تیتوس 3:3 - کتاب مقدس به زبان کردی جنوبی - گویش کلهوری

³ چوینکه ئیمەیش خوەمان زەمانێگ نەزان و ملچەفتەوکەر و گومڕا و گیرودەێ گشت جور هەواوهەوەس و کەیف و خوەشێگ بیمن؛ وەناو دڵپێسی و حەسویی ڕوژگار دایمنه سەر. مەردم له ئیمه قینێان هاتیاد و ئیمەیش له یەکترەکی قینمان هاتیاد.

تیتوس 3:3 Referans Kwoze

نامه وه کولوسییل 1:21

ئیوەیش زەمانێگ وەگەرد خودایا بێگانه و وەناو فکریل خوەدان دشمەن ئەیو بین و کاریل شەڕئاشویی کردیاین.

رومیەگان 6:17

وەلێ سپاس ئەڕا خودا که هەر چەن یەێ وەختێگ خوڵامیل گونا بین، وەلێ وه قوڕن دڵ مل ناینەسه ژێر ئەو تالیمه که وەپێ سپاریاین.

نامه وه کولوسییل 3:7

ئیوەیش یەێ وەختێگ وەناو ئیانه گام هەڵگردیاین، وەختێ که وەناوێان زنەیی کردیاین.

رومیەگان 6:22

وەلێ ئێرنگه که له گونا ڕزگار کریاینه و بینەسه خوڵامیل خودا، بەرێگ که دەێده دەسدانەو وەرەو قودوسیەت بێدەدان و ئاخرەگەێ زنەیی ئەبەدیه.

یەکم پتروس 1:14

هەر جور مناڵیلی که گوش تەکنن، هاوشیوەێ هەواوهەوەسیلێگ که له دەورەیل نەفامی جاراندان داشتین، نەون.

دویم قورنتییل 12:20

چوینکه له ئەوه ڕخم چود وەختێ بامه ئەڕا لادان ئەوجورە که توام، نوینمەدان و ئیوەیش ئەوجورە که تواین، نوینینەم. نەکێ وەناودان مرافه، حەسویی، توڕه بوین، دشمەنی، بخت کردن، خوسپ کردن، لویتبەرزی و شل شێویایی بوینم.

یوحەنا 8:34

عیسا جواویان دا: «وه ڕاسی، وه ڕاسی، وەپێدان ئویشم، هەر کەسێگ گونا کەێ، خوڵام گوناس.

ئنجیل مەتا 21:29

جواو دا: ”نیەچم.“ وەلێ وەشونێ فکرێ ئاڵشت کرد و چی.

یاقوب 1:26

ئەگەر کەسێگ خوەێ وه خوداپەرەس بزانێ و هەوسار زوانی له دەسیەو نود، بەڵکەم دڵ خوەێ گول بێی، خوداپەرەسی ئەو ئایەمه هویچ نیەتیەرزی.

نامه وە غەلاتییل 6:3

چوینکه ئەگەر ئایەمێگ هەرچەن کەسێگ نیه و خوەێ وه ئایەم گەوراێگ بزانێ، دێرێ خوەێ گول دی.

لوقا 21:8

عیسا جواو دا: «هوشدان بود گومڕا نوین؛ چوینکه فره له کەسیل وه ناو منەو تیەن و ئویشن: ”مه هەر ئەوه مه“ و ”وەختێ ڕەسیه“. مەکەفنه شونێان.

وەحی وه یوحەنا 18:2

وه دەنگ فره وه قەوەتێگ هاوار کرد که: «کەفته خوار! بابڵ گەورا کەفته خوار! بابڵ بیەسه نیشتەجێ دێویل و جیگەێ هەر روح ناپاکێگ و کولانەێ هەر باڵەندەێ ناپاک و جیگەێگ ئەڕا هەر گیانەوەر دڕنەی ناپاک و قیزهاوەرێگ.

وەحی وه یوحەنا 13:14

وەگەرد نیشانه و موجزەیلێ که ئجازه داشت وه جێ ئەو گیانەوەر دڕنەی یەکمه ئاشکرا بکێد، نیشتەجێیل زەوی فریو دا و وەته پێان که پێکەرێگ له ئەو گیانەوەر دڕنه درس بکەن که وه شمشێر زام خواردوی، وەلێ هێمراێ زنی بی.

وەحی وه یوحەنا 12:9

ئەژدەهاێ گەورا فڕه دریاده خوار، هەر ئەو مار جارانه که ئبلیس و شەیتان ناویه و گشت جهان فریو دێ. ئەوه و فریشتەیلێ فڕه دریانه بان زەوی.

رومیەگان 6:6

زانیم ئەو ئنسان جارانه که ئیمه بیمن، وەگەردیەو وه سەلیب کیشریا تا جەسەێ گونا پویچەو بود و ویجوره دیتر گیرودەێ گونا نویمن.

رومیەگان 6:12

جا نیلن گونا وەناو جەسەیلدان که مرێ، حوکمرانی بکێ تا گوش له هەواوهەوەسیلێ بتەکنین.

رومیەگان 11:30

چوینکه هەر ئەوجورە که ئیوه دەورانێگ له خودا ملچەفتەو کردیاین، وەلێ ئێرنگه وەبونەێ ملچەفتەو کردن جویلەکەیل، بەزەیی هاتیەسه پێدان،

دویم تیموتاوس 3:6

ئیانه کەسیلێگن که ڕێ پەێا کردنەسه ناو ماڵ مەردم، ژنيل کەم عەقڵ تویش خوێان تیەرن، ژنیلێگ که له ژێر بار گونایل چەمیانەسەو و هەواوهەوەسیل جوراجور، ئەوانه وه هەر لاێگەو کیشێد،

دویم تیموتاوس 3:13

وەلێ ئەوانه که کارێان شەڕئاشویه و فێڵبازن وەناو خراوی چنه نوا؛ گول دەن و گول خوەن.

تیتوس 1:16

ئەوانه ئویشن خودا ناسیم، وەلێ وەگەرد کردەوەێانەو ئەیو حاشا کەن. ئەوانه قیزهاوەر و ملچەفتەوکەر و نامناسو ئەڕا هەر کار خاسێگن.

تیتوس 2:12

وه ئیمه یاێ دەێ که خودانەناسی و هەواوهەوەسیل دنیایی بنیمنه لا، وەگەرد زاڵ بوین وەسەرخوەمان و درسی و خوداترسی له ئی دەوره زنەیی بکێم و