Joon 21:5 - Gooti Toolluro Yogalokwono

⁵ Toro yodowore toonollu Jisasol aro anekudoganokaikono. “Mi kwoloraiyobusukobuuravoo, kevu domwoga pworo dukomworakovo?” Toro anekudoganoka tovi uumjunyokwe toonol aro kuudowonogano. “Awiyo.”

Joon 21:5 Referans Kwoze

Filipai 4:19

Aki mi Gooti su tool kemoro yiuwi'nokai supto supi ton nokwo ikullamwalonekono. Gooti su tool aguto kuunodo toolluno tov yiuwi'nokai noonyumwonyu ton bwotonyago kurukwekono. Toro tonyuda'ai pun marowo'ji Krais Jisasollu'aro kemi nokwo ikullamwalonekono.

1 Joon 2:13

Aki kuunumiyagoravoo, aiyoga Gooti tool muudu'nodo togada'ai aga kuga kuruv kuuno mujomwekovla'mdowodekono. Kevu Gooti su toolluno kuudo me'no souromaroporekikono. Toro tovino tov nuu kemiyomno yogalo akav sokwollekwopiyamono. Aki muugunyoravoo, kevu kirovanyuvanyokwe Satanyollu me'no kuuwolovoporekikono. Toro tovino tov nuu kemiyomno yogalo akav sokwollekwopiyamono.

Hibruu 13:5

Kevu nuugwiyo bwotonyo ki'nomallo'mo tovino nekullunumwalpiyo. Aki, Oo nuu noonyumwonyu kuto ivito pugai'aro neya ama'mo, kuudo nyau'mwalpiyo. Toro kuvi kuruv kemi kuto ivito me'no mwora'dupudo su tonyuno, Oo su ton nokwo'modeyo, kuudo to'no neya jaurogaulo. Su toro tovino Gooti tool aro adokaikono. “Nuu gumi magugollu'mo'monyugono. Aki gumi miyogwapimonyugono.” Adokaikono.

1 Joon 2:18

Moro kwoloraiyobusukobuuravoo, sumdomgu kevu kuuguudo aro tovino me'no kuu'nyajupogaikikono. “Lukomgu a'mwo Krais toollu ikomago wimo'nono pwol nobiyalo'nonekono.” Kuu'nyajupogaikikono. Toro kuu'nyajupo su tov aga kuvinono abai'mo'mwallo. Toro te a'mwo Krais toollu ikomago wimo'nodupudo bwotonyago tooro me'no abiyalo'nadokwoporogano. Toro tovino tov nevu aro kuudo souroma'mwakuuwono. Oo aga aiyowo'mo tov me'no dobai'mo'mwallo. Kuudo souroma'mwakuuwono.

Matyuu 14:15

Toro ikulno sumaiyokwe toga surakuuto junyo'mo yoduke tovino tov gamoro uumjunyokwe tooro wono'mno Jisasollu aro abuudoporogano. “Akamuu judo tomuugono. Aki surakuuto junyo'mo sadopiyo. Toro te a'mwo abolo kwolallo su tonyu domodapiyono. Toro amodapibi ton wosamujuko nonyo'mo pun ajumiyo go'no go'nodo tomuu plavopi kevnokwe ton nokwo mubiyanupinogano.” Abuudoporogano.

Kuuguudo Sugudo akav Makolluro sakwollokakwono Mak 8:7

Aki tokwe'aro domwoga pwekwojo kurukwerogano. Toro te Jisasol domwoga tekwojaino, “Nenyoo,” me'no wuudo'no gami uumjunyokwe toorai kuudokaikono. “Kevu akagai'aro duumallulo.” Kuudokaikono.