Joon 11:44 - Gooti Toolluro Yogalokwono

⁴⁴ Toro adoka toga a'mwo bwiyo tool dukaino sumaiyokwe alokabokaikono. Gamoro suvlato tovake'aro sumdomago tokwe'aro tonyu youro tokwe pweyo amoweyopingiko tool alokabokaikono. Toro lokaboduke toga Jisasol a'mwo abolo tonyu aro kuudokaikono. “Kevu gamoro youro amoweyopingiko ton ikwolapiyopi kado yomollono'moneyokwe doonyapilo.” Kuudokaikono.

Joon 11:44 Referans Kwoze

Joon 5:25

Aki nuvu nebal'no kuunodo aro ikudumo'mokwono. A'mwo abolo bolodupudo ton Gooti toolluro Kwolaiyo toonyuro yogaimaguurai tovi wuu'nyo'moneyokwe toga nobai'mowonokwono. Su toro wuu'nyo'mo tov aga toga me'no abai'mo'mokakwono. Toro te a'mwo abolo bolodupudo ton Gooti toolluro Kwolaiyo toonyuro yogaimaguurai tovi kuu'nupi ton aiyo nomjomwekovla'mwalpinogano.

Joon 20:7

Aki laplap puruv Jisasolluro mido tovi amoweyomgurosopo tovi kwonokaikono. Jisasolluro sumdomago tovi amoweyomgurosopo laplap su tov laplap pugai avalo toru mworokakwono. Toro kuvi kuruv laplap judo su tov pumuu amogutowosungiko tovi kwonokaikono.

Filipai 3:21

Krais su tool gavnokweyolluro jurogudo tokwe yiuwi'nokai noonyumwonyu tonyu gami dolago tomuu me'no bomorosodowodekono. Aki gamoro jurogudo su tokwe nemoro kulako wollainyo tobuurai judo pumgu'aro mollumo'nanekubweyowo'ji gavnokweyolluro kulako jurogudo to'busuko nomoropiyanonogano.

Joon 10:30

Moro Nyunumiyago su tooke'aro nuvnokwe toonyuge'aro toonal yiuno pwolnodonakono.” Kuudokaikono.

Joon 5:21

Su tov aro tovinokwono. Nyunumiyago tool a'mwo abolo me'no bolodupudo tonyu aiyo aiko te mwalpino'moneyokwe moduka'mdowodekono. Su toro to'busuko kubalno gamoro Kwolaiyo kwonyu kuruv yiuwi'nokai a'mwo abolo nomodukaiyo'mo anyuno'ji su tonyu aiyo mwalpino'moneyokwe nomoduka'monyugono.

Luuk 7:15

Jisasol toro kuudoka kuga'gwo kuuno muugunyo bwiyo su tool dukaino sumaiyokwe yogalo adodukovomwalokaikono. Toro dodukovomwalno sumaiyokwe Jisasol a'mwo muugunyo su toollu gami ganeyago tovuro ato tovi aikomgu kuubweyokaikono.

Muuduko 1:3

Toruda'ai Gooti tool aro adokaikono. “Bako puruv neya imo'nono.” Toro adoka toga bako tov kuvinono sumo'nokakwono.

Adodolukuu'nosungiko 1:18

Aki nuu Aiyo Yiunokuudo Mujomwekovlaiyokweyolenyugono. Toro toonyu me'no abolo kwonyu kuruv aiyo yiunokuudo mujomwekovla'mdumdonyugono. Toro te guu mi neya donuwonono. Nuu bolnodo tokwe'aro a'mwo me'no bolodupudo tooravuro tomge'aro tovallu kudo'aiko kuusubweyo'moneyokwe ki tov mwora'dumdonyugono.

Joon 19:40

Toro tooral Jisasolluro kulako bwiyo tov mokavla'mno sumaleyokwe Juu tooravuro a'mwo bwiyo toorai molsosodupudo pasudo tomgu'aro kuumjunolorakono. Toro tooral Jisasolluro kulako bwiyo tovi wobeya sudo kuunyokwe munollo su tokwe luviyourosolno youro wiya'jo tousogai pweyo amoweyomgurosolorakono.

Kuuguudo Sugudo akav Makolluro sakwollokakwono Mak 5:43

Toro tonyu Jisasol yogalo jurogudo aro aduuwiyokaikono. “Moro sumo akavino a'mwo pworo nyouronmapiyo. Toro tovino kevu muudupinono. Aki taiyo tovi mujuko'mo wosa pun duuwiyulo.” Aduuwiyokaikono.

Joon 20:5

Toro ki'mo'mno sumoneyokwe suduko inuguto'narono a'mwo buuso sulpuuto tomuu auloonyopiyanyugono. Toro kuuloonyopino sumoneyokwe Jisasollu amoweyomgurosopo laplap tov wo'duke auloonyopiyanyugono. Toro kuvi kuruv a'mwo buuso tovi anakuuto tomuu maulanyugono.

Joon 11:39

Toro towai ki'mo'mno sumaiyokwe Jisasol aro kuudokaikono. “Sulo su toollu domodukwopilo.” Toro kuudoka tovi a'mwo aboloka toolluro jo'mwo Martav kuudokakwono. “Agutoloo, a'mwo bwiyo su tool iruko allal allal tobuul me'no kuuwolo'numwa'juko toolluno tov aga buullujudo kuunonekono.” Kuudokakwono.

Luuk 19:20

Aki a'mwo womdokwe lukomguda'ai gabovo pwol a'mwo aguto toollomno bino sumaiyokwe aro kuudokaikono. “Agutoloo, ma. Gumoro twenti kina anyabodo tov akav kwoso. Nuvu nuugwiyo su tov dukwogulo'mo youro puusi anakuuto tomuu pweyo aweyomgurosokwono.

Joon 11:43

Jisasol toro me'no wuujuno sumaiyokwe toga deko guureji aro adokaikono. “Lasarosoloo, dolokabono!” Adokaikono.