Joon 13:12 - Gooti Toolluro Yogalokwono

¹² Toruda'ai Jisasol gami uumjunyokwe tooravuro suvlo tonyu wonyo tokwe me'no mollal'mo'mno sumaiyokwe toga gami youro kumi'yago touso aki aiko te molloso'no kwolomwalokaikono. Toro wolomwalno sumaiyokwe aro kuudokaikono. “Kevu moro aikullumo su tovino kavlo tov kuudo neya jouromarogaulo.

Joon 13:12 Referans Kwoze

Joon 13:7

Toro kuudoka tovi Jisasol aro kuudokaikono. “Moro sumwako akavino kavlo tov aga toga guu kuudo miyau'mwakuno. Toro kuvi kuruv lukomgu toga'no'gwowi moro sumwako akavino kavlo tov guu kuudo kuvinono nyouroma'binekugono.”

Joon 13:4

Toro tool wosamujuko nomwalno sumaveyokwe ilodavo'no gamoro youro kumi'yago tov adowiyosokaikono. Toro dowiyosuno sumaiyokwe laplap tov gami muulo toru amogullosokaikono.

Matyuu 13:51

Jisasol toro wuujuno sumaiyokwe aki aro kuudoganokaikono. “Kevu yiuwi'nokai su tonyuno kavlo ton kuudo jukiyouroma'mwakovo?” Toro kuudoganoka tooro aro kuudoporogano. “Tade, nyouroma'mwakuuwono.” Kuudoporogano.

Kuuguudo Sugudo akav Makolluro sakwollokakwono Mak 4:13

Toro wuujuno sumaiyokwe aro kuudoganokaikono. “Kevu yovekurajo akavino kavlo tov kuudo jukiyouroma'mwakovo? Kuudo miyouromapi to'gwowi yovekurajo punyu kuudo adado youromapinorekuldeyo?” Kuudoganokaikono.

Luuk 22:27

Kevu buro'nyo kuudo jukiyau'mwakovo? A'mwo pwol noluuleyo tovida'ai wosamujuko nomwalodowodo su tool agutoldukono oo a'mwo wosamujuko yovroubweyo'mo womdo wiyodowodo tekwo agutoldukono? A'mwo noluuleyo tovida'ai wosamujuko nomwalodowodo su tool agutekono. Toro kuvi kuruv nuvnokwe toonyuno'gwowi kemi akuuto toru mwalodum a'mwo womdo wiyodowodo pwekwobusuko ikullumo'nodumdekwonyugono.