Joon 1:50 - Gooti Toolluro Yogalokwono

⁵⁰ Toro kuudoka tovi Jisasol aro kuudokaikono. “Guu buro'nyo'mo mino su toro kuudo dukonubwemwakuno? Nuu aro agudumo tov, “Guu iko fik pwollu dolago tomuu kuuno mwalodore tookuji me'no agwonmekugono.” Agudumo su tovino kuudo dukonubwemwakuno? Guu su toro agudumo tovino, Oo aguto'mdeyo, kuudo sau'mwakudo kuvi kuruv lukomguda'ai aguto kuunodo noonbino puno'gwowi agasuro agudumo su tonyu nuuwolopinogano.” Kuudokaikono.

Joon 1:50 Referans Kwoze

Joon 11:40

Toro kuudoka tovi Jisasol aro kuudokaikono. “Nuvu aro me'no agudumo'guugono. Guvu mino kuudo anubwebi tov Gooti toolluro jurogudo kuunodo tovi noonbino'guugono. Su toro me'no agudumo'guugono.” Kuudokaikono.

Joon 20:29

Toro kuudoka tovi Jisasol kuudokaikono. “Guu me'no anuwonmado tovino tov kuudo anubwemwakuno. Toro kuvi kuruv a'mwo abolo mi manuwonopi kuudo to'no anubwepi su tono'gwowi ilaiyo bwotonyo tov nuuwo'mwalonogano.” Kuudokaikono.

Luuk 1:45

Mariyavoo, Aguto tool ensel toolluro mago tovi'aro gumi yogalo agudumoka tov kuvinono nogujumo'nonokwono. Aki guu ensel toolluro yogalo agudumoka su tovino kuudo kuubwemwakudo tovino tov Aguto tool sugudo bwotonyo tov nogubwemwalonekono.” Elisabetov toro kuudokakwono.

Matyuu 25:29

Toro duuwino sumaiyokwe aro kuudokaikono. “A'mwo pwol moro yogalo tovuro kavlo tovino kuudo souromaro'ji tov Gooti tool a'mwo su toollu kuudo purukwe'aro nuuwiyonekono. Aki kuudo kwiyo'ji su tovi muunyu toru bwotonyago nyulloullubweyonekono. Toro kuvi kuruv a'mwo pwol moro yogalo tovi muu'nyubusuko yowo'ji kavlo tovino kuudo miyouromaro'ji toolluno'gwowi gamoro kuudo pwekwono uubweyodowo'jure su tobuurai Gooti tool nomodukwopiyonekono.

Luuk 7:9

Toro kuudopo tovi Jisasol a'mwo su toolluro yogalo tovi wuu'nyuno sumaiyokwe morumoukuropi sokaikono. Toro tool kwolallo uumjunodopure tonyu gunyubworoonyuno sumaiyokwe kuudokaikono. “Aro ikudumo'mokwono. Nuu yiuwi'nokai kwako Isuraiyol tomuu yomollodumdo kuvi kuruv a'mwo kuudo pi'mwono nubweyodowodo akalbusuko pwollu miyo'mgonoma'dumdonyugono.” Kuudokaikono.

Matyuu 13:12

Toro te a'mwo pwol moro yogalo tovuro kavlo tovino kuudo souromaro'ji tov Gooti tool a'mwo su toollu kuudo purukwe'aro nuuwiyonekono. Aki kuudo kwiyo'ji su tovi muunyu toru bwotonyago nyulloullubweyonekono. Toro kuvi kuruv a'mwo pwol moro yogalo tovi muu'nyubusuko yowo'ji kavlo tovino kuudo miyouromaro'ji toolluno'gwowi gamoro kuudo pwekwono uubweyodowo'jure su tobuurai Gooti tool nomodukwopiyonekono.

Matyuu 21:19

Toro kwinoka tool puuto tomuu iko fik pwol da'mduke toollu kwonokaikono. Toro wonyuno sumaiyokwe iko su toolluro sulo pun yo'mgonomuudanyo'moneyokwe kuuwokaikono. Toro wino sumaiyokwe iko su tool ikulsulo pun mai'nyo'mo tool yiuno kuuwopto tono ina'dopure toollu kwonokaikono. Toro tovi wonyuno sumaiyokwe Jisasol iko su toollu yogalo aro amojurugolokaikono. “Agada'ai sulo mai'nugovla'mwalbinekugono.” Amojurugolokaikono. Toro amojurugoloka kuga'gwo kuuno iko fik su tool yiuno'no aluuropiyokaikono.

Joon 1:49

Toro wuujuno sumaiyokwe Natanyol kuudokaikono. “Ibwasokweyoloo, Gooti toolluro Kwolaiyo kuunodo tool guu kwekugono. Aki Isuraiyolda'ai Aguto Kig tool guu kwekugono.” Kuudokaikono.

Joon 1:51

Jisasol toro wuujuno sumaiyokwe aki puruv aro kuudokaikono. “Nuvu nebal'no kuunodo gudumo'mokwono. Kevu Gooti toolluro ago muunyu kai'muu nousoda'mdowo'jure tovi noonpinorekikono. Aki muunyu kai'muuda'ai Gooti toolluro ensel pworo A'mwo Kwolaiyo Kuunodo toonyu'aro ilno wolabino yodopure toorai noonpinorekikono.” Kuudokaikono.