Mi kwoloraiyobusukobuuravoo, a'mwo pworo kemi kuunano nyoukuu'naikudumwalpiyo. Toro kuvi kuruv aro kuudo to'gwowi jaurogaulo. A'mwo abolo pun pasudo idopto'nodo tonyu mujumovla'mdopure tovi wonopi kuudo youromapinogaikikono. Oo a'mwo abolo su ton Krais toolbusuko idopto'nodo wimo'nodupudodeyo. Kuudo youromapinogaikikono.
1 Joon 2:29 - Gooti Toolluro Yogalokwono29 Kevu aro kuudo souromapi tov, Oo Krais tool pasudo idopto'nodo to'no yokweyoldeyo, kuudo souromapi tov yiuwi'nokai a'mwo abolo pasudo idopto'nodo mujumovla'mdupudo tonyuno aro kuudo nokwo youroma'mwalpinogaikikono. Oo a'mwo abolo su tobuuro Gooti toolluro kwoloraiyo me'no wimo'nodupudodeyo. Su toro kuudo nokwo youroma'mwalpinogaikikono. Gade chapit la |
1 Joon 2:29
28 Referans Kwoze
A'mwo abolo pun aro kuudo uubweyodupudogano. “Oo Jisasol Gooti toolluro amonekwopiyaboka Krais tool kwekono.” Yiuwi'nokai su toro kuudo uubweyodupudo ton Gooti toolluro kwoloraiyo wimo'nodupudogano. Aki yiuwi'nokai a'mwo abolo su ton kemi Kuunumiyago toolluno kalo buuropino winodupudogano. Toro winodupudo su ton kemi Kuunumiyago toolluro kwoloraiyo kubuuraino kuruv kalo buuropino winodupudogano.
Gooti toolluro kwoloraiyo imo'nodupudo su ton kwako akavida'ai kuunum kwolabolo tonyuro yawosunodopure tovida'aiyo'mdeyo oo kwako akavida'ai kulako tovuro jurogudo tovida'aiyo'mdeyo oo a'mwo pwolluro jurogudo tovida'aiyo'mdeyo tonyuda'ai imo'nodupudonmaiyo. Toro kuvi kuruv yiuno Gooti gavnokwe toolluro yoduke tovi'aro to'no gamoro kwoloraiyo imo'nodupudogano.
Mi ibwoto'nyobuuravoo, nevu Jisasolluro a'mwo abolo pubuuraino imgu amgu kalo buuropino neya amollogawano. Su tov aro tovinokwono. Kalo buuropino winyo'moneyokwe pasudo su tov Gooti toolluda'ai bodowodokwono. Aki yiuwi'nokai a'mwo abolo kalo buuropino winodupudo ton Gooti toolluro kwoloraiyo me'no wimo'nodupudogano. Aki toro ton Gooti toolluno kuudo me'no youroma'dupudogano.
Kuudo neya jaullulo. Krais kwol kuruv a'mwo abolo tonyuro ma'no ma'nodo tovi modukwopiyo'moneyokwe danyu'nyuwuulo ton yiuno puru'monodo toga'no amarokaikono. Krais su tool yiuno sugudo to'no imo'nodowodo kwol kuruv nevu sugudo mimo'nodowado tonolluro aiko toru maro'no abolokaikono. Aki nemi Gooti toollu wobo toru nekumokabiyo'moneyokwe abolokaikono. Krais toolluro kulako tov me'no aboloka kuvi kuruv aiyo aiko te adukavoka toga'no'gwowi Kuullo sumo'nokaikono.
Toro te Gooti tool gavnokweyolluro ilaiyo winoduke tovi uumjunyuno sumaiyokwe gamoro nebal'no yogalo tokwe nemi a'mwo abolo aiyokwe sumo'nonekudapiyokaikono. Su tov aro tovino'mokwono. Nevu Gooti toolluro yiuwi'nokai sokwollosoka tonyuda'ai ikulsulo muudu'no ki'nodupudo tonbusuko gamoro yiuwi'nokai gabovo sokwollosoka tonyu neya uuwolo'mwalano'moneyokwe tovinokwono.
