تیتوس 2:11 - کتاب مقدس به زبان کردی جنوبی - گویش کلهوری

¹¹ چوینکه فیز خودا ئاشکرا بیه، فیزێگ که ئەڕا گشت مەردم نجات تیەرێ و

تیتوس 2:11 Referans Kwoze

یەکم نامەێ تیموتاوس 2:4

که تواێد گشتیەکی نجات پەێا بکەن و وه ماریفەت ڕاسی برەسن.

ئەفسوسیێل 2:8

چوینکه وه وەسلەێ فیز و له ڕێ ئیمان نجات پەێا کردینه، ئیه کار خوەدان نیه؛ ئیه خەڵاتی خوداس،

عبرانییل 2:9

وەلێ ئەیو دوینیمن که ماوەێ کەمێگ خوارتر له فریشتەیل دانریا، یانێ عیسا، که وه خاتر ئیه که رەنج مەرگ کیشا، تاج جەڵاڵ و حرمەت نریا بان سەری، تا وه پێ فیز خودا ئەڕا گشتیەکی تام مەرگ بکێ.

ئەفسوسیێل 2:5

تەنانەت وەختێ که وەناو خەتایلمان مردویمن، ئیمه وەگەرد مەسیح زنیەو کرد. جا له ڕێ فیزه که نجات پەێا کردینه؛

دویم تسالونیکییل 2:16

با خود خوداوەند ئیمه عیسا مەسیح و باوگ ئیمه خودا که ئیمه مابەت کرد و له ڕێ فیز دڵگەرمی ئەبەدی و ئمیدێگ خاس بەخشیه پێمان،

رومیەگان 5:15

وەلێ خەڵاتی خودا جور ئەو خەتا نیه. چوینکه ئەگەر قێر فرەێگ له ڕێ خەتای یەێ ئنسان مردن، چەنێ فرەتر فیز خودا و ئەو خەڵاتیه که له ڕێ فیز یەێ ئنسان، یانێ عیسا مەسیح هاته دی، وه فراوانی دریاسه قێر فرەێگ.

یوحەنا 1:14

کەلیمه بیه ئنسان و وەناومان نیشتەجێ بی. ئیمه جەڵاڵی دیمنه، جەڵاڵیگ شایسەێ ئەو تەنیا کوڕه که له لاێ باوگ ئاسمانی هاتوی. پڕ له فیز و ڕاسی.

کاریل ڕەسولەیل 11:23

وەختێ ڕەسیه ئەوره و فیز خودا دی، دڵشادەو بی و گشتێان هان دا تا وه کوڵ دڵەو وه خوداوەند وەفادار بمینن،

کاریل ڕەسولەیل 20:24

وەلێ هویچ قێرێگ ئەڕا گیان خوەم دانەنامه، تەنیا تاسەێ