Jems 4:1 - Gooti Toolluro Yogalokwono

¹ Kevnokwe togaikulluro akuuto toru mebweyogalo kuullajunodupudo tokwe'aro molo kuullunodupudo tokwe'aro su tov buro'nyo kavlo tovino'mdukono? Kavlo tov aro tovinokwono. Pasudo su ton kemoro kulako tovuro buro'nyo buro'nyo kirovanyuvanyu pasudo toorai kiroungovlaiyo'mo guureji ikullunodupudo tovida'aiyokwono. Neya duu'nyulo. Kemi kwako akavida'ai kulako tonyu anakuuto tomuu kuudo puruval molo kuullunodubulovakono. Toro te kemoro kirovanyuvanyu kiroungovlaiyo'moneyokwe kuudo tokwe'aro aki sugupasudo mujumovlaiyo'moneyokwe kuudo tokwe'aro su toval molo kuullunodubulovakono.

Jems 4:1 Referans Kwoze

1 Pita 2:11

Mi ibwoto'nyobuuravoo, kevu kwako akavida'aiyogaikulmaiyo. Toro te kevu kwako akavi mwalopi toga yiuno kwako pumuuda'ai a'mwo bomwallo togaikulbusuko to'no imo'nugovla'mdupudogaikikono. Toro tovino tov nuu duudapi yogalo guureji aro ikudumo'mokwono. Kevu kemi kwako akavida'ai kulako tonyuro buro'nyo buro'nyo ilaiyo igollunyo'mo ikullunodowodo su toorai nuumjunmwalpiyo. Pasudo su tooro kemoro poowokalago tobuurai molo bwotonyo wiyodupudorogano.

Galesiya 5:17

Kuudo neya jaullulo. Kuudo uumdo toolluro ikullunodowodo su tooro Gooti toolluro Kuullo toollu molo wiyodupudorogano. Aki Gooti toolluro Kuullo tool kuudo uumdo su toollu molo wiyodowodekono. Yiuwi'nokai su tooral imgu amgu molo inodubulorakono. Toro te kuudo uumdo tool ikumjuku'dowodo tovino tov kevu kuudo ilaiyo tollovai uumjunyo'mo ikullunodowo'jure kuvi kuruv ku'nono muumjunodupudogaikikono.

Room 7:23

Toro nyunodowo'jure kuvi kuruv moro poowokalago tovida'ai kuudo uumdo kuulanuwo'dupudo toorono'gwowi kuudo ilaiyo yau'do'mure su tovi molo wiyodowodokwono. Toro wiyowo'ji kuuwolowo'ji toga ma'no ma'nodo tov mi wuulo kironumwallodowodokwono.

Room 8:7

Toro tovino tov a'mwo abolo pun kwako akavida'ai kuudo toorai kuumjunpi ton Gooti toolluro loowo tovi dolago tomuu mamwalopi ku'nono muumjunpinogano. Toro ton Gooti toolluro ikomago wimo'numwalpinogano.

Jems 1:14

Toro kuvi kuruv nevnokwe yiuwi'nokai pwolno puru'monodo tonolluro ilaiyo igollunyo'mo kuudo tooro wuulo tovibusuko ibwotovanekubweyodopure tovida'ai ma'no ma'no yo'moneyokwe tomuuno me'nonekumokavla'mdupudorogano.

1 Pita 1:14

Sumdomgu kevu kuudo maiyo imo'nodupu kevnokweyogaikulluro kulako tonyu ilaiyo igollunyo'mo to'no amjumovlaiyajupogaikikono. Toro kuvi kuruv aga'no'gwowi kevu pasudo uumdo su tovi dukwopiyopi kwoloraiyo ton kemi kuunumiyago toollu uumjunodupudo togaikulbusuko neya jomjomwekovlavogaulo.

Kooloosi 3:5

Toro te kevu kwako akavida'ai pasudo kuuno kuulaikwo'dupudo toorai neya joromiyosogaulo. Kwonyalo pasudo toorogai'aro kaiyako igolamo'nyo'mo toorogai'aro kwanyu sumdo kinuwiyo'mo toorogai'aro aki kirovanyuvanyu kiroungovlaiyo'mo kuudo toorogai'aro su toorai kevu manyu tomuu'aro neya domwalogaulo. Aki a'mwo pwolluro noonyumwonyu tonyuno magwesumdo kuruv nenuwimwalpiyo. Su tov aro tovinokwono. Guu a'mwo pwolluro kwako akavida'ai noonyumwonyu tonyuno magwesumdo ainuwibi su tov noonyumwonyu su ton gumi kuunano gooti toorobusuko gujumo'nopi kworai ilomoropiyabinekugono.

2 Pita 3:3

Toro te kuudo muudu'no youromapino'moneyokwe tov arokwono. Iruko aiyowo'mo toga a'mwo pworo biyalo'nopi kevu tobuurekullu burekakwo nome'naikwopipinorogano. Aki a'mwo su tooro kevnokweravuro kulako tonyu ilaiyo igollunyo'mo pasudo toorai uumjunopi kiroungovla'mwalpinorogano.

