Jems 4:9 - Gooti Toolluro Yogalokwono

⁹ Kevu kemi ma'no ma'no pasudo mujumovla'mdupudo su tooraino jul'nyo neya jubwosunogaulo. Aki pasudo su tooraino kumdaillo neya domjumoulogaulo. Kemi ma'no ma'no pasudo toorai miyainyunodupu kakwo to'no dodupudogaikikono. Toro kugaikul kuruv aga'no'gwowi pumgu'aro moropiyopi kemi ma'no ma'nodo su tooraino kumdaillo to'no dodomwalogaulo. Aki su to'busuko kubalno kemoro ilaiyo yodupudo tov pumgu'aro moropiyopi kumjuju kulako to'no neya jumo'nomwalogaulo.

Jems 4:9 Referans Kwoze

Matyuu 5:4

Aki a'mwo abolo kalo winodupudo ton ilaiyo nokwo ipinogano. Su toro tonyuro kalo su tov Gooti gavnokwe tool dugoga nuuwilowonekono.

Luuk 6:25

Aki aga kevu wosamujuko nodupu me'no anyuto'numwakopo su toorekulno'juki jul'nyo nomapinorekikono. Su tov aro tovinokwono. Lukomgu kevu mujuko nobolmwalpinorekikono. Aki aga kevu kakwo adadokwopo toorekulno'juki jul'nyo nomapinorekikono. Su tov aro tovinokwono. Lukomgu kevu kalo bwotonyo ikullunowo'ji kumdaillo nyumwalpinorekikono.

Luuk 16:25

Deko toro kuudoka kuvi kuruv Eburaiyamol kuudokaikono. “Mi nyukwo kwolaiyoloo, guvu aiyo kuuno mwalodore toga gumi noonyumwonyu sugudo togai amomjomwekovlaiyajudekugono. Su toro mujomwekovla'mdore toga Lasarosolno'gwowi kaiya'nodo to'no amwallajukekono. Toro kwol kuruv aga toga yiuno kavo to'no amwallo. Guu tekwoguno'gwowi danyu'nyuwuulo bwotonyokwe tomuu amwakuno.

Luuk 6:21

Aki kevu aga mujuko abolmwakopo toorekulno'juki ilaiyo nokwo jogaulo. Lukomgu kevu wosamujuko togai nonyuto'nupinorekikono. Aki kevu aga kumdo adadokwopo toorekulno'juki ilaiyo nokwo jogaulo. Lukomgu kevu kakwo nodumwalpinorekikono.

Matyuu 21:41

Toro kuudoganoka tovi aro kuudoporogano. “Womdo tovi jukwo tool abwo'ji toga aro yonekono. A'mwo kirovanyuvanyu su toorai kaiyako yiuno'no mollounapiyonekono. Aki gami wain womdo tovi mollomwalmwalpino'moneyokwe womdo tov a'mwo muuduko pworai jesonekono. Toro ajeso'ji su tooro wain womdo su tovida'ai yiuwi'nokai wosamujuko amulomapi ton pun jukwo su toollu kuvinono nuuwimwalpinogano.” Kuudoporogano.