1 Koorin 10:2 - Gooti Toolluro Yogalokwono

² Toro te a'mwo abolo su ton sulu'wo abu'duvolomallajuko tokwe'aro soolwara aga'mokaulapo tokwe'aro su tovallu wonyo to'busuko kuuvollunopogano. Su tov aro tovino nekuduuwallo'mokwono. A'mwo abolo su ton Moosesollu me'no uuguro'mwonyo'mno gamoro uumjunyokwe kwimo'nopogano. Su toro tovino nekuduuwallo'mokwono.

1 Koorin 10:2 Referans Kwoze

Room 6:3

Kevu aro kuudo me'no youroma'nodupudogaikikono. Nevu yiuwi'nokai Krais Jisasolluno kuudo uubweyodowado tonol kwollu me'no uuguro'mwonyodowadonogano. Aro to'busukokwono. A'mwo pwol wonyo kuuvolluno'ji toga wonyo tovi dolago tomuu kuula'dowo'jure toollu wonyo tov bu'duvoloma'dowodokwono. Su toro to'busuko kubalno Gooti tool nemi nekumaro'no Jisasollu tomuu yiunokuudo aulomonekumwallokaikono. Toro aulomonekumwalloka tonol Krais Jisasol aboloka toga ne kunol kuruv kweke abolowonogano.

Mollurolovomato 14:31

Aki Gooti Yawel Ijupda'ai toorai gamoro jurogudo kuunodo tokwe uuwolo'mduke tovi Isuraiyolda'ai kevnokwe ton wonyuno sumaveyokwe Gooti Yawelluno luko yo'mno kuudo kuubweyopogano. Aki Gooti Yawelluro a'mwo womdokwe Moosesolluno kuruv kuudo kuubweyopogano.

Galesiya 3:27

Aki kevu Krais toollu tomuu wonyo to'busuko uuvollunodupudo togaikul kwollu me'no uuguro'mwonyodupudogaikikono. Toro uuguro'mwonyodupudo togaikul Krais toollu kemi youro to'busuko me'no amollosopogaikikono.

Matyuu 3:6

Toro ton bodupu kemi ma'no ma'nodo tonyuno adodowiyoku'bworosunyajupogano. Toro dodowiyoku'bworosunodopure tonyu Joonol wonyo Joodanovi amogaluvollajukekono.