Joon 4:48 - Gooti Toolluro Yogalokwono

⁴⁸ Toro kuudoganoka toollu Jisasol aro kuudokaikono. “Tarevono, yiuno duuwallo jurogudo judo'no judo'nodo ton aikuduuwallumi toga'no kevu mino kuudo nubweyodupudorekikono.” Kuudokaikono.

Joon 4:48 Referans Kwoze

Joon 20:29

Toro kuudoka tovi Jisasol kuudokaikono. “Guu me'no anuwonmado tovino tov kuudo anubwemwakuno. Toro kuvi kuruv a'mwo abolo mi manuwonopi kuudo to'no anubwepi su tono'gwowi ilaiyo bwotonyo tov nuuwo'mwalonogano.” Kuudokaikono.

Hibruu 2:4

Su toro nekudodopure toga nevu kuuguudo su tovino, “Nebalo'mdeyo,” jo'moneyokwe tov Gooti kwol kuruv kuu'maiyo toru'no adodoluwosajukekono. Toro adodoluwosajuko su ton arogano. Duuwallo jurogudo togai'aro morumoukuropiyo'moneyokwe womdo togai'aro nobollo judo'no judo'nodo tonyu sukullajuko togai'aro Gooti toolluro Kuullo toolluro noonyumwonyu kwiyajuko togai'aro ton adodoluwosajukekono. Kuullo toolluro noonyumwonyu kwiyajuko su ton Gooti gavnokwe toolluro ilaiyo winoduke tovi uumjunodowo anekumwodeyajukogano. Toro te Gooti toolluro kuuguudo tovino nevu, “Nebalo'mdeyo,” jo'moneyokwe tov gavnokwe tool kuu'maiyo toru'no su toro adodoluwosajukekono.

1 Koorin 1:22

Juu tooro Gooti toolluro kuuguudo tovino aro dodupudorogano. “Oo nevu duuwallo jurogudo punyu kwona'ji toga'no danonogano. “Kuuguudo su tov nebalokwono.” Danonogano.” Aki Juu tooravuro miyawosunodupudo ton aro dodupudogano. “Kuuguudo puruv nemoro pi'mwo kuudo tovi kuumjuno'ji tov, “Oo nebalo'mdeyo,” nokwo danonogano.” Dodupudogano. Toro kuvi kuruv Gooti toolluro kuuguudo to'gwowi kemoro pi'mwo kuudo tovi muumjunodowodokwono. Toro tovino tov aro dodupudogano. “Oo Gooti toolluro kuuguudo tov yiuno junoruko tooravuro'mdeyo.” Dodupudogano.

Kuurotokwe 2:22

Pital toro wuujuno sumaiyokwe aki aro kuudokaikono. “Kevu Isuraiyolda'ai toorekul moro yogalo akavi neya duu'nyulo. Kevu Nasaretda'ai Jisasolluno tov, Oo Gooti toolluro amonekwopiyabokaldeyo, kuudo youromapino'moneyokwe Gooti tool me'no aikuduuwallokaikono. Toro te Gooti tool Jisasollu'aro gamoro duuwallo jurogudo judo'no judo'nodo ton aikuduuwallajukekono. Toro ikuduuwalloduke tonyu kevnokwe toorekul amuugonallajuporekikono.

Joon 12:37

Jisasol a'mwo abolo tonyuro sumdo tovi duuwallo jurogudo bwotonyago ton kuuduuwallajuko kuvi kuruv a'mwo abolo su ton Jisasolluno kuudo muubweyajupogano.

2 Koorin 12:12

Nuu kevuge amwallajo toga duuwallo jurogudo judo'no judo'nodo ton kemi kuu'maiyo toru aikuduuwallunyajonyugono. Toro ikuduuwallunodore tonyu wonodupu kuudo sanuullajupogaikikono. Oo Poolol Jisasolluro kuurotokwe kuunodoldeyo. Sanuullajupogaikikono. Aki jul'nyo pworo banyumo'nodopure toga paiko tooraibusuko kaveno to'no mokavla'mno sumoneyokwe nuu kuurotokwe womdo su tovi kuuno amjumovlaiyajonyugono.

Room 15:19

Aki toro toonyu womdo su tovi mujumovla'mdumdo toga duuwallo jurogudo judo'no judo'nodo togai'aro Gooti toolluro Kuullo toolluro jurogudo tokwe'aro togai wuuduuwollumovla'mdumdonyugono. Toro toonyu Krais toolluno kuuguudo sugudo su tokwe wagwolago Jeruusalem toru amoruudomollonyugono. Toro moruudomolluno sumoneyokwe toruda'ai yiuwi'nokai tomuu moruudomolluno moruudomolluno yodum yiuno kwako Ilirikam tomuu me'no moruudopiyodumdonyugono.

