Aisaiya 53:3 - Gooti Toolluro Yogalokwono

³ Toro tekwojuno ilaiyo mwinodupudo ton buulo uugunyumopiyodupu kaiyako sugollajupekono. Toro igolodopure tekwo jul'nyo ibwosunodowo danyu'nyuwuulo tovi amjomwekovlaiyajukekono. Kaiyako toro igolodopure tekwoji a'mwo abolo ton mwonyubusuko yodupu kemi sumdomago ton yiulo to'no sobwoto'nuwoleyajupogano. Toro te nevu a'mwo su tekwojuno aro adowonogano. “Oo a'mwo yasuwa'nodo pwoldeyo.” Toro juno sumawoneyokwe buulo kuugunyumopiyowonogano.

Aisaiya 53:3 Referans Kwoze

Matyuu 26:67

Toro wuujuno sumaveyokwe a'mwo pworo Jisasolluro sumdomago tovi ibupto kuupuroporogano. Toro uupulluno sumaveyokwe iwago aromiyopekono. Aki pworo kemi akwoka tokwe alpuurumollopekono.

Aisaiya 53:10

Toro sumo'noka su tov yiuno Gooti Yawelluro yoduke tovida'ai sumo'nokakwono. Gooti Yawel gamoro me'no adomduukuurosoka tovi kuvinono imo'nyo'moneyokwe a'mwo su tekwoji danyu'nyuwuulo tov kuubweyokaikono. Toro kuubweyoka tekwo Gooti Yawelluro ilaiyo winodowodo tovi uumjuno'no yiuno'no sopiyokaikono. Toro tekwo a'mwo abolo tonyuro ma'no ma'nodo tovi modukwopiyo'moneyokwe gamoro aiyo mwalodowodo tov Gooti Yawellu me'no kwiyokaikono. Aro to'busukokwono. Gooti Yawellu wiyo'moneyokwe dukwagupto tovi aromiroudapiyajupo pworobusuko kubalno a'mwo su tekwojuro aiyo mwallo'moneyokwe tov Gooti Yawellu wiyo'no abolokaikono. Toro aboloka kwol kuruv lukomgu aiyo yiunokuudo mujomwekovla'mwalonekono. Toro mujomwekovlavowo'ji gamoro kwoloraiyo wimo'nodopure tonyu nokwo wonmwalonekono.

Kuuguudo Sugudo akav Makolluro sakwollokakwono Mak 14:34

Toro tool kuudokaikono. “Nuu moro poowokalago tovi kalo bwotonyo nyunoduke tovida'ai bollo'mo sadokwono. Toro te kevu akawai kinomwalopi doduwa'julo.” Kuudokaikono.

Aisaiya 53:4

Aki aro kuudo saurowonogano. A'mwo su toolluro jul'nyo dado ama'mwalluko su ton Gooti tool deromwalladopiyo. Toro kuudo saurowo kuvi kuruv a'mwo su toolluro jul'nyo dado amaroka su tono'gwowi nevnokwe tonol nokwo amarowa'jujukogano.

Hibruu 5:7

Toro te Jisasol kwako akavi somollajuko toga noromiyoso'mo yodopure tool aro kuudo saullajukekono. Yiuno Gooti toolno moro bolnodo tovida'ai nokwo bomollurolovonumokalokwonoldeyo. Toro kuudo yau'dowo Gooti toollu subusu'nyogalo kuudumovlaiyajukekono. Aki Gooti toollu yamuugojo kuudoganyajukekono. Subusu'nyogalo wuujo'mo tool deko bwotonyo togai'aro kumdato togai'aro togai kuudoganyajukekono. Jisasol Gooti su toollu kwako tomuu'aro kwiyajukekono. Toro tovino tov gamoro subusu'nyogalo wuudoduke tovi Gooti su tool kuvinono kuu'nyajukekono.

Aisaiya 50:6

A'mwo tooro moro buulo tovi galogunyukuuronumollodopure toorai nokwo wonyapino sumonyugono. Aki toro tooro moro mollato tonyu galobuujonuma'dopure toorai nokwo wonyapino sumonyugono. Toro yodore tekwonyu burolyogalo anyudumaporogano. Aki moro sumdomago tovi ibupto nupu'dopure toorai yiulo miyopuurosumonyugono. Toro kwonyu kuruv nokwo amorubwenumonyugono.

Hibruu 4:15

Nemi Pris Aguto su tool nemoro yiuwi'nokai jul'nyo ibwosunodowa'jure tonyuno kuudo me'no youroma'dowodekono. Su tov aro tovinokwono. Yiuwi'nokai nemi me'nonekumokavlaiyo'mo yamju baneki'mo'mdupudo su tooro Jisasol kwollu kuruv yamju aval'no kwiyoganyajupekono. Toro wiyoganodopure kuvi kuruv Jisasolno'gwowi ma'no ma'no pasudo puru'monodo kuruv miyajukekono.

