Joon 11:28 - Gooti Toolluro Yogalokwono

²⁸ Martav toro wuujuno sumaiyokwe gami ganabwiyago Mariyaviyomno kuuwokakwono. Toro wino sumaiyokwe gami ganabwiyago su tovi judo tomuu aro kuudokakwono. “Ibwasokwe abadopiko tool gumino abwoneyokwe agudadopiyo.” Kuudokakwono.

Joon 11:28 Referans Kwoze

Joon 13:13

Kevu nyudodupudorekikono. “Ibwasokweyoloo,” aki “Agutoloo,” nyudodupudorekikono. Kevu su toro nyudodupudo tov kuvigono. Nuu kuvinono su toro ikullumo'nodumdonyugono.

Joon 11:20

Martav Jisasol puuto tomuu boduke toolluno wuu'nyuno sumaiyokwe ago tovida'ai bolokwo'no Jisasollu puuto tomuu kuuru'marokakwono. Mariya'gwowi ago tovi aulomwallajukokwono.

Kuuguudo Sugudo akav Makolluro sakwollokakwono Mak 10:49

Deko toro doduke toollu Jisasol wuu'no'no kuru kuuloda'mno sumaiyokwe a'mwo toorai kuudokaikono. “Domodopiyabilo.” Toro tooro a'mwo toollu kuudoporogano. “Jisasol gumino adoguma'mwallo. Toro tovino tov gumi poowokalago tov jurogudo nokwo imo'no'bi julodavono.”

Joon 21:7

A'mwo uumjunyokwe tooraida'ai pwonyuno Jisasolluro kalo buuropino winodowodo su toonyu Pitallu aro kuudonyugono. “A'mwo adapsuko akaigwol nemi Aguto tookono.” Toro kuudo tovi Saimoon Pital, a'mwo adapsuko akaigwol nemi Aguto tookono, kuudo su tovi wuu'nyuno sumaiyokwe gami youro adowiyosoka tov aki aiko te amolluro'nokaikono. Su tov aro tovinokwono. Domwoga kuurowabwollo'mo womdo tovi yo'mo tool gami kwa'mguda'ai youro tov adowiyosokaikono. Toro te Pital gami youro su tov aiko te molluro'nyuno sumaiyokwe wonyo wolo toru'no pwo'nugwiyo'mo tool wonyo buugo tovi kwolodukwopiyokaikono.

Joon 20:16

Toro kuudoka tovi Jisasol aro kuudokaikono. “Mariyavoo.” Toro kuudoka toga Mariyav yadu'mwonyuno sumaiyokwe suworovomarokakwono. Toro iworovoma'no sumaiyokwe Hibruu yogaljo tovida'ai aro kuudokakwono. “Raboonaiyoloo.” Yogalo, Raboonaiyolo, tovino kavlo tov Ibwasokweyolo'mokwono.

Joon 10:3

Aki a'mwo pwol sipsip kuurupto tovuro noullo tovi mollomwalodowodekono. Toro te a'mwo noullo tovi mollomwalokwe su tool a'mwo duuwatokwe toollo'mo kudo'aiko tovi kuusubweyodowodekono. Toro te a'mwo sipsip duuwatokwe tool noullo su tovi'aro kuulawo'ji kuurupto toruda'ai gami sipsip toorai deko kuuloduuwopiyodawodekono. Toro kuuloduuwopiyodowo'jure tovi sipsip tooro gamoro yogaimaguurai tovino me'no iworovomaropi kwollomno bodupudorogano. Aki duuwatokwe tool sipsip go'no go'nodo tooravuro yovo tonyu domarowo'ji sipsip kuurupto tovida'ai bomogaibworomokalokwodowodekono.

