1 Pita 5:6 - Gooti Toolluro Yogalokwono6 Toro te kevu kevnokwe toorekulluno bwolomorumwogapinapi Gooti jurogudo kuunodokwe toollu kwako tomuu'aro neya duuwimovlavogaulo. Kevu su toro bwolomorumwogapinapi Gooti toollu kwako tomuu'aro kwipi tov aro tovino'mokwono. Gooti tool gavnokwelluro iruko ajesungiko tollugwo abai'mowo'ji toga kemi muunyu toru'aro nyulomollekumwallonorekikono. Gade chapit la |
Jisasol yovekurajo su tov wuujuno sumaiyokwe kuudokaikono. “Nuvu aro ikudumo'mokwono. A'mwo takis nuugwiyo mallokwe su tekwo gami ago tovino aikomgu avlavoka toga Gooti toolluro sumdo tovi sugudo me'no kwimo'nokaikono. Toro kuvi kuruv Farasi su toolno'gwowi Gooti toolluro sumdo tovi sugudo mwimo'nokaikono. Su tov aro tovinokwono. Yiuwi'nokai a'mwo tooro kevnokwero sulomoropinapi su toorai Gooti tool nomorumwogapiyonorogano. Aki yiuwi'nokai a'mwo tooro kevnokwero kwako tomuu'aro sunpi su tooraino'gwowi Gooti tool nyulomoropiyawonorogano.”
Toruda'ai Mooseseke Erooneke todoral Feroo toollu wuuru'ma'no sumaleyokwe aro kuudolorakono. “Nevu Hibruu tonolluro Gooti Yawel aro agudadopiyo. “Guu mi dolago tomuu mabwolomoropinodamdo tooku kisuvolo kuuno mujumovla'binekudukono? Awiyo. Toro kweku kuruv moro a'mwo abolo ton mi ilomonuwopiyo'moneyokwe pla'mdopure tonyu guu wonyapino neya jono.
Nevu muudu'nodo toga nemi ma'no ma'nodo tonyu modukwopinyo'moneyokwe jurogudo nonaguto sumo'nyajuwonogano. Toro imo'nodowore kuvi kuruv Krais toolno'gwowi nevu kirovanyuvanyu kuumwiyo tonollu nekullo'mwojo'moneyokwe abwolabolokaikono. Gooti gavnokwe toolluro me'no ajesoka kuunodo toga kuvinono abwolabolokaikono.
Nevu Aguto tooke'aro kuullo ma'no ma'nodo toorogai'aro toorai avalo toga su toro sulomoropiyowa'ji tov Aguto toollu surodo i'gwolanonogano. Surodo wuunodowo'jure su toolluro jurogudo tovi nevu ku'nono muuwolowanonogano. Toro tovino tov kevu Aguto toollu surodo nyu'gwolmwalpiyokwe tov kuunano gooti tooraino nyulomoropimwolapiyo.
Mi avalobuuravoo, kevu aiyogasuro proofet aikuduuwallajupo toorobusuko kubalno aval'no neya jomjomwekovlavogaulo. Aiyoga proofet su tooro Aguto toolluro yovo tovida'ai gamoro yogalo tokwe amoruujajuporogano. Toro tooro jul'nyo bwi'mo'mdopure tonyu nokwo amokavlaiyajuporogano. Aki Aguto toolluro lukomgu wiyo'mwojono tovino sogwollo to'no aingovlaiyajuporogano. Toro te kevu su toorobusuko aval'no neya jomjomwekovlavogaulo.
Toro tovino tov Gooti toolluro me'no ajesungiko toga gamoro subuu'yamju tov suwiyo imwojuno sumaiyokwe Gooti nekullo'mwojokwe tool gamoro kuuguudo tokwe a'mwo abolo tonyu modomollo'moneyokwe mi amonuwopiyabokaikono. Su toro amonuwopiyaboka tool mino aro kuudo me'no sanuurokaikono. “Oo a'mwo akal moro kuuguudo tokwe nokwo modomollonoldeyo.” Su toro kuudo yanuu'no sumaiyokwe anubweyokaikono.