Luuk 9:22

Toro duulluku'no sumaiyokwe aki aro sodubwasokaikono. “A'mwo Kwolaiyo Kuunodo toonyu dado go'no go'no bwotonyago pun nonuunononyugono. Toro toonyu Juu tooravuro mido mollomwalokwe toorogai'aro pris mido mollomwalokwe toorogai'aro loowo tovino pi'mwo kuudokwe toorogai'aro tooro mino buulo nuugunyumopiyopi noromiyanubwepinonyugono. Toro aromiyanubwepi toga iruko pullapullu nuwolo'nowo'ji aki aiko te noduka'monyugono.” Kuudokaikono.

Luuk 16:14

Jisasolluro yiuwi'nokai kuuguudo moruudoduke su tonyu Farasi tooro wuu'no'mno Jisasolluno burolpakuto amollovakuroporogano. Su tov aro tovinokwono. Farasi su tooro nuugwiyo bwotonyo ki'nomallo'moneyokwe guureji kwinyajuporogano.

Luuk 8:53

Toro kuudoka tovino a'mwo abolo kumdato auloderaunyajupo ton kuudo me'no souromaropogano. Oo taiyo su tov me'no abolmokakwono. Toro kuudo youroma'no sumaveyokwe Jisasollu burekakwo amadopogano.

Kuuguudo Sugudo akav Makolluro sakwollokakwono Mak 15:19

Toro wuudo'mno burano tokwe gamoro mido tovi iwago romino yodupu ibupto uupu'dupu suduko kwinuguto'nyajuporogano.

Kuuguudo Sugudo akav Makolluro sakwollokakwono Mak 9:12

Toro kuudoganopo toorai Jisasol kuudokaikono. “Toro ajungiko tov nebalokwono. Sumdomgu Ilaijal a'mwo abolo ton kemi poowokalago tovi yovo'dogalpureyokweyo'mo biyodubwasonekono. Toro tool biyodubwasowo'ji Gooti toolluro morapiyabwono toollo'mo yiuwi'nokai tonyu yovo'dogalosonekono. Gooti toolluro yogalo tovi toro sakwollungikokwono. Aki mino aro sakwollungiko tokwe'aro kuudo neya jaullulo. “A'mwo Kwolaiyo Kuunodo toollu dado bwotonyo wuunonekono. Aki toro toollu buulo uugunyumopiyopi kaiya'no wipinekono.” Gooti toolluro yogalo tovi mino toro sakwollungiko tovino kuudo neya jaullulo.” Kuudokaikono.

Joon 11:35

Jisasol kumdo adokaikono.

Joon 8:48

Jisasol toro kuudoka tovi Juu tooro kuudoporogano. “Nevu gumino aro agudowonogano. Samariyada'ai a'mwo su tool kuullo ma'no ma'nodo tool kuulomwalodowodekono. Su toro agudowo tov kuvigono.” Kuudoporogano.

Matyuu 27:63

Toro kuulno sumaveyokwe Pailatollu aro kuudoporogano. “A'mwo agutoloo, a'mwo kuunano youkuu'najokwe su tool aiyo kuuno mwalodowodo toga gamoro yogalo puruv aro doduke kuu'nowekono. “Nuu iruko pullapullu me'no abawo'ji toga aiyo aiko te noduka'monyugono,” doduke toollu kuu'nowekono.

Luuk 19:41

Aki Jisasol wagwolago Jeruusalem tovi wobo toru bai'movo'no igo'mgu iloonyopino sumaiyokwe wagwolago su tovi mwalodupudo tobuuraino kumdo adokaikono.

Kuuguudo Sugudo akav Makolluro sakwollokakwono Mak 10:33

Toro tool aro kuudokaikono. “Duu'nyuloo. Nevu Jeruusalem'no avla'mwakuuwono. Jeruusalem me'no ai'mowa'ji toga a'mwo pwol A'mwo Kwolaiyo Kuunodo toonyu galonumworarowo'ji pris mido mollomwalokwe toorogai'aro loowo tovino pi'mwo kuudokwe toorogai'aro toorai manubweyononyugono. Toro toonyu kooti yogalo danyopi nyudupinonyugono. “Neya abolono.” Toro dopi a'mwo Juu tooravuro miyawosunodupudo pworai manubwepinonyugono.

Kuuguudo Sugudo akav Makolluro sakwollokakwono Mak 10:34

Toro manbweyopi toga a'mwo bomwallo su tooro burolyogalo nyudopi ibupto nuupuropi wuulo tokwe gunyukuuronumollopi noromiyollusanubwepinonyugono. Toro aromiyollusanubwepi toga iruko pullapullu nuwolo'nowo'ji toga aki aiko te duka'monyugono.” Kuudokaikono.