Galesiya 5:2 - Gooti Toolluro Yogalokwono

² Neya duu'nyulo. Nuu Poolonyu aro ikudumo'mokwono. Pworekul aro kuudo yau'dupudorekikono. Oo nevu Moosesolluro loowo tovi uumjunowa'ji nemi lakulkulako tov ado'na'ji toonol Gooti toolluro sumdo tovi sugudo imo'nanonogano. Kevu pworekul su toro kuudo saupi tov Krais tool kemi ku'nono maikullo'mwojonekono.

Galesiya 5:2 Referans Kwoze

Galesiya 5:6

Kuudo neya jaullulo. A'mwo pwol Krais Jisasollu me'no uuguro'mwonyodowodo tool gami lakulkulako tov ado'no'jo'mdeyo oo mado'no'jo'mdeyo kuruv su toval aguto mimo'nodubulovakono. Toro kuvi kuruv aguto to'gwowi arokwono. A'mwo pwol Krais Jisasolluno kuudo uubweyodowodo su tovi'aro a'mwo abolo punyuno kalo buuropino winmwalono to'gwowi agutokwono.

Kuurotokwe 15:1

Toro kuvi kuruv Pooleke Banabaseke tooral wagwolago Antiyook toru kuuno mwalodole toga kwako Juudiyada'ai a'mwo pworo abwolai'movoporogano. Toro bwolai'mo'mno sumaveyokwe Jisasolluro a'mwo toorai kuuguudo puruv aro sodubwasoporogano. “Kevu Moosesolluro loowo tovuro dodowodo tomgu'aro kemi lakulkulako ton ado'nupi to'no Gooti tool kemi ma'no ma'nodo tovuro kirumwallo tovida'ai nokwo bomollurolovekumokalokwonekono.”

Hibruu 4:2

Neya duu'nyulo. Gooti toolluro kuuguudo sugudo tov aiyoga Isuraiyolda'ai a'mwo abolo tonyu kuu'maiyo toru amoruujajupokwono. Kuuguudo sugudo su tov Gooti toolluro iruko mujomwekovlaiyo'moneyokwe tov kurukwono. Aki kuuguudo sugudo avalo su tov nemi me'no amodonekumollopokwono. Toro kuvi kuruv aiyoga Isuraiyolda'ai a'mwo abolo ton kuuguudo sugudo su tovino Joosuuwaike Kelepeke tooral kuudo kuubweyajulo tooralbusuko kuudo muubweyajupogano. Toro tovino tov kuuguudo sugudo su tov a'mwo abolo tonyu ku'nono mwiyo'mwojajukokwono.

Galesiya 5:11

Mi avalobuuravoo, aga'no'gwowi a'mwo tooro lakulkulako neya ado'nupureyokwe tovino nuu mamoruudodumdonyugono. Nuu su toro tovino kuuno amoruudo'mujuko'mno'juki a'mwo pworo mi kaiyako miyanyugolopujukonyugono. Aki Krais toolluro i'noguropte tovi aboloka su tovino kuuguudo tokwe nuu mamoruudo'mujuko'mno'juki a'mwo su toorai surodo mi'gwolo'mujukonyugono. Toro kuvi kuruv nuu Krais toolluno kuuno moruudodumdonyugono. Toro moruudodore tovi wuu'nyo'mo mwinodupudo su tooro mi kaiyako yanyugolodupudorogano.

2 Koorin 10:1

Aga kemida'ai a'mwo pworekul mino aro bwolomodonumwogapiyodapudorekikono. “Oo Poolol nemoro sumdomago tovi anekwono'ji toga nemi kwako tomuu'aro nekullodowodekono. Toro kwol kuruv manyu tomuu amwalo'ji toga'no'gwowi nemi yogalo modanekurugollo'moneyokwe yogalo jurogudo tooro monekwopiyabodowodekono.” Su toro bwolomodonumwogapiyodapudorekikono. Toro kuvi kuruv nuvnokwe Poolonyu Krais toolluro pasudo kavo molludo'movla'mdowodo tokwe'aro kavo bemwojodowodo tokwe'aro pasudo su tovalluno'gwowi uumjunodum kemi guureji adaikujugonumwakono. Toro adaikujugonumwako tov arokwono.

Kuurotokwe 15:24

Nevu aro tovino me'no kuu'numawonogano. Nemoro a'mwo pworo kemi kaiyako daikullugollo'moneyokwe kuuguudo pun amodekumolloporogano. Toro amodekumollopo tovida'ai kevu ilaiyo mibwosunodupu jul'nyo ma'dopure tovino me'no kuu'numawonogano. A'mwo su toorai nevu su toro kuuguudo tokwe mamodapiyowonogano. Toro kuvi kuruv kevnokwe tooravuro kuudo tovida'ai kaiyako daikullugollo'moneyokwe kuuguudo su ton toro amodekumolloporogano.

1 Tesaloonaika 2:18

Nevu kemiyomno plaiyo'mo kuudo saullajuwonogano. Nuu Poolonyu pugasal toga kemiyomno plaiyo'mo yamju sonyugono. Toro kuvi kuruv Satanyol nemoro puuto tovi kudo'aiko anekullukurokaikono.

Filemoon 1:9

Toro kuvi kuruv nuu guureji dagumuuroleyo'mo manyunadopiyo. Nuu gumino kalo buuropino nyunodowodo tovida'ai to'gwowi yiuno gudoganyo'mo to'no anyunadopiyo. Nuu Poolonyu yadaiyo imo'nodumdonyugono. Aki toro toonyu Krais Jisasollu uumjunodumdo tovino tov wuulo killo'mo ago tovi kuule'na'dumdonyugono.

1 Koorin 16:21

Nuvu Poolonyu nuvnokwenyuro ato tokwe pas akavi sakwollomwako toonyu kemi, “Ilaiyokwonoo,” adekwopiyamono.

Kuurotokwe 15:5

Toro sodubwasolo kuvi kuruv a'mwo Jisasolluno kuudo uubweyodupudo pworo Farasiyorogano. Toro tooro iloda'mno sumaveyokwe Pooleke toorallu aro kuudoporogano. “A'mwo Juu tooravuro miyawosunodupudo tooro kemi lakulkulako ton neya do'numwalpinorogano. Aki toro tooro Moosesolluro loowo tonyu neya uumjunmwalpino'moneyokwe kev toorakul neya doduuwiyogaulo.” Kuudoporogano.

Filemoon 1:19

Pas akav nuvnokwe Poolonyuro ato tokwe sokwollogwopiyamono. Toro te nebal'no gudumo'mokwono. Oonesimosolluro dinau agujajuko su ton nuvnokwe toonyu aikomgu nogubimonyugono. Guu aro tovino kuudo neya jaurogawono. Sumdomgu nuvu kuuguudo sugudo tokwe moruudodore tovida'ai guvu wuu'nono guvnokwekujuro poowokalago tov aiyo sumo'nokakwono. Su toro sumo'noka tovino tov guu numi dinau bwotonyo to'gwowi guuwo'dowodekugono. Gumi dinau guuwo'dowodo su tovino nuu kuuguudo bwotonyago gujo'mo manyunadopiyo. Toro kweku kuruv Oonesimosolluro jul'nyo su tovino'gwowi neya domodukwopiyono.