Filipai 2:4 - Gooti Toolluro Yogalokwono

⁴ Aki kevu pwolno puru'monodo togaikul kevnokweyogaikulluro noonyumwonyu tonyuno to'no nomollomwalmwalpiyo. Toro kuvi kuruv a'mwo abolo pubuuravuro noonyumwonyu togai'aro kuruv neya domollomwalogaulo.

Filipai 2:4 Referans Kwoze

1 Koorin 10:24

Toro te kevu kevnokwe togaikullu ilaiyo igollunyo'mo to'no kuudo nyau'mwalpiyo. Toro kuvi kuruv kevu a'mwo abolo pubuurai ilaiyo igollo'mo tovino kuudo neya jaurogaulo.

Room 15:1

Toro te Jisasolluro a'mwo abolo kuudo jurogudo uubweyodowado tonol nevnokwenollu ilaiyo igollunyo'mo to'no kuudo nyau'mwala'jo. Toro kunol kuruv Jisasolluro a'mwo abolo jurogudo mimo'nodupudo tobuurai wiyo'mwojo'moneyokwe kemoro jul'nyo tonyu neya amollukwovogawano.

Jems 2:8

Aguto kig Gooti toolluro loowo akav gamoro yogalo tovi aro sakwollungikokwono. “Guvu yiuwi'nokai a'mwo abolo pwolno puru'monodo kuuru'ma'bi tonyuno kalo buuropino neya domollono. Guvnokwekujuno gujunodowodo to'busuko kubalno aval'no neya domollono.” Sakwollungikokwono. Yogalo su tovi kuumjunpi tov ilaiyo ipinogaikikono.

Room 12:15

A'mwo abolo pun ilaiyo nyubwosunpinogano. Toro ibwosunodopure su togai kevu ilaiyo aval'no neya jubwosunogaulo. Aki a'mwo abolo pun kalo'mo yopi kumdo dodopure toga kevu a'mwo abolo su togai kumdo nokwo dumwalpinogaikikono.

2 Koorin 11:29

Jisasolluro a'mwo pwekwojuro jurogudo tov wollainyo sumo'no'ji tov nuu a'mwo su tekwojuno kalo nyunowo'ji wiyo'mwojo'moneyokwe wollainyo pwolbusuko nuuwimo'numonyugono. Aki a'mwo pworavuro kaiya'no mollubworomokavla'mdopure tovasuda'ai Jisasolluro a'mwo pwekwo ma'no ma'no yowo'ji abwolorawo'ji tov nuu a'mwo su tooravuro pasudo tovino surodo nuunmwalmonyugono.

Matyuu 18:6

Jisasol toro wuujuno sumaiyokwe aki aro kuudokaikono. “A'mwo pwol kwoloraiyo mino kuudo anubwemwakopo akabuurai ma'no ma'no ipino'moneyokwe tovino amollubworomokavlawo'ji su toollu jul'nyo bwotonyo nomaronekono.” Su tov yovekurajo aro to'busukokwono. “A'mwo kaiya'no amollubworomokavlawo'ji su toollu a'mwo pworo gamoro boruko tovi sulo bwotonyo pweke galogullosopi wonyo buugo tovi anakuuto tomuu amulegoukuurosoneyokwe wolomogalowopiyapinekono. Su tov jul'nyo bwotonyokwono. Toro kuvi kuruv a'mwo pwol kwoloraiyo tobuurai kaiya'nodo tomgu'aro amollubworomokavlawo'ji su toollu Gooti toolluro jul'nyo kuubweyo'ji to'gwowi bwotonyo kuunodokwono.

2 Koorin 6:3

Toro te nevu aro kuudo yau'dowadonogano. Nemoro womdo yodowa'jure tovida'ai a'mwo abolo punyu nuumjukura'jo. Su tov a'mwo abolo pun nemino aro nodumwalpiyokwe tovinokwono. “Oo Pooleke'aro gavuge avai womdokwe toorogai'aro tooro Gooti toolluro womdo tovi pi'mwono miyodupudorogano.” Nodumwalpiyokwe tovinokwono.

Filipai 2:21

Yiuwi'nokai a'mwo pworono'gwowi yiuno kevnokweravuro kwako akavida'ai womdo tonyuno to'no kuudo yau'dupudorogano. Aki toro tooro Jisas Kraisolluro womdo tonyuno kuudo neya miyau'dupudorogano.