Aki gamoro jurogudo bwotonyo tokwe'aro pasudo sugumaluko tokwe'aro su tovallu'aro gamoro subuu'yamju kuuguudo ton me'no anekullabokaikono. Subuu'yamju kuuguudo su ton ilaiyo noo'nyonmaiyo. Aguto kuunodogano. Kuuguudo su tonyu'aro kemoro kwako akavida'ai kulako tobuuravuro kaiyako i'nyo'moneyokwe pasudo tooraida'ai me'no abirolo'nugolokwopogaikikono. Aki gamoro kuuguudo su tovi'aro Gooti gavnokwe toolluro pasudo idopto'nodo to'busuko kubalno kev kugaikul kuruv pasudo idopto'nodo aval'nodo tovi nokwo mujumovla'mwalpinogaikikono.
Nevu Gooti toolluno yovo tovi neya ilomoropimwolowanonogano. Gooti su tool nemi Aguto Jisas Kraisolluro Gootekono. Aki gami Ganumiyagekono. Gooti su tool nemino kalo bwotonyo manekumwonyokwekono. Toro tool Jisas Kraisollu aiyo aiko te amodukavokaikono. Toro amodukavoka su tovi'aro Gooti tool ne kunollu kuruv aiyo imo'nyo'moneyokwe me'no mollumo'nanekubweyodowodekono. Toro tovino tov nevu Gooti toolluro muunyu kai'muuda'ai nonekullabwono tonyuno sogwollo to'no kingovla'mdowadonogano.
Pris Aguto su tool nemi nekullo'mwojo'moneyokwe pi'mwono kuvinono nekullumo'nyokwekono. Toro tool Gooti gavnokwe toolluro kuunodo wimo'nyokwekono. Aki toro tool ma'no ma'nodomaiyekono. Aki kaiya'no puru'monodo kuruv mamollugolamo'nodowodekono. Aki a'mwo abolo ma'no ma'no yodupudo tonyu manyu tomuu'aro yomwallokwekono. Aki Gooti tool Pris Aguto su toollu gamoro ago muunyu kai'muu me'no sulomorumwallokaikono.
Kuudo neya jaullulo. Krais tool ma'no ma'no puru'monodo kuruv miyajukekono. Toro kuvi kuruv Gooti tool nemi nekullo'mwojo'moneyokwe tov nemoro ma'no ma'nodo ton Krais toollu muunyu toru sulloullubweyokaikono. Toro te aga nevu Krais ma'no ma'no miyajuko su toollu me'no uuguro'mwonyodowadonogano. Toro tovino tov Gooti toolluro sumdo tovi sugudo me'no wimo'nodowadonogano.
Aki a'mwo su tool aro anyudokaikono. “Nemi nellukweyago tooravuro Gooti tool aro me'no ajagubweyokaikugono. Gavnokwe toolluro ilaiyo winodowo'jure tonyu youromallo'moneyokwe ajagubweyokaikugono. Aki gamoro Sugudo Kuunodo toollu wonbino'moneyokwe ajagubweyokaikugono. Aki gamoro yogaimaguurai tovi wuu'nubino'moneyokwe ajagubweyokaikugono.
Gooti Yawel aro adokaikono. “Oo Saiyoonda'ai togaikul ilaiyo bwotonyo yopi kemi wagwolago Jeruusalem towaida'ai ilaiyo deko dodelowo'nallulo. Kemi aguto kig abadopiko toollu denomallulo. Toro tool gami molo wiyodupudo toorai uuwolo'mdowo yovo agutokweyekono. Toro kwol kuruv gavnokweyol ilomoropunyu miyokwekono. Toro tool yovomaiyokwe pwolbusuko doonki muugunyo pwollu muunyu toru ilomwalodowo abadopiko toollu denomallulo.” Adokaikono.
Mi ibwoto'nyekwonoo, guu a'mwo su toolluro kaiya'no pasudo guduuwallodowo'jure toorai nuumjunmwalbiyo. Toro kuvi kuruv guu sugupasudo tonyuno'gwowi neya duumjungovlavogawono. Aki aro tovino kuudo nyallulo'gwonmwalbiyo. A'mwo sugupasudo mujumovla'mdowodo pwol Gooti toolluda'ai billumo'nodowodekono. Toro kuvi kuruv a'mwo ma'no ma'no kiroungovla'mdowodo pwolno'gwowi Gooti toollu miyouroonomallokwekono.
