Efesos 4:27 - Gooti Toolluro Yogalokwono

²⁷ Su tov aro tovinokwono. Kevu Satanyollu kudo'aiko kuusubweyopi kemi kaiyako nyaikullugolo'jokwe tovinokwono.

Efesos 4:27 Referans Kwoze

Jems 4:7

Toro tovino tov kevu Gooti toollu kwako tomuu'aro neya duuwiyogaulo. Aki toro togaikul Satanyolluro yogalo tonyu kaduko nuuwimwalpiyo. Aki kevu Satanyolluro yogalo tonyu muu'nyubusuko to'no supi tov Satanyol kemi ikugollu'mowo'ji lukado novlawonekono.

1 Pita 5:8

Kevu neya yovraimwonyugovlavopi kemi ikomago Satanyolluno wako neya dou'nogaulo. Satanyol aro to'busuko yokwekono. Laiyon pwol ibesa'aiyo pwollu dovanyo'moneyokwe dukuu'nyu dukuu'nyu yomollowo'ji deko bwotonyo dumovla'mdowodekono. Su toro to'busuko kubalno Satanyol a'mwo pworai kaiyako mollugolameyo'mo yo'mgonomollokwekono.

Efesos 6:16

Aki a'mwo mollurogudo tooro sabiyo molluulodupudo to'busuko kubalno kevu yiuwi'nokai toga Krais toolluno kuudo uubweyodupudo su tovi guureji dovorugwo'mo'narogaulo. Toro porugwo'mo'na'dopure togaikullu Satanyolluro du'wiyokwe iroka ton abupi toga kemi sabiyo to'busuko molluulodupudo su tokwe nokwo kibuulowosumwalpinogaikikono.

Efesos 6:11

Toro togaikullu Satanyol youkuu'naikudodowo'jure toga kevu jurogudo daiyo'moneyokwe tov Gooti tool yiuwi'nokai ton me'no ikullabodowodekono. Toro ikullabodowodo su ton a'mwo mollurogudo tooravuro youro jurogudo to'busuko ikullumo'nodupudogano. Toro togai kevu mollosopi jurogudo neya dodavogaulo.

Kuurotokwe 5:3

Toro buuwino sumaiyokwe Pital Ananaiyasollu aro kuudokaikono. “Oo Ananaiyasoloo, guu Gooti toolluro Kuullo toollu kuunano youkuu'nuujo'moneyokwe Satanyolluro mollubworomokavla'mduke tovi kuumjunmado tov buro'nyo kavlo tovino'mdeyo? Guu gumi kwako tovida'ai nuugwiyo ton pun yiulo apuurosumadekugono. Toro tooku gumi poowokalago tovi ma'no ma'no yo'mo tekwogu nemi buro'nyo'mo kuunano joukuu'nanekudadokuuno?

Room 12:19

Miyobuuravoo, a'mwo pworo kemi ma'no ma'no saikullugolpi tov kevu aro kuudo nyau'mwalpiyo. Oo nevnokwe tonol a'mwo su toorai mido neya amarano. Kevu su toro kuudo miyauropi nokwo wonyapino to'no jogaulo. Gooti tool ma'no ma'nodo tonyuno surodo wuunodowodo su toolno nokwo yovo'dogalonekono. Su toro tovino Gooti gavnokwe toolluro yogalo sakwollungiko puruv aro dodowodokwono. “A'mwo ma'no ma'no yodopure toorai mido mallo'moneyokwe tov mi anuwoso. Nuvnokwe toonyu mido noma'morogano.” Aguto tool toro dodowodekono.