1 Joon 4:5 - Gooti Toolluro Yogalokwono

⁵ Toro te kuunano proofet su tooro kwako akavida'aiyorogano. Toro tovino tov kuunano proofet su tooro kwako akavida'ai yogalo toorogai modomollodupudorogano. Toro modomollodopure tovi yiuno kwako akavida'ai a'mwo abolo tono kaduko wiyodupudorogano.

1 Joon 4:5 Referans Kwoze

Joon 8:23

Toro yajunodopure toga Jisasol yogalo purukwe'aro kuudokaikono. “Kevu dolago tomuuda'aiyorekikono. Toro kuvi kuruv nuvno'gwowi muunyu kai'muudaiyonyugono. Aki kevu kwako akavida'aiyorekikono. Toro kuvi kuruv nuvno'gwowi kwako akavida'aiyonyumaiyo.

Joon 17:14

Nuu a'mwo abolo su tobuurai gumoro yogalo tov me'no kwiyonyugono. Toro te nuu kwako akavida'ai mimo'nodumdo to'busuko kubalno a'mwo abolo su to kubuuro kuruv kwako akavida'ai mimo'nodupudobuurogano. Toro tovino tov kwako akavida'ai a'mwo toorono'gwowi surodo wuunodupudorogano.

Joon 17:16

Nuu kwako akavida'ai mimo'nodumdo to'busuko kubalno a'mwo abolo su to kubuuro kuruv kwako akavida'ai mimo'nodupudogano.

Joon 3:31

Gooti toolluro muunyu kai'muuda'ai abwolomwaloka tool yiuwi'nokai tonyu uuwolo'mdowodekono. Toro kuvi kuruv kwako akavida'ai a'mwo pwolno'gwowi kwako akavida'ai pasudo toorono mujumovla'mdowodekono. Aki kwako akavida'ai su tool noonyumwonyu kwako akavida'ai yogalo tooraino to'no dodowodekono. Toro kuvi kuruv Gooti toolluro muunyu kai'muuda'ai abwolomwaloka toolno'gwowi yiuwi'nokai su tonyu uuwolo'mdowodekono.

Adodolukuu'nosungiko 12:9

Toro movomjapino sumaveyokwe Maikoleke'aro gami ensel avalo toorogai'aro tooro ilviyo bwotonyo su toollu kwako akavino kwolomowopiyabopekono. Aiyogasuro gabakuto sumo'nyajuko su tool ilviyo bwotonyo toolbusuko tool kwekono. Toro toolluno yovo aro sowallajupekono. “Kooti Yogalo Mojokuu'nosokweyolekono.” Aki toro toolluno yovo puruv “Satanyolo” dodupudekono. Toro toollu kwako akavino kwolomowopiyabopo toga yiuwi'nokai Satanyolluro ensel kworogai'aro toorai kwolomowopiyaboporogano. Toro te Satanyol yiuwi'nokai a'mwo abolo kwako akavi mwalodupudo tonyu kuunano youkuu'nuujokwekono.

2 Timooti 4:3

Su tov aro tovinokwono. Lukomgu Gooti toolluro kuuguudo idopto'nodo tovino yodubwasodopure toga a'mwo abolo ton kaduko mwiyo'moneyokwe tov nobai'mowonokwono. Aki su toro toga a'mwo abolo ton yogalo muuduko toorai yiuwi'nokai toga wuu'nyo'mo winmwalpinogano. Su tov igwoga to'busuko uumodumwalonogano. Aki toro ton kevnokwenyuro ilaiyo igollunyo'mo tovi uumjunpinogano. Toro ton ilaiyo igollunyo'mo kuuguudo tovi wuu'nyo'moneyokwe a'mwo ibwasokwe bwotonyago toorai molludapipinogano.

Luuk 16:8

A'mwo kuto ivito mollomwalokwe su tool womdo tovi po'dogalo miyajukekono. Toro kuvi kuruv a'mwo aguto tool gamoro pasudo sajuko su tovi wonyuno sumaiyokwe aro adokaikono. “Oo a'mwo kuto ivito mollomwalokwe toolluro pasudo sajuko su tov kuudo do'mopto tokwe sajukoldeyo.” Toro juno sumaiyokwe a'mwo aguto tool a'mwo mollomwalokwe su toolluno yovo tov sulomodomoropiyokaikono.” Jisasol yovekurajo su tov toro kuudokaikono. Toro wuujuno sumaiyokwe gami uumjunyokwe toorai kuudokaikono. “Neya duu'nyulo. Kwako akavida'ai kwoloraiyo tooro kemi womdo ton kevnokweravuro pi'mwo kuudo tokwe yodupudorogano. Aki kemoro pi'mwo kuudo su tov bako tovida'ai kwoloraiyo tonyuro pi'mwo kuudo tovi uuwolo'mdowodokwono.