Joon 11:33 - Gooti Toolluro Yogalokwono

³³ Mariyav toro wuujuno sumaiyokwe kumdato sokakwono. Toro joduke tovi Jisasol wono'no aki gavuge abopo Juu kworogai'aro kumdato dodopure toorai kwonokaikono. Toro wonyuno sumaiyokwe kalo bwotonyo wino'no jul'nyo subwosunokaikono.

Joon 11:33 Referans Kwoze

Joon 11:38

Toro te Jisasol aki aiko te jul'nyo bwotonyo ibwosunyuno sumaiyokwe a'mwo buuso toru ai'movokaikono. A'mwo buuso su tov sulo toolluda'ai adovoloumjosungikokwono. Aki a'mwo buuso noullo tovi sulo bwotonyo pweke amomjogurosopokwono.

Joon 12:27

Aki Jisasol aro adokaikono. “Aga toga moro poowokalago tovi jul'nyo subwosunmwakono. Toro ibwosunodumdo toonyu aro muudumonyugono. “Nyunumiyagoloo, nuu tagunyo nyubwosunmiyokwe tovino guu nokwo bomollurolovonumokalokuubinekudeyo?” Awiyo. Nuu su toro ku'nono muudumonyugono. Aro tovinokwono. Nuu kwako akavi kwolabo tov tagunyo mi neya anyumo'noneyokwe tovino kwolabonyugono.

Kuuguudo Sugudo akav Makolluro sakwollokakwono Mak 3:5

Jisasol wonomollo'no toro tooraino surodo kwinokaikono. Kemoro poowokalago tov lumdo kuulopiyodopure tooraino kalo kwinokaikono. Toro tool ato amuullugolopingikokwe toollu aro kuudokaikono. “Gumi ato tov doruuguusapiyono.” Toro ruuguusapino sumaiyokwe gamoro ato tov yiuno sugudo to'no sumo'nokakwono.

Room 12:15

A'mwo abolo pun ilaiyo nyubwosunpinogano. Toro ibwosunodopure su togai kevu ilaiyo aval'no neya jubwosunogaulo. Aki a'mwo abolo pun kalo'mo yopi kumdo dodopure toga kevu a'mwo abolo su togai kumdo nokwo dumwalpinogaikikono.

Hibruu 4:15

Nemi Pris Aguto su tool nemoro yiuwi'nokai jul'nyo ibwosunodowa'jure tonyuno kuudo me'no youroma'dowodekono. Su tov aro tovinokwono. Yiuwi'nokai nemi me'nonekumokavlaiyo'mo yamju baneki'mo'mdupudo su tooro Jisasol kwollu kuruv yamju aval'no kwiyoganyajupekono. Toro wiyoganodopure kuvi kuruv Jisasolno'gwowi ma'no ma'no pasudo puru'monodo kuruv miyajukekono.

Kuuguudo Sugudo akav Makolluro sakwollokakwono Mak 9:19

Toro kuudoka tovino Jisasol kuudokaikono. “Kevu agasuro a'mwo abolo togaikul Gooti toolluro jurogudo tovino kuudo muubwemwakopogaikikono. Nuu kevuge manyu toga me'no mujomwekovla'mdumdonyugono. Aki manyu toga kemoro jul'nyo toorai mollovo'dogalomwalodumdonyugono. Toro kuvi kuruv kevu kuudo po'dogalo miyou'movla'mdupudogaikikono.” Toro wuujuno sumaiyokwe kuudokaikono. “Kwolaiyo toollu donumokabilo.” Kuudokaikono.

Joon 13:21

Jisasol toro wuujuno sumaiyokwe jul'nyo ibwosuno'no aro kuudokaikono. “Nuvu nebal'no kuunodo ikudumo'mokwono. Kevu toorekulluro pwol a'mwo tooro galonumworapino'moneyokwe mi nomanubweyononyugono.” Kuudokaikono.

Joon 11:19

Toro te Juu bwotonyago tooro Mariyakwe'aro Martakwe'aro tonodallu kemi kwiyo'mwo toolluno kalo dugoga wileyo'moneyokwe aboporogano.

Joon 11:31

Toro te Mariyav ago tovida'ai yere iloda'mno sumaiyokwe Jisasollomno bolokwoduke tovi kalo dugoga'moneyokwe Juu tooro wono'mno abuumjunugolokwoporogano. Toro tooro kuudo sauroporogano. Oo gami jo'mwo bwiyo toolluro a'mwo buuso tomuu kumdato yono'mo tov dovla'mwallo. Toro do'mno abuumjunugolokwoporogano.

Joon 11:34

Toro tool aro kuudokaikono. “A'mwo bwiyo toollu gadomuu amorosumwa'jupoldeyo?” Toro kuudoka tovi aro kuudopogano. “Agutoloo, bo'bi bwonono.” Kuudopogano.

Joon 11:35

Jisasol kumdo adokaikono.