Sugudo akav Makolluro sakwollokakwono Mak 9:21

Jisasol toro toollu wonyuno sumaiyokwe gami ganumiyago toollu kuudoganokaikono. “Pasudo akaro tov adogasuro kwimo'nugelabiyajuko'mdeyo?” Toro kuudoganoka toollu ganumiyago tool kuudokaikono. “Kwolaiyo kula'nyo toolluda'ai kwimo'nugelabiyajukokwono.” Kuudokaikono.

Kuurotokwe 14:8

Toro moruudomollodole toga wagwolago Listra towai a'mwo suvlo amuullugolopingikokwe pwol amwallajukekono. A'mwo su tekwo gami ganeyago tov somaroka togada'ai yiuno a'mwono sumo'noka toga'no suvlo nomuullugollokwe to'no mwalodowo kado ku'nono miyomollajukekono.

Luuk 13:16

Su toro to'busuko kubalno abolo akabuul Eburaiyamolluro kwoloraiyo su tobuullu Satanyol 18-pela kworomo tonyu anakuuto tomuu wuulo galerosodowodekono. Toro galerosodowodo tobuullu iruko Sabat akaga birolo'nugolokwiyo'mo tov ilaiyo'mdukono? Tade, ilaiyokwono.” Kuudokaikono.

Kuurotokwe 9:33

Toro mwalno sumaiyokwe Pital a'mwo suvlo abolopingikokwe pwollu kwonokaikono. A'mwo su toolluno yovo tov Ainiyasolekono. Toro tekwo gamoro suvlo me'no abolopingikokwe toolluno tov yiuno gami noluuleyo tovi muunyu toru'no wo'dowodekono. Toro wo'duke tov 8-pela kworomo tobuul kuuwolo'nokaikono.

Joon 9:1

Toruda'ai Jisasol kado plaino sumaiyokwe a'mwo sumnowojokwe pwollu kwonokaikono. A'mwo su tool gami ganeyago tov muudu'no somaroka togada'ai sumnowojokwe to'no sumo'nyajukekono.

Joon 5:14

Toruda'ai lukomgu Jisasol Jeruusalemda'ai Gooti toollu ilomoropiyo'moneyokwe ago tovuro agwapto tovi anakuuto tomuu a'mwo me'no sukuloka su toollu aiko te kwonokaikono. Toro wonyuno sumaiyokwe aro kuudokaikono. “Guvnokwe tooku neya jainyubwo'nono. Guu me'no sukulnumwa'judekugono. Toro te neya duu'nono. Guu jul'nyo bwotonyo purukwe'aro nogujumo'no'jokwe ma'no ma'no pasudo toorogai mairoungovla'binono. Aki jul'nyo purukwe'aro ama'bi tov gumi jul'nyo sumdomguda'ai tovi nuuwolowo'jo.” Kuudokaikono.

Kuurotokwe 4:22

A'mwo suvlo nomuullugollokwe sukulolo su tekwo 40-pela kworomo kuuwolo'nyungiko toollu duuwallo jurogudo su tov kwimo'nokaikono.

Joon 9:21

Toro kuvi kuruv aga'no'gwowi sumdo nokwo ainadopiko tokwe'aro aki ala'mwol sukulokaldukoneyokwe tokwe'aro tovalluno navu kuudo miyau'mwakuuwolo. Kevu gavnokwe toollu neya duudoganyulo. Su tool a'mwonekono. Toro te adado kwimo'nokaldukoneyokwe tovino gavnokwe tool nokwo ikudonekono.” Kuudolovakono.

Joon 5:6

Jisasol a'mwo nobollokwe su toollu wonyuno sumaiyokwe aro kuudo saurokaikono. Oo a'mwo su tekwo manyu toga nobollo yodowodoldeyo. Su toro kuudo yau'no sumaiyokwe aro kuudokaikono. “Guu ikulnyo'mo dukogujunadopiyo?” Kuudoganokaikono.