1 Tesaloonaika 5:1 - Gooti Toolluro Yogalokwono

¹ Nemi avalobuuravoo, su toro tov adoga imo'nono'mdukoneyokwe tovino jokwollaikubweyo'mo kevu supto mimwakopogaikikono.

1 Tesaloonaika 5:1 Referans Kwoze

Kuurotokwe 1:7

Toro samuugojopo tovi Jisasol kuudokaikono. “Mi Nyunumiyago tool buro'nyo buro'nyodeyo tonyu yo'mo tool iruko ton gavnokweyol me'no jesodowodekono. Toro jesodowodo tonyuno kuudo youromallo'mo tov kemoro'maiyo.

1 Tesaloonaika 4:9

Kevu Jisasolluro a'mwo abolo tobuuraino kalo buuropino imgu amgu inyo'moneyokwe tov Gooti gavnokwe tool kemi me'no yekubwasodowodekono. Toro yekubwasodowodo togaikul supto mimwakovo. Toro tovino tov pasudo su tovino nevu pas akavi'aro aki aiko te miyodekubwasanonogano.

Matyuu 24:36

“Moro yiuwi'nokai aikudumo su ton burowo'nyo irukollugwojudeyo oo burowo'nyo kuujo sumdollugwojudeyo toga bai'mowono'mdukoneyokwe tovino a'mwo pwolnodo kwol kuruv kuudo miyau'mwallo. Aki muunyu kai'muuda'ai ensel kworo kuruv kuudo miyau'mwakovo. Aki Gooti toolluro Kwolaiyo Kuunodo kwonyu kuruv kuudo miyau'mwakono. Yiuno mi Nyunumiyago judo toolno kuudo sau'mwallo.

Matyuu 24:3

Toruda'ai lukomgu Jisasol Muumuudo Oolip toollomno ilno sumaiyokwe amwalokaikono. Toro mwalno sumaiyokwe toga gamoro uumjunyokwe judo tooro bino sumaveyokwe Jisasollu yamuugojo aro abuudoganoporogano. “Guu donekudono. Gumoro yiuwi'nokai anekudumado su ton adoga kuunodo bai'mopinodeyo? Aki burowo'nyo duuwallo jurogudo tovi wonowa'ji kuudo yauranonoldeyo? Oo aga gumoro aikomgu wolabiyo'mo toga'deyo. Aki aga aiyowo'mo kuunodo tov dobai'mo'mwallo. Su toro tonyuno kuudo youromallo'mo tov burowo'nyo duuwallo jurogudo tovi wonanonoldeyo?” Kuudoganoporogano.

2 Koorin 9:1

Nuvu kemi aki aiko te aro sokwollaikubweyo'mujukonyugono. “Oo kevu kwako Juudiyada'ai Gooti toolluro a'mwo abolo supto yodopure tobuurai wiyo'mwojo'mo nuugwiyo tov domollu'bworosogaulo.” Su toro sokwollaikubweyo'mujuko kuvi kuruv kevnokwe togaikulno'gwowi yogalo su tovino supto mimwakopogaikikono.

Juut 1:3

Miyobuuravoo, sumdomgu nuu pas puruv kemi yokwollekwopiyabiyo'mo kuudo saullajonyugono. Pas su tov aro tovinokwono. Gooti tool kevuge'aro nevuge'aro yiuwi'nokai tonollu ma'no ma'nodo tovuro kirumwallo tovida'ai abomollurolovonekumokalokwokaikono. Su toro tovino yokwollekwopiyabiyo'mo kuudo guureji saullajonyugono. Toro kuvi kuruv aga'no'gwowi nuu kuuguudo gabovo purukwe daikumul'mwojumo'monyugono. Kuuguudo su tov aro tovinokwono. Krais Jisasolluno kuudo nebal'nodo tovi kevuge'aro nevuge'aro yiuwi'nokai tonol kuudo uubweyodowadokwono. Kuudo su tovi kevu sobanyo neya domollodavogaulo. Kuudo uubweyodowado su tov Gooti tool nevu gamoro a'mwo toonolluro ato tovi yiuno puru'monodo toga'no anekubweyokaikono. Su toro anekubweyoka tov yiunokuudo mujo'movla'mwalonokwono.

1 Tesaloonaika 4:18

Toro tovino tov yogalo akagai kevu Gooti toolluro a'mwo abolo pubuurai jurogudo doduuwimwojogaulo.