Joon 19:38 - Gooti Toolluro Yogalokwono

³⁸ Toruda'ai lukomgu Arimatiyada'ai a'mwo pwolluno yovo tov Joosepolekono. A'mwo su tool Jisasollu uumjunyokwe pwekono. Aki a'mwo su tool Juu tooraino luko sajuko tovino tov yiulo tomuu'aro Jisasollu uumjunyokwe kwimo'nyajukekono. Toro tool a'mwo aguto Pailatollomno bo'no Jisasolluro kulako bwiyo tov mallo'moneyokwe abuudoganokaikono. Toro abuudoganoka tovi Pailatol, “Yowa'nogano,” kuudokaikono. Toro te Joosepol bino sumaiyokwe Jisasolluro kulako bwiyo tov i'noguropte tovida'ai amokwolabokaikono.

Joon 19:38 Referans Kwoze

Filipai 1:14

Aki a'mwo mi avalo toorobusuko nyumo'nodupudo bwotonyago tooro moro wuulo kuule'na'dore su tovino me'no kuu'nyajuporogano. Toro wuu'nodopure toorai Gooti Aguto tool jurogudo aduuwimwojajukekono. Toro te aga'no'gwowi a'mwo su tooro Gooti toolluro yogalo tokwe guureji muunyu toru'aro moruujo'moneyokwe tovino luko mimwakoporogano.

Joon 7:13

Toro sajunopo kun kuruv Juu a'mwo aguto tooraino luko sajupogano. Toro tovino tov a'mwo pwolnodo kwol kuruv Jisasolluno yogalo jo'moneyokwe kemi mago tokwe kuu'maiyo toru maraiyajupogano.

Joon 12:42

Nebal'no ajakwolloka kuvi kuruv a'mwo abolo togai'aro aki kemoro a'mwo aguto tooravuro pworogai'aro bwotonyago tono'gwowi Jisasolluno kuudo kuubweyajupogano. A'mwo aguto su tooro kuudo kuubweyajupo kuvi kuruv Farasi tooraino luko yodupudo tovino tov kemoro kuudo kuubweyajupo su tovino kuu'maiyo toru madodowiyoku'bworosunyajuporogano. Su tooro aro kuudo saullajuporogano. Farasi tooro nemi i'bwo'nyago tovida'ai kwa'mgu tomuu nobilomanekudukwopipiyokwe tovino kuudo yau'dupu luko sajuporogano.

Joon 9:22

A'mwo kwolabolo su teyaulluro yogalo kuudolo su tov aro tovinokwono. Juu mido mollomwalokwe tooro a'mwo abolo tonyu luko irugollo'mo yogalo puruv aro me'no adoporogano. A'mwo pwol Jisasolluno, Oo Kraisekono, ado'ji tov Juu tooravuro i'bwo'nyago tovida'ai kwa'mgu tomuu nobilomovomjopipinekono. Su toro me'no adopo tovino tov a'mwo kwolabolo teyaul Juu mido mollomwalokwe su tooraino luko sajuleyaukono.

Kuurotokwe 13:29

Toro morubweno sumaveyokwe aki Jisasollu kaiyako pugai'aro sugolopekono. Aiyoga proofet tooravuro me'no ajakwollajupo tomgu'aro to'no yiuwi'nokai su ton toro sugolopekono. Toro me'no igolno sumaveyokwe Jisasol i'noguropte tovi ilejuku'na'duke toollu molovomwogapino sumaveyokwe a'mwo buuso sumago tovi amolsosopekono.