Filipai 4:22 - Gooti Toolluro Yogalokwono

²² Aki yiuwi'nokai Gooti toolluro a'mwo abolo gabovo kun kuruv kemi, “Ilaiyokwono,” adekwopiyamavo. Aki Jisasolluro a'mwo abolo pun a'mwo aguto Sisa toolluro ago tovi womdo wiyodupudo kun kuruv kemi guureji muunyu toru'aro, “Ilaiyokwono,” adekwopiyamavo.

Filipai 4:22 Referans Kwoze

Filipai 1:13

Toro te neya duu'nyulo. Nuu wuulo killo'mo ago tovi kuule'na'dumdo tovino kavlo tov Krais toollu uumjunodumdo tovida'ai to'no anyumo'nokakwono. Kavlo su toro tovino yiuwi'nokai a'mwo mollurogudo Sisa toolluro ago tovi duuwato moduvomwallokwe toorogai'aro aki yiuwi'nokai a'mwo gabovo toorogai'aro tooro kavlo su tovino kuudo me'no souromaroporogano.

2 Koorin 13:13

Aki yiuwi'nokai Gooti toolluro a'mwo abolo akawaida'ai ton kemiyomno, “Ilaiyokwonoo,” adekwopiyamapogano.

Room 16:16

Kevu Jisasolluro a'mwo abolo tonyu kuuru'mapi toga kemi poowokalago togai wiyo'mo tov suuwado tonyu molluduuduulo duuwiyogaulo. Aki yiuwi'nokai Krais toolluro mollu'bwoto ton kemiyomno, “Ilaiyokwonoo,” aikwopiyamavo.

1 Pita 5:13

Wagwolago Bebeloonda'ai a'mwo abolo Krais toolluro mollu'bwoto ton kemi, “Ilaiyokwono,” adekwopiyamapogano. Krais tool kemi me'no ajaikubweyoka to'busuko kubalno kwako Bebeloon tomuuda'ai a'mwo abolo su to kubuurai kuruv me'no ajesokagano. Aki Mak kwol kuruv kemi, “Ilaiyokwono,” adekwopiyamokaikono. A'mwo su tool mi kwolaiyo pwolbusuko nonyumo'nodowodekono.

Hibruu 13:24

Kevu a'mwo mido mollomwalokwe toorogai'aro kemoro ago towaida'ai yiuwi'nokai Gooti toolluro a'mwo abolo togai'aro tonyu, “Ilaiyokwono,” neya duujulo. Aki kantri Italida'ai Jisasolluro a'mwo abolo ton kemiyomno, “Ilaiyokwono,” aikwopiyamavo.

Kuurotokwe 9:13

Toro kuudoka kuvi kuruv Ananaiyasol aro kuudokaikono. “Agutoloo, a'mwo su toolluno a'mwo bwotonyago tooro dodopure tovi nuu me'no wuu'nodumdekono. A'mwo su tool gumoro a'mwo abolo Jeruusalemda'ai tonyu kaiyako bwotonyo igolodowodekono.

3 Joon 1:14

Nuu wobo toga gumi boguru'mallo'mo tovino sogwollo ainadokwono. Aki nuu kuvinono aboguru'ma'mi toga navu imgu amgu sumdomago tokwe yainyunowosi kuuguudo nokwo dosunonakono.

Matyuu 5:47

Aki kevu yiuno a'mwo kemi tellugwai'yagoruvobusuko ikullumo'nodupudo tekwojaino to'no ilaiyo amollupi tov a'mwo abolo yasuwa'nodo tonyuro pasudo tovi muuwolopinogaikikono. Su tov aro tovinokwono. A'mwo Juu miyawosunodupudo kworo kuruv kemi kuugwai'yago wimo'nodupudo tekwojai ilaiyo mollodupudorogano. Kemoro pasudo to'gwowi a'mwo su tooravuro pasudo tonyu neya duuwolovogaulo.