Joon 1:45

Aki Filipol a'mwo pwollu so'mgonomarokaikono. A'mwo su toolluno yovo tov Natanyolekono. Toro toollu yo'mgonoma'no sumaiyokwe aro kuudokaikono. “Nevu a'mwo pwollu me'no kwonoma'mawekono. A'mwo su toolluno aiyoga Moosesolluro loowo tovi puukwollo me'no ajakwollajukekono. Aki proofet kworo kuruv su toolluno puukwollo me'no ajakwollajupekono. Toro ajakwollajupo su tool Joosepolluro muugunyo Nasaretda'ai Jisasol kwekono.” Kuudokaikono.

Joon 1:41

Toro uumjunyuno sumaiyokwe Adruu'wol kevudoralluda'ai Saimoonollu yere so'mgonomarokaikono. Toro yo'mgonoma'no sumaiyokwe aro kuudokaikono. “Nevu Gooti toolluro Mesaiya toollu me'no so'mgonoma'mawekono.” Kuudokaikono. Yogalo, Mesaiyalo, tovino kavlo tov Gooti toolluro nekullo'mwojo'moneyokwe ajesoka Kraisoleyo'mokwono.

Luuk 22:11

Aki kevu ago su tovuro jukwo toollu aro duujulo. “Ibwasokwe tool adumokaikono. “Nuuge'aro moro uumjunyokwe toorogai'aro toonol lubullu doto tov Muunyu Toru'aro Surukuruwolovoka tovi yananonogano. Toro te lubullu doto su tovi yanyo'mo toonol noulonomwalano'moneyokwe ago bwotonyo tov gadomuu dukwoso?” Ibwasokwe tool toro adumokaikono.” Duujulo.

Kuuguudo Sugudo akav Makolluro sakwollokakwono Mak 14:14

Uumjuno'bullu a'mwo su tool ago puvi aulawo'ji tov kevu ago su tovi jukwo toollu aro duujulo. “Ibwasokwe tool aro adumokaikono. “Nuuge'aro moro numjunyokwe toorogai'aro toonol Muunyu Toru'aro Surukuruwolovoka lubullu doto tovi yananonogano. Lubullu doto su tovi kuulonomwallo'moneyokwe ago adovarojungiko tov gadomuu donuwoso?” Ibwasokwe tool toro adumokaikono.” Duujulo.

Matyuu 26:18

Toro kuudoganopo tovi Jisasol gami uumjunyokwe su toorai aro kuudokaikono. “Kevu wagwolago Jeruusalem tovi kuulapi a'mwo aikuduuwallumi pwollu noonpinorekikono. Toro toollu aro duujulo. “Ibwasokwe tool agudumokaikono. Moro iruko aguto tollugwo nobai'mowono'mo wobo toru sadopiyo. Toro te nuuge'aro moro uumjunyokwe toorogai'aro toonol Muunyu Toru'aro Surukuruwolovoka lubullu doto tovi yananonogano. Lubullu doto su tovi yanano'mo toonol gumoro ago tovi kuulonomwalanonogano. Ibwasokwe tool toro agudumokaikono.” Duujulo.”

Hibruu 12:12

Kevu wollainyo imo'nodupudo togaikullu Gooti tool jurogudo yogullumwojekwapiyo'moneyokwe kuudo ikuuteyodowodekono. Jurogudo kuvinono sumo'nupi togaikul kemi ato togai guureji neya dogudupolarogaulo. Aki suvlo togai jurogudo neya dodavogaulo.

1 Tesaloonaika 5:11

Su toro ikullumo'nono tovino tov kevnokwe togaikul imgu amgu jurogudo duuwimwoju'nopi aki aguto neya jogullumwoju'nugovlavogaulo. Su toro tov kevu me'no yodupudo tomgu'aro kuuno domjumovlavogaulo.

Joon 11:29

Toro kuudoka tovi Mariyav wuu'nyuno sumaiyokwe yere ilodavo'no Jisasollomno avlavokakwono.

Joon 11:30

Su toro toga Jisasol ago toru yere mabai'movokaikono. Toro kwol kuruv Martavi muudu'no kuuru'maroka su towai kuuno amwallajukekono.