Nevu aro tovino kuudo me'no youroma'dowadonogano. Yiuwi'nokai a'mwo abolo aiyo imo'no'mno Gooti toolluro kwoloraiyo me'no wimo'nodupudo ton ma'no ma'no pasudo toorai kuuno miyomjomwekovla'mdupudogano. Toro kuvi kuruv yiuwi'nokai a'mwo abolo su ton Gooti toolluro kwoloraiyo me'no wimo'nodupudo tonyu Gooti tool yellukuromollomwalodowodekono. Aki Gooti toolluro a'mwo abolo yellukuromollomwalodowo'jure su tonyu kirovanyuvanyokwe Satanyol kaiyako mollugolameyo'mo ato puru'monodo kuruv ku'nono muubogai'nonekono.
Oo moro kwoloraiyo togaikulbusukobuuravoo, kevu ma'no ma'no pasudo tonyu nyumwalpiyokwe tovino nuvu pas akav sokwollekwopiyamono. Toro kuvi kuruv nemida'ai punol ma'no ma'no pasudo sa'ji tov nevuge'aro nemi Nellunumiyago Gooti tooke'aro tonollu akuuto toru momuugurovonekubweyo'moneyokwe pwol sobanyo mollonekuda'mdowodekono. Su tool pasudo idopto'nodo to'no mujumovla'mdowodo Jisas Kraisol kwekono.
Kemoro aiyo tov kulako yere buuropiyodowodo tovi'aro sumo'nopogaikulmaiyo. Toro kuvi kuruv Gooti toolluro yogalo tovi'aro aiyo sumo'nopogaikikono. Yogalo su to'gwowi kaiyako mabuuropiyokweyokwono. Aki yogalo su tov a'mwo abolo tonyu aiyo yiunokuudo mujomwekovlaiyo'moneyokwe tov wiyodowodokwono. Gooti toolluro yogalo su tov yiunokuudo mujo'movla'mwalonokwono.
Toro duubweno sumaiyokwe Eburaiyamol yiuwi'nokai kuto ivito aikomgu avipolomokaboka tonyu mollu'bworosuno sumaiyokwe atousal amomuudeyosokaikono. Toro te Eburaiyamol kuto ivito atousal amomuudeyosoka su tonyuda'ai puruv Melkisodekollu kwiyokaikono. Melkisodekolluro yovo tovino kavlo puruv arokwono. Aguto kig su tool pasudo idopto'nodo to'no yomjomwekovlaiyokwekono. Aki kavlo puruv wagwolago Salem tovuro aguto kig sumo'nyajukekono. Toro toolluro yovo su tovino aro mollovodo'mwojadodupudekono. Aguto kig su tool sumwoluko kavo wosunyo'moneyokweyolekono.
Kevu buulo toro kuugunyumopiyopo su tool a'mwo yasuwa'nodolmaiyo. Toro kwol kuruv Gooti toollu dolago tomuu ilaiyo to'no somjomwekovlaiyajukekono. Aki toro tool Gooti toolluro sumdo tovi yiuno idopto'nodo to'no sumo'nyajukekono. Toro toollu Pailatol nyurolowapiyo'mo yoduke toga kevu uumjukuro'mno aro kuudopogaikikono. “Oo a'mwo su toollu mirolowapibinono. Toro kuvi kuruv a'mwo romiyosodowodo pwolluno'gwowi jullurolovonekwopiyabono.” Kuudopogaikikono.
Neya duu'nyulo. A'mwo pworo kevnokweravuro kuudo tovida'ai moruudodupudo su tooro yovo aguto mallo'mo winodupudorogano. Toro kuvi kuruv a'mwo pwol gami amoropiyaboka toolluno yovo aguto wiyo'mo kwino'ji su toolno'gwowi kuunano yogalo tokwe mamoruujokwekono. Toro tool yiuno nebal'no yogalo to'no moruujokwekono.
Piblisite