Jisasolluno kuudo muubweyajupo su tov proofet Aisaiyalluro yogalo ajakwolloka puruvi suuwiyo sumwojokakwono. Yogalo su tov arokwono. “Agutoloo, nemoro kuuguudo amoruudumwakuuwo akavi a'mwo abolo bwotonyago ton kuudo neya muubweyajupogano. Aki Gooti Aguto toolluro duuwallo jurogudo ton a'mwo abolo tonyu wuuduuwalloduke kuvi kuruv bwotonyago ton, “Nebalo'mdeyo,” majajupogano.” Sakwollungikokwono.
Aisaiya 53:1 - Gooti Toolluro Yogalokwono1 Aga nevu kuuguudo amoruudumwakuuwo akavi ala'mworuvo kuudo uubwepino'mdukono? Aki agasuro sumo'nadopiko akavi a'mwo abolo pun wonopi aro nokwo dupino'mdukono? “Oo Gooti Yawelluro jurogudo tovida'ai jumo'nadopiyo.” Gade chapit la |
Aisaiya 53:1
16 Referans Kwoze
A'mwo abolo pun kaiyako i'nyo'moneyokwe puuto tovi pla'mdupudogano. Toro pla'mdupudo su ton i'noguropte tovi aboloka Jisasolluno kuuguudo tovino aro dodupudogano. “Oo kuuguudo su tov junorukuudokwono.” Dodupudogano. Toro dodupudo kuvi kuruv Gooti tool nemi du'muudo tovida'ai amollurolovonekuma'mwalluko tonolno'gwowi junorukuudo manekullumo'nodowodokwono. Toro kuvi kuruv Jisasolluro i'noguropte tovi aboloka tovino kuuguudo su tov aro bomollolupto'nanekubweyodowodokwono. “Oo Gooti tool jurogudoldeyo.” Bomollolupto'nanekubweyodowodokwono.
Toro kuudoka toollu Jisasol aro kuudokaikono. “Joona'wolluro kwolaiyo Saimoonoloo, gumoro anyudumodo su tovino kwako akavida'ai a'mwo pwol miyodogubwasokaikugono. Toro kuvi kuruv moro Nyunumiyago muunyu kai'muuda'ai toolno'gwowi gumoro sumdo tovi kuu'maiyo toru abomollolupto'nagubwemokaikugono. Toro tovino guu ilaiyo nokwo ibinekugono.
Su toro toga Jisasol subusu'nyogalo aro kuudokaikono. “Mi Nyunumiyagoloo, guu muunyu kai'muuda'ai togai'aro kwako akavida'ai togai'aro tonyu Agutekugono. Toro tookuji, “Nenyoo,” agudumono. Su tov aro tovinokwono. A'mwo kwako akavida'ai pi'mwo kuudokwe tooravuro sumdo tovi yiulo kupuurubweyodumdekugono. Toro kuvi kuruv gumoro sumdo tovi kwoloraiyo tobuurobusuko gujumo'nodupudo tonyuno'gwowi yiuwi'nokai su tonyuno kavlo tov kuu'maiyo toru'no bomollolupto'nubweyodumdekugono.
A'mwo abolo pun su toro dodupudo kuvi kuruv Gooti toolluro me'no doma'dowodo Juuwodeyo oo a'mwo abolo Juu miyawosunodupudodeyo yiuwi'nokai su tonyuno'gwowi kuuguudo su tov Krais toolluno yodubwasodowodokwono. Gooti toolluro jurogudo tokwe'aro pi'mwo kuudo tokwe'aro toval Krais toolluda'ai lokabodubulovakono.
Toruda'ai Jisasol gami 12-pela uumjunyokwe toorai judo tomuu magulkuu'no sumaiyokwe gavnokweyollu wimo'nyo'mo tonyuno aro kuudokaikono. “Duu'nyulo. Nevu Jeruusalem'no avla'mwakuuwono. Jeruusalem toru me'no ai'mowa'ji toga nuu A'mwo Kwolaiyo Kuunodo toonyuno yiuwi'nokai proofet tooravuro puukwollo ajakwollajupo ton kuvinono nonyumo'nupinogano.
Piblisite