Toro kuudoka tovi Samwelol oolip munyupto surosungikokwe koomwo tov malluno sumaiyokwe muugunyo su toollu gadai'yago tooro muugona'dopure toru gamoro mido tovi aimovobweyokaikono. Muugunyo aimovobweyoka su toolluno yovo tov Devitolekono. Toro toollu oolip munyupto tokwe kimovobweno sumaiyokwe Gooti Yawelluro Kuullo tool Devitollu jurogudo wimovlaiyo'moneyokwe abwolmwalokaikono. Toro abwolmwaloka togada'ai Gooti Yawelluro Kuullo su tool muugollu'mo'mdowo yiunokuudo amjomwekovlaiyajulekono. Aki Samwelol Devitollu oolip munyupto tokwe me'no kimovobweno sumaiyokwe wagwolago Rama'no aikomgu avlavokaikono.
2 Samwel 5:3 - Gooti Toolluro Yogalokwono3 Toro wuujuno sumaveyokwe yiuwi'nokai Isuraiyolda'ai a'mwo aguto yovokwe abuuru'maropo su tooro Hibroon toru Deviteke i'bwo'no'mno Gooti Yawelluro sumdo tovi subuu'yamju sajunoporogano. Toro yajunyuno sumaveyokwe Devitollu a'mwo aguto kig imo'noneyokwe jeso'mo tooro oolip munyupto tokwe gamoro mido tovi aimovobweyoporogano. Gade chapit la |
2 Samwel 5:3
16 Referans Kwoze
Toro wuujuno sumaiyokwe yiuwi'nokai a'mwo abolo ton Gilgal'no plavo'mno Gooti Yawelluro sumdo tovi aro sajunopogano. “Nemi a'mwo aguto kig mollonekumwalono tool Soolekono.” Sajunopogano. Toro me'no yajunyuno sumaveyokwe ibesa'aiyo pworai mokabo'mno sumwoluko puru'mono wosunyo'moneyokwe aromiroudapiyopogano. Toro romiroudapino sumaveyokwe Sooleke'aro Isuraiyolda'ai yiuwi'nokai a'mwo abolo togai'aro ton ilaiyo bwotonyo yo'mno lubullu doto sonomwalopogano.
Toro te guu plavo'bi Isuraiyolda'ai mido mollomwalo toorai mollu'bworumwallo'bi aro duudono. “Yawel kemi tellukweyago Eburaiyameke Aisakeke Jekoopeke toorai Gooti su tool biyanyulo'nodowo aro anyudumokaikono. Nuu kemi me'no muugonaikwo'dumdonyugono. Ijupda'ai tooro kemi kaiya'no yaikullugolodopure tovino kuudo me'no yaikuu'dumdonyugono.
Piblisite