تیتوس 3:14 - کتاب مقدس به زبان کردی جنوبی - گویش کلهوری

¹⁴ بیل مەردمەگەمان یاێ بگرن که خوێان خەریک وەجێ هاوردن کاریل خاس بکەن تا ئەڕا پەرچەو کردن هەوەجییل واجو مەیەتیگ بێەن و زنەیی بی بەرێگ نیاشتوین.

تیتوس 3:14 Referans Kwoze

نامه وه کولوسییل 1:10

تا ڕێ رەوشتدان شایسەێ خوداوەند بود و ئەیو وه تەمامی خوەشنودەو بکێن: یانێ له هەر کار خاسێگ بەر بارین و وەناو ناسین خودا، گەوراوه بوین.

تیتوس 3:8

ئی قسیه شایسەێ دڵنیاییه. له لێد توام که ئەڕا ئی کاریله پا بیێدەگەز، تا ئەوانه که وه خودا ئیمان هاوردنه، له هویرێان نەچود که خوێان خەریک وه جێ هاوردن کاریل خاس بکەن، ئی چشتیله ئەڕا مەردم فره خاسه و باێەخ دێرێ.

نامەێ فیلیپییل 1:11

پڕ بوین له بەر سالح بوین، که له ڕێ عیسا مەسیح دەێدەدەس و رەسده جەڵاڵ و ستایش خودا.

ئنجیل مەتا 7:19

هەر دارێگ بەر خاس نارێ، بڕیەد و فڕه دریده ناو ئاگر.

دویم پتروس 1:8

چوینکه ئەگەر ئی چشتیله وه ناودان بود و فرەوه بود، نێیلید وه ناو ناسین خوداوەند ئیمه عیسا مەسیح، بێ فایده یا بی بەر بوین.

نامەێ فیلیپییل 4:17

نه ئیەک وەشون گردن خەڵاتی بوم، بەڵکەم هامه شون بەرێگەو که وه حساودان فرەوه بود.

ئەفسوسیێل 4:28

دز دیتر دزی نەکێ، بەڵکەم وه جێ ئەوه کار بکێ، وه دەس خوەێ وه ڕاسی کار بکێ، تا بتویەنێ وه کەمدەسیلیش چشتێ بێی.

یوحەنا 15:16

ئیوه مه هەڵنەوژاردین، بەڵکەم مه ئیوه هەڵوژاردم و دەس نیشاندان کردم تا بچین و بەر بارین و بەرەگاندان بمینێ، تا هەر چی له باوگ وه ناو منەو داوا بکێن، بێیده پێدان.

یوحەنا 15:8

جەڵاڵ باوگم ها ناو ئیه که ئیوه بەر فرەێگ بارین؛ وه ئیجوره بوینه شاگردیل مه.

دویم تسالونیکییل 3:8

نه نان کەسێگ وه مفت خواردیم، بەڵکەم شەو و ڕوژ کار کردیم و زامەت کیشایمن تا بار وه سەر کوڵ هویچکامدان نویمن.

کاریل ڕەسولەیل 20:35

گشت جوری نیشاندان دامه که باێه رەنج و زامەت فرەێگ بکیشیم تا بتویەنیم دەستەنگیل مەیەت بێیم، قسیەيل خوداوەند عیسا وه هویرمان بود که خوەێ فەرمایش کرد: ”بەخشین له گرتن بەختەوەرتره.“»

ئنجیل مەتا 21:19

وه لیوەێ ڕێ، دار هەنجیرێگ دی و چی وەرەو لاێ، وەلێ بێجگه گڵا چشتێ وه قەێەو نوی. وه دارەگه وەت: «دی هەراێهەر بەر نەگری!» زویزی دار هەنجیرەگه وشک بی.

کاریل ڕەسولەیل 18:3

جا چوینکه کەسب و کارێ جور ئەوانه دەوار دویڕانن بی، مەنه لاێان و وەگەردێان کار کرد.

یەکم تسالونیکییل 2:9

چوینکه ئێ برایل، مێنەت و سەختیمان ها هویردان، که شەو و ڕوژ کار کردیایم تا وەختێگ ئینجیل خودا وەپێدان جار دايمن، سەربار هویچ کامدان نویمن.

رومیەگان 15:28

جا وەختێ ئی کاره کردم و ئەو چشته که گردەو بیه دامەێ پێان، له ڕێ ئیوه چمه ئەڕا ئێسپانیا.

رومیەگان 12:13

وەناو پەرچەو کردن هەوەجییل ئیمانداریل وه مەسیح بەشدار بون و مێواندار بون.

نامەێ فیلیپییل 4:16

تەنانەت زەمانێگ که وەناو شار تسالونیکی بیم، ئەڕا پەرچەو کردن هەوەجیێلم، مەێەت ئەڕام کل کردین و وەدواره کل کردین.

تیتوس 2:8

قسیەیلد ئەوقره درس بود که کەسێگ نەتویەنێ ماکومێ بکێد، تا دشمەن دەرفەت خراو وەتن له باوەت ئیمه پەێا نەکێ و ئیجوره شەرمزار بود.