A'mwo abolo loowo tovi kisuvolo kwiyajupo ton kirumwallo tovi su toro amallajupogano. Loowo su tov jurogudo adaiyajuko kuvi kuruv Gooti tool nemi ma'no ma'nodo tovuro kirumwallo tovida'ai nobomollurolovonekumokalokwono tovino yogalo to'gwowi aguto kuunodokwono. Toro tovino tov yogalo su tovi nevu muu'nyubusuko to'no nyumwala'jo. Nevu yogalo su tovi muu'nyubusuko to'no sa'ji tov kirumwallo tovi mirukuruwolowanonogano. Kuuguudo su tovino muudu'no amoruudoka tool yiuno Aguto toolnodokwono. Aki lukomgu kuuguudo su tovi a'mwo pworo me'no kuu'nyajuporogano. Toro kuu'nyajupo su tooro aro anekujajuporogano. “Oo Aguto toolluro kuuguudo adoka tov yiuno nebal'nodokwono.” Anekujajuporogano.
1 Tesaloonaika 5:3 - Gooti Toolluro Yogalokwono3 Toro te puga a'mwo abolo ton aro dupinogano. “Oo nevu sumwoluko kavo to'no wosunodowado tonollu kaiyako yanekullugollo'mo pworo nonagutomuugono.” Toro dodopure kuvi kuruv su toro toga kaiyako mollounapiyo'moneyokwe tov yere nobai'mowonogakono. Su tov aro to'busukokwono. Abolo kwolaiyo sumwolukokwe puruv kwolaiyo nyomallo'mo toga guno yere mollodowodo to'busuko kubalno kaiyako mollounapiyo'moneyokwe tov yere nobai'mowonokwono. Su toro abai'mowo'ji toga a'mwo abolo ton morumoukuropiyopi ku'nono mirukuruwolopinogano. Gade chapit la |
1 Tesaloonaika 5:3
48 Referans Kwoze
Su toro tonyuro kirumwallo mapino tov arokwono. A'mwo abolo su ton nemi Aguto Jisasolluro sumdomago tokwe'aro gamoro jurogudo sugumaluko tokwe'aro tovallu manyu tomuu'aro yomuudeyomwalpinogano. Aki toro tonyu yiunokuudo nomollounapiyonekono. Kirumwallo su tovuro danyu'nyuwuulo tovi yiunokuudo nyubwosungovla'mwalpinogano.
Kuudo neya jaullulo. Ensel pworo ma'no ma'no sopo toga Gooti tool ensel su toorai wonyapino miyokaikono. Toro kwol kuruv kirumwallo'moneyokwe du'muudo tomuuno kwolomogalowopiyabokaikono. Aki Gooti tool aiyowo'mo kooti yogalo tov yere maduuwiyodowo'jure toga ensel ma'no ma'nodo su tooro dugumwuulo bwotonyo tovi anakuuto tomuu senyo wuulo to'busuko amogalerosokaikono. Toro tooro aiyowo'mo kooti yogalo tovino sogwollo kinmwalpino'moneyokwe kuule'na'dupudorogano.
Kuuguudo su tov arokwono. “Kevu biyekuu'nyogalo dodupudo toorekul wako neya dou'nyulo. Toro toorekul aiyo kuuno mwalodopure toga kirekumwallo'moneyokwe womdo puruv kemi nekubwemonyugono. Su toro tovino a'mwo pwol kuu'maiyo toru'no duudapi ikullodowo'jure kuruv kevu muu'nyubusuko yopi kuudo muubwepinorekikono. Toro muubweyodopure tovino tov puga luko morumoukuropiyopi nobolpinorekikono.” Proofet tooravuro kuuguudo adopo su tov kemi nekullumo'no'jo.” Poolol toro kuudokaikono.
Aki kevu Jisasolluro a'mwo abolo togaikul Gooti toolluro kwoloraiyo sujuraiyo tonbusuko wimo'nodupudogaikikono. Toro togaikul Gooti toolluro ago muunyu kai'muu gamoro kwoloraiyo sujuraiyo tobuuro i'bwo'nomwalodupudo toru me'no bai'mo'mdupudogaikikono. Aki Gooti tool gamoro ago muunyu kai'muu tovi anakuuto tomuu kwoloraiyo sujuraiyo su tonyuno yovo tov me'no sokwollosokaikono. Aki toro togaikul Gooti gavnokwe toollu wobo toru me'no bai'mo'mdupudogaikikono. Gooti su tool yiuwi'nokai a'mwo abolo tonyu kooti yogalo jainyubwo'dowodo tookono. Aki kevu a'mwo abolo Gooti toolluro sumdo tovi sugudo me'no wimo'nodupudo tobuuravuro kuullo tonyu wobo toru me'no bai'mo'mdupudogaikikono.
Aki toro youkuu'nuudodupudo su tooro moro a'mwo abolo ma'no ma'no ingovla'mdopure tonyu nokwo kwiyo'mwojopujuko kworo kuruv po'dogalo mwiyo'mwojodupudorogano. Aki toro tooro moro a'mwo abolo ma'no ma'no ingovla'mdupudo tonyu aro youkuu'nuudodupudorogano. “Kevu tabunyuwuulo pun mamapinogaikikono. Toro tovino tov kevu kavo nokwo mwalpinogaikikono.” Yiuwi'nokai toga toro youkuu'nuudodupudorogano. Su toro youkuu'nuudodupudo tov aro to'busukokwono. Moro a'mwo abolo ton ma'no ma'no ingovla'mdupu kwa'dalo bwotonyo to'busukokwe imo'nodupudogano. Toro tonyu proofet toorogai'aro pris toorogai'aro tooro nokwo sukulopujuko kworo kuruv kwa'dalo bwotonyokwe to'busuko su tonyu pweyo po'dogalo muuweyodupu mikulodupudorogano. Toro to'busuko yokwerogano.
Su tov yovekurajo aka'busukokwono. Abolo puruv kwolaiyo yomallo'mo guno so'ji toga dado wuunodowo'jure tovida'ai jul'nyo ibwosunonokwono. Toro kuvi kuruv kwolaiyo muudoga tool me'no somaro'ji toga jul'nyo subwosuno'ji su tovino kuudo yere yallulo'gwononokwono. Toro te abolo su tov kwolaiyo muudoga tekwoji kwako akavi mujomwekovlaiyo'moneyokwe amulomworaro'ji tovino ilaiyo bwotonyo yonokwono.
Piblisite