Jems 4:3

Aki kevu Gooti toollu kuudoganpi kuga kuruv mama'dupudogaikikono. Su tovino kavlo tov arokwono. Kevu po'dogalo muudoganodupudogaikikono. Toro togaikul kaiya'no kuudo aro yaullokweyogaikikono. Oo nevnokwenolluno ilaiyo igollunyo'moneyokwe noonyumwonyu pun neya amarano. Toro amara'ji su ton yasuwa'no nokwo anopiyogawano. Kevu kaiya'no kuudo su toro yau'dupudo tovino tov noonyumwonyu ton ku'nono mama'dupudogaikikono.

2 Pita 2:18

Toro te a'mwo kuudo maiyokwe su tooro yasuwa'yogalo to'no derounomollodupudorogano. A'mwo kuunano ibwasokwe su tooro a'mwo abolo pubuurai kemi kulako tovuro ilaiyo igollunyo'mo kwonyalpasudo toorai'aro ki'noma'dupudorogano. A'mwo abolo su tobuuro kwako akavida'ai a'mwo abolo ma'no ma'no pasudo kiroungovla'mdupudo tonyuro akuuto tomuuda'ai aga toga'gwo abirolo'nugolokuumwa'jupobuurogano. Toro abirolo'nugolokuumwa'jupo kubuurai kuruv kuunano ibwasokwe su tooro ai'noma'mwakoporogano.

Taitos 3:3

Kuudo neya jaullulo. Muudu'nodo toga ne kunol kuruv junorukuudo tooro yau'dowa Gooti toolluro yogalo tovi kisuvolo kwiyajuwonogano. Aki kuunano yogalo youkuu'nanekudodopure toorai kaduko wiyodowa noonyumwonyu kwanyu sumdo kinuwiyo'mo pasudo toorogai'aro nevnokwenollu ilaiyo igollunyo'mo pasudo toorogai'aro su toorai kiroungovlaiyo'moneyokwe ki'nato womdo sajuwonogano. Aki toro tonol magu'nyo kuudo toorogai'aro kwekuullu kuudo toorogai'aro you'movla'mdowa a'mwo abolo togai sumwoluko gwabo sungovlaiyajuwonogano. Muudu'nodo toga nevu kaiya'no pasudo su toro toorogai somjomwekovlaiyajuwonogano.

Taitos 3:9

Toro kuvi kuruv yogalo pworo a'mwo pworavuro yamuugojo kaiya'nodo toorogai'aro kemi kwikweyago tooraino yovo tonyuno yajunodupudo toorogai'aro imgu amgu yogalo youllajunyo'moneyokwe toorogai'aro Juu tooravuro loowo tovino jainyubwo'dupudo toorogai'aro yiuwi'nokai yogalo su tooro kemi ku'nono maikullo'mwojupinorogano. Toro tovino tov kevu yogalo kaiya'nodo su toorai manyu tomuu'aro neya jurukuruwolovogaulo.

Room 7:5

Sumdomgu nemoro kwako akavida'ai kuudo toorai kuumjungovlaiyajuuwo toga Gooti toolluro loowo tonyu kisuvolo sajuwonogano. Aki loowo su tonyu wuu'nodowado tonolluno tov nemoro suvlato togai ma'no ma'no yo'moneyokwe kuudo tooro nemoro poowokalago tovi aullo'movanekwopiyajuporogano. Toro kuullo'movanekwopiyodopure tovida'ai nemoro poowokalago ton me'no abollungopo to'no sumo'nyajupogano.

Matyuu 15:19

A'mwo toolluro poowokalago anakuuto tomuuda'ai bolokwodopudo su ton aro tonyuno aikudadokwono. Ma'no ma'no kuudo togai'aro romiyosi togai'aro abekuuko togai'aro kwonyalo togai'aro kuuko togai'aro kuunano togai'aro burolyogalo togai'aro yiuwi'nokai su togano.

Joon 8:44

Toro te kevu kemi tellunumiyago Satanyolluro kwoloraiyo kuunodo imo'nodupudorekikono. Aki gamoro kirovanyuvanyu pasudo molludo'mdowo'jure toorai kevu aval'no kiroungovlaiyo'moneyokwe tovino guurejuno ikullunodowodorekikono. Kemi tellunumiyago su tool muudu'nodo togada'ai a'mwo abolo tonyu romiyosokwe me'no sumo'nokaikono. Toro tool nebal'no yogalo tov nonagutekono. Toro toolluno tov nebal'no yogalo tovi anakuuto tomuu mauloda'mdowodekono. Aki toro tool kuunano soukuu'nado'ji toga gamoro pasudo su tovino yiuno kuu'maiyo toru'no wuuduuwallunodowodekono. Neya duu'nyulo. Satanyol kuunano youkuu'najokwe tookono. Aki kuunano youkuu'najo'moneyokwe pasudo tovi ganumiyago kuunodekono.

2 Timooti 2:23

Toro te nuu aki aiko te aro gudumo'mokwono. Guu a'mwo junorukuudokwe pworavuro yogalo go'no go'nodo tooraino yogalo noullajunmwalpiyo. A'mwo su tooro kemi yogalo su tooraino kavlo ton kuudomaiyorogano. Guu aro tovino kuudo me'no youroma'dumdekugono. Guu a'mwo su toorogai yogalo soullajunpi tov a'mwo su tooro yiuno molo'mo to'no kuudo yaupinorogano.