Kuurotokwe 14:3

Toro kuvi kuruv Pooleke Banabaseke tooralno'gwowi wagwolago su toru manyu toga mwalodubul Aguto Jisasolluno kuuguudo tov guureji sodubwosumovlaiyajulorakono. Kuuguudo su tov Gooti gavnokwe toolluro yasuwa'wino sugumaluko nekubweyodowodo tovinokwono. Toro tovino yodubwosumovla'mdole toga a'mwo abolo ton, Oo nebalo'mdeyo, dupino'moneyokwe Aguto tool Pooleke Banabaseke toorallu duuwallo jurogudo pun kuubweyokaikono. Toro uubweyoduke tooral a'mwo abolo tonyu duuwallo judo'no judo'nodo ton kuuduuwallajulorakono.

Kuuguudo Sugudo akav Makolluro sakwollokakwono Mak 13:22

Su tov aro tovinokwono. A'mwo kuunano yogalo youkuu'najokwe pworo bopi aro dupinorogano. “Nuu Krais toonyugono.” Aki pworo aro dupinorogano. “Nuu proofet toonyugono.” Toro tooro kaiya'nodo tomuuno mollubworomokavlaiyo'mo tooro duuwallo jurogudo pun wuuduuwallupinorogano. Toro tooro Gooti toolluro a'mwo abolo me'no ajesungiko tonyu ki'nomallo'mo winodopure kworo kuruv ku'nono mai'nomapinorogano.

Matyuu 24:24

Su tov aro tovinokwono. A'mwo kuunano yogalo youkuu'najokwe pworo bopi ikudupinorogano. “Nuu Krais toonyugono.” Aki pworo ikudupinorogano. “Nuu proofet toonyugono.” Toro tooro kemi kaiya'nodo tomuuno mollubworomokavlaiyo'mo tooro duuwallo jurogudo pun ikuduuwallupinorogano. Aki Gooti toolluro a'mwo abolo me'no ajesungiko kunyu ki'nomallo'mo puuto puruv kurukweyo'mno'juki nokwo ki'nomapinorogano. Toro kworo kuruv ku'nono mai'nomapinorogano.

Kuurotokwe 2:43

Toro imovla'mdupu a'mwo kuurotokwe tooravuro duuwallo jurogudo go'no go'nodo ton wuuduuwallodopure tonyu wonodupu mago to'no morowopiyodupu luko amorumoukuropiyajupogano.

Joon 2:18

Toro te Jisasolluro yoduke su tovino Juu tooro wonyuno sumaveyokwe aro kuudoporogano. “Guu nemi amodovomjonekwapiyadokuudo tooku duuwallo jurogudo puruv anekuduuwallubi tovi wonowa'ji gumino aro kuudo yaguuranekugono. Oo akal Gooti toolluro womdo tovi yo'moneyokwe jurogudo tov kuubweyokaldeyo. Kuudo nokwo yaguuranekugono. Toro te guu buro'nyo duuwallo jurogudo tov nekuduuwallubinekudukono?” Kuudoporogano.

Luuk 16:31

Toro kuudoka kuvi kuruv Eburaiyamol kuudokaikono. “Moosesolluro yogalo tokwe'aro proofet tooravuro yogalo tokwe'aro su tonyu muu'nupi tov a'mwo bwiyo adukawo'ji toolluro wuudodowo'jure kuvida'ai kuruv muu'nupinorogano.” Kuudokaikono.”

2 Tesaloonaika 2:9

Toro mollounapiyono kuvi kuruv sumdomgu kirovanyuvanyu kuumwiyo su tool Satanyolluro womdo tovi momjumovlaiyo'moneyokwe Satanyol gamoro jurogudo tov uubweyonekono. Toro uubweyodowo'jure tokwe kuunano duuwallo togai'aro aki judo pumgu'aro yalugunyo'moneyokwe womdo jurogudo togai'aro togai nobiyalo'nonekono.

Kuurotokwe 15:12

Pital toro wuujuno sumaiyokwe Pooleke Banabaseke tooral Gooti toolluro kuuduuwallajuko tovino aro kuudolorakono. “Oo Gooti tool nami jurogudo nakubweyoduke tovida'ai a'mwo abolo Juu tooravuro miyawosunodupudo kunyu kuruv duuwallo jurogudo judo'no judo'nodo tonyu kuuduuwallajuuwolonakono.” Kuudolorakono. Toro wuudodole tovi a'mwo su'bwo'nomwalopo tooro wuu'no'mno yogalo puru'monodo kuruv maravoporogano.

Kuurotokwe 7:36

Toro te Moosesol Ijup toru duuwallo jurogudo judo'no judo'nodo ton wuuduuwalluno sumaiyokwe Isuraiyolda'ai tonyu bomollurolovomokalokwo'no amollubworomokwanokaikono. Toro mollubworomokwanyuno sumaiyokwe Soolwara Weyako toruke'aro kwako a'mwomaiyo kuu'maiyo toruke'aro toru 40-pela kworomo tobuullu mollubworomokwanyuno sumaiyokwe duuwallo jurogudo judo'no judo'nodo pun kuuduuwallajukekono.

Kuurotokwe 6:8

Toruda'ai a'mwo 7-pela ajesopo su tooraida'ai pwolluno yovo tov Stivenolekono. A'mwo su toollu Gooti tool gamoro jurogudo tokwe sugudo tokwe toval uubweyoduke tovida'ai Stivenol a'mwo jurogudokwe sumo'nyajukekono. Toro tool a'mwo abolo ton muugona'dopure toru duuwallo jurogudo kuunodo pun kuuduuwallajukekono.

Kuurotokwe 5:12

Toruda'ai a'mwo kuurotokwe tooro a'mwo abolo tonyuro sumdo tovi duuwallo jurogudo judo'no judo'nodo ton kuuduuwallajuporogano. Toro wuuduuwallodupu Jisasolluro a'mwo abolo ton Gooti toollu ilomoropiyo'moneyokwe ago tovuro agwapto tovi kuulodapu roukuuropi ago tovi aullu'bwo'nyajupogano. Roukuuropi ago su tovino yovo tov Sooloomonolluro Roukuuropi Agoveyokwono.

Kuurotokwe 4:30

Aki guvnokwekujuro womdo sugudokwe Jisasolluno yovo tovida'ai a'mwo abolo nobollokwe tobuurai ikulo'bi duuwallo go'no go'nodo ton nokwo wuuduuwallubinekugono.” Subusu'nyogalo toro kuudopogano.

Kuurotokwe 2:19

Aki nuu duuwallo jurogudo pun wuuduuwallodo'mure tonyu noonpinogano. Duuwallo jurogudo su ton pun muunyu kai'muu imo'nonogano. Pun kwako tomuuda'ai imo'nonogano. Toro imo'nodowo'jure tonyu wonpinogano. Aki molo inodopure tonyuda'ai mujako tokwe du'wiyo tokwe juto bwotonyo tokwe tonyu noonpinogano.

Joon 15:24

Nuu kwako akavida'ai a'mwo su tooravuro akuuto toru womdo jurogudo ton sajonyugono. Womdo jurogudo su ton a'mwo yasuwa'nodo pwol ku'nono miyodowodogano. Nuvu womdo jurogudo su ton muuduuwallo'mujuko'mno'juki a'mwo su tooro kemi ma'no ma'nodo tovuro jul'nyo tov mamaropujukorogano. Toro kuvi kuruv aga'no'gwowi a'mwo su tooro moro duuwallo jurogudo tonyu me'no wonodupudorogano. Toro wonodupudo kworo kuruv nuuge'aro mi Nyunumiyago tooke'aro toonalluno surodo to'no wuunodupudorogano.

Luuk 10:18

Toro kuudopo tovi Jisasol aro kuudokaikono. “Aiyoga Satanyol Gooti toolluro ago muunyu kai'muuda'ai me'no kuugollu'movokaikono. Toro wuugollu'mo'mno sumaiyokwe toga molamopto to'busuko abwolarokaikono. Toro bwola'duke toollu nuvnokwe toonyu me'no amuugonaronyugono.

Matyuu 27:42

“A'mwo abolo punyu kwiyo'mwojajuko kwol kuruv gavnokwe tekwo wiyo'mwoju'nyo'mo to'gwowi ku'nono mwiyo'mwoju'nonekono. Toro te Isuraiyol tooravuro a'mwo aguto Kig akal i'noguropte tovida'ai aga neya wolabwono. Toro kwolabwo'ji toollu kwona'ji toga kuudo nokwo uubweyanekono.

Matyuu 16:1

Toruda'ai aki Farasi pworogai'aro Sajuusi pworogai'aro tooro bolokwino sumaveyokwe Jisasol abwolorawoneyokwe yamju kwiyoganoporogano. Toro tooro aro soukuu'nuudoporogano. “Nevu gumino tov Gooti toolluro amonekwopiyaboka tooldeyo gudano'mo tov guu muunyu kai'muuda'ai duuwallo jurogudo puruv neya donekuduuwallono.” Soukuu'nuudoporogano.

Joon 4:49

Toro kuudoka tovi gavman womdokwe a'mwo aguto su tool aro ajugonokaikono. “Agutoloo, aga moro kwolaiyo tekwo mabolodowo'jure toga guu yere nokwo wolabinekudukono?” Ajugonokaikono.