Joon 20:8 - Gooti Toolluro Yogalokwono

^8-9 Nuu Jisasolluro uumjunyokwe toonyu a'mwo buuso su toru sumdomgu bai'movono yere maulanyugono. Toro kuvi kuruv Pital a'mwo buuso tovi me'no kuuloduke toga'no'gwowi nuu kwonyu kuruv lukomgu kuumjungoulanyugono. Sumdomgu gamoro yiuwi'nokai uumjunyokwe toonol Gooti toolluro yogalo sokwollosungiko puvino kuudo yere miyouromallajuwonogano. Yogalo su tov arokwono. “Oo Kraisol bolnodo tomuuda'ai aiyo aiko te nodukawonekono.” Su toro tovino kuudo yere miyouromallajuwonogano. Toro kuvi kuruv nuu gamoro uumjunyokwe gabovo toonyuno'gwowi a'mwo buuso tovi me'no wonyuno sumoneyokwe kuudo kuubweyonyugono.

Joon 20:8 Referans Kwoze

Joon 20:25

Toro toollu Jisasolluro uumjunyokwe gabovo tooro aro kuudoporogano. “Oo nevu Aguto toollu me'no kwonmawekono.” Toro kuudopo kuvi kuruv Toomasol aro kuudokaikono. “Nuu, Oo nebalo'mdeyo, kuudo yere muubwemonyugono. Nuvu gamoro nillo imuulo tonyu wono'mi aki gamoro ato tovake'aro suumdo tokwe'aro tovalluda'ai imuulo tonyu moro pollo tov aulopiyami toga'no'gwowi kuudo nokwo uubwemonyugono.” Kuudokaikono.

Joon 20:4

Yiuwi'nokai toonal kano kano plavowolno kuvi kuruv nuvu uumjunyokwe gabovo toonyu Pitallu uuwolovono a'mwo buuso toru muudu'no ai'movonyugono.

Joon 20:29

Toro kuudoka tovi Jisasol kuudokaikono. “Guu me'no anuwonmado tovino tov kuudo anubwemwakuno. Toro kuvi kuruv a'mwo abolo mi manuwonopi kuudo to'no anubwepi su tono'gwowi ilaiyo bwotonyo tov nuuwo'mwalonogano.” Kuudokaikono.

Joon 1:50

Toro kuudoka tovi Jisasol aro kuudokaikono. “Guu buro'nyo'mo mino su toro kuudo dukonubwemwakuno? Nuu aro agudumo tov, “Guu iko fik pwollu dolago tomuu kuuno mwalodore tookuji me'no agwonmekugono.” Agudumo su tovino kuudo dukonubwemwakuno? Guu su toro agudumo tovino, Oo aguto'mdeyo, kuudo sau'mwakudo kuvi kuruv lukomguda'ai aguto kuunodo noonbino puno'gwowi agasuro agudumo su tonyu nuuwolopinogano.” Kuudokaikono.

Luuk 16:31

Toro kuudoka kuvi kuruv Eburaiyamol kuudokaikono. “Moosesolluro yogalo tokwe'aro proofet tooravuro yogalo tokwe'aro su tonyu muu'nupi tov a'mwo bwiyo adukawo'ji toolluro wuudodowo'jure kuvida'ai kuruv muu'nupinorogano.” Kuudokaikono.”