Kevu duu'nyulo. Nuu kemoro anoullo tonyu wobo toru da'mdum kudo'aiko tonyu iwago romida'nodumdonyugono. Toro toonyu kevu kudo'aiko kuusonumapino'moneyokwe sogwollo kinodumdonyugono. Toro te a'mwo pwol moro yogaimaguurai tovi wuu'nowo'ji kudo'aiko ausonumaro'ji tov nuu a'mwo su to kweke kuulomwalo'mi yiuwi'nokai toonal ibwoto'nyo imo'nowosi wosamujuko tov aval'no kuulonomwalosunonakono.
Joon 12:2 - Gooti Toolluro Yogalokwono2 Toro te Jisasol wagwolago su tovi bai'mo'mduke toolluno ilaiyo mollomallo'moneyokwe wosamujuko pun sovrowosopogano. Aki Martav wosamujuko tonyu yado uumwodeyo'moneyokwe womdo tov sokakwono. Toro uumwodeno sumaiyokwe Jisaseke'aro a'mwo pworogai'aro tooro noluuleyo tovi wolomwalo'mno wosamujuko ton anomwaloporogano. Aki Lasarosol kwol kuruv kworogai wosamujuko anomwalokaikono. Gade chapit la |
Joon 12:2
12 Referans Kwoze
Kevu buro'nyo kuudo jukiyau'mwakovo? A'mwo pwol noluuleyo tovida'ai wosamujuko nomwalodowodo su tool agutoldukono oo a'mwo wosamujuko yovroubweyo'mo womdo wiyodowodo tekwo agutoldukono? A'mwo noluuleyo tovida'ai wosamujuko nomwalodowodo su tool agutekono. Toro kuvi kuruv nuvnokwe toonyuno'gwowi kemi akuuto toru mwalodum a'mwo womdo wiyodowodo pwekwobusuko ikullumo'nodumdekwonyugono.
Toro junodopure toga Jisasol wagwolago Betani toru Saimoonolluro ago tovi aulonomwallajukekono. Saimoonol sumdomgu wonawiyo nobollo tov kwollajuko kwol kuruv su toro toga'no'gwowi nonagutekono. Jisasol toro tooke kuulonomwaloduke toga abolo puruv sul bootool puuwa amokabokakwono. Bootool su tovi wobeya sudo kuunyokwe wonyo pun surosungikokwono. Wobeyo sudo kuunyokwe wonyo su tov kuunodokwono. Toro tovino tov nuugwiyo bwotonyo tokwe abingikokwono. Toro tovi mokabino sumaiyokwe bootool mujumollo tovi pwojo'no Jisasol noluuleyo toru nomwaloduke toga gamoro mido tovi aimowosokakwono.
Aki Jisasol gami adomaroka a'mwo su toollu aro kuudokaikono. “Guu kuujunapto toga'deyo oo sulato toga'deyo lubullu doto subi toga gumi ibwoto'nyorodeyo oo jugwai'yago judai'yagorodeyo oo gumi avalorodeyo oo gumi wobo toru mwalodupudo a'mwo nuugwiyo bwotonyagokweyodeyo tonyu nodoma'mwalbiyo. Guu su toro tonyu adoma'bi tov lukomgu a'mwo abolo su ton gumi aiko te dogumapinogano. Toro adogumapi tov gumi mubiyo to'busuko ma'binekugono. Toro te guu a'mwo abolo su tonyu nodoma'mwalbiyo.
A'mwo aguto tool aikomgu bowo'ji gamoro a'mwo ki'nato womdokwe tooro sa mworopi sogwollo kinodopure toorai abuuru'maro'ji toga womdokwe su tooro ilaiyo to'no ipinorogano. Nuu nebal'no ikudumo'mokwono. A'mwo aguto tool gamoro a'mwo womdokwe tekwojai su toro abwono'ji toga wosamujuko nupino'moneyokwe nomorumwallonekono. Me'no morumwallowo'ji a'mwo aguto su tool womdo yo'moneyokwe youro tov mollosowo'ji wosamujuko tokwe yado uumwodeyonekono.
Toro uumjunyuno sumaiyokwe Livaiyol gamoro ago tovi wosamujuko kuulonomwallo'moneyokwe lubullu doto bwotonyo tov sokaikono. Toro ino sumaiyokwe a'mwo takis nuugwiyo mallokwe bwotonyago pworogai'aro a'mwo go'no go'nodo pworogai'aro Jisaseke'aro tooro Livaiyolluro ago tovi wosamujuko aulonomwaloporogano.
Piblisite