Toro momwodovoma'no sumaveyokwe dato puruv guureji aro adoporogano. “Sipsip Muugunyo me'no aromiyosopo su toolno yiuwi'nokai tonyu nokwo maronekono. Toro tool mido mollomwalokwe nokwo imo'nonekono. Aki noonyumwonyu sugudo togai'aro pi'mwo kuudo togai'aro jurogudo togai'aro tonyu nokwo maronekono. Aki toro toolluno yiuwi'nokai a'mwo abolo ton nokwo ilomoropimwolapinekono. Aki toro tool yovo aguto nokwo ma'mwalonekono. Aki toro toolluno yogalo sugudo togai dubwemwalpinekono.” Ensel tooro toro adoporogano.
Efesos 1:8 - Gooti Toolluro Yogalokwono8 Aki gamoro yasuwa'wino sugumaluko soullanekubweyoka su tovida'ai nevu kuudo go'no go'nodo togai'aro pi'mwo kuudo togai'aro tonyuno youromapino'moneyokwe anekullabokaikono. Gade chapit la |
Efesos 1:8
17 Referans Kwoze
Kuvinono bomollolupto'nosodowodo su tov arokwono. Nevu Juu tonogai'aro a'mwo abolo Juu tonolluro miyaikuuwosunodowado togaikike'aro tonol aval'no i'bwo'nodowa Jisasolluro mollu'bwoto puru'mono imo'nodowadonogano. Mollu'bwoto puru'monodo su tovi'aro Gooti toolluro pi'mwo kuudo tovi kuu'maiyo toru'no bomollolupto'nosodowodokwono. Su toro bomollolupto'nosoduke tovi muunyu kai'muuda'ai ensel kworo kuruv muugona'dupudorogano. Ensel mido mollomwalokwe toorogai'aro ensel yovokwe toorogai'aro tooro Jisasolluro mollu'bwoto su tovi muugona'dupu aro kuudo youroma'dupudorogano. Oo Gooti tool pi'mwo kuudo bwotonyago kurukweyoldeyo. Kuudo youroma'dupudorogano. Gooti tool kuu'maiyo toru'no su toro bomollolupto'noso'moneyokwe kuudo me'no sovo'dogallaullajukekono.
A'mwo su tooral aval'nodoralmaiyo. Toro tovino tov kemoro womdo solo tovalluda'ai nevu yiuwi'nokai a'mwo abolo tonollu go'no go'nodo tomgu'aro yo'movanekwopiyodubulovakono. Adamolluro ma'no ma'no soka tovasuda'ai bolnodo tov a'mwo abolo bwotonyago tonollu yo'movanekwopiyodowodokwono. Toro kuvi kuruv Jisas Kraisolluro anekullo'mwojoka tovasuda'ai Gooti toolluro yasuwa'wino sugumaluko tov a'mwo abolo bwotonyago kuunodo tonollu yo'movanekwopiyodowodokwono. Toro tovino tov Gooti toolluro yasuwa'wino sugumaluko ma'dowado to'gwowi bolnodo tovi uuwolo'mdowodokwono.
Gooti pwolnodo su tool nemi Aguto Jisas Kraisolluro womdo sopiyoka tovi'aro ma'no ma'nodo tovuro kirumwallo tovida'ai me'no abomollurolovonekumokalokwokaikono. Toro toolluno yovo tovi neya ilomoropimwolowanekono. Gooti su tool Aguto kig kuunodo imo'nodowodekono. Toro tool jurogudo bwotonyokwekono. Aki toro tool yiuwi'nokai tonyu mido momjomwekovlaiyokwekono. Gooti su tool aiyoga sumdomgu me'no amwallajukekono. Aki aga kuga kuruv kuuno mujomwekovla'mdowodekono. Aki lukomgu kuga kuruv yiunokuudo tono mujomwekovla'mwalonekono. Nebal'nodokwono.
Kuudo neya jaullulo. Yiuwi'nokai ton Gooti tool gavnokweyolluro yo'mo tonyuno kuudo me'no yovo'dogallourosodowodekono. Toro tool buro'nyo buro'nyodeyo pun yo'mo kwino'ji tov kuvinono yokwekono. Toro te Gooti su tool nevu gamoro noonyumwonyu tollovai bilodukovomallo'moneyokwe sumdomgu me'no ajanekubweyokanogano. Toro ajanekubweyoka tovino tov nevu Krais tooke uuguro'mwonyodowado tonol Gooti toolluro a'mwo abolo kuunodo me'no wimo'nodowadonogano. Su tov Gooti gavnokwe toolluro aiyoga kuudo me'no sovo'dogallourosoka tovi kuvinono wimo'nodowadonogano.
Aiyoo, Gooti toolluro ilaiyo igolmovla'mdowodo ton sugudo bwotonyoganoo. Gamoro pi'mwo kuudo togai'aro nevu gamino kuudo youroma'dowado togai'aro su ton bwotonyo kuunodogano. Aki toro tool buro'nyo buro'nyodeyo pun yo'mo kwino'ji tov kaveno yonekono. Toro toolluno nevu kwako akavida'ai tonol kuudo supto iwapiyanonogano. Aki gamoro yomjumovla'mdowodo tonyuno kavlo kuruv nevu ku'nono miyouromaranonogano.
Toro kuvi kuruv A'mwo Kwolaiyo Kuunodo toonyu wosamujuko togai wain wonyo togai nomwalodum bodore toonyuno aro nyudodupudogano. “A'mwo su tool wosamujuko to'no nyuno nyuno yodowodo kwol kuruv nuugollu'meyo'mo mwinodowodekono. Aki toro tool wain wonyo bwotonyago nodowodo tovida'ai amomo yokwekono. Aki a'mwo su tool takis nuugwiyo mallokwe toorogai'aro a'mwo ma'no ma'nodokwe toorogai'aro toorogai ibwoto'nodowodo tov ilaiyo'maiyo.” Nyudodupudorogano. Toro kuvi kuruv Jooneke'aro nuvuge'aro toonalno'gwowi pi'mwo kuudo tovi uumjunodowolonakono. Aki toro toonal pi'mwo kuudo tovi'aro uumjunodowolo su tov sulo kuvinono ai'no'ji toga nebalo'mdukoneyokwe tovino kuu'maiyo toru'no nobomollolupto'nosonokwono.” Jisasol toro kuudokaikono.
Toro te Gooti tool gamoro womdo puruv Krais toollu'aro yo'moneyokwe tov nemi nekuduuwallo'mo kwinyajukekono. Gooti toolluro womdo sugudo yo'mo winodowodo su tov aiyoga yiulo kwollajukokwono. Toro kuvi kuruv aga'no'gwowi nemi me'no nekuduuwallodowodo tovino tov nevu kuu'maiyo toru'no kuudo youroma'dowadonogano.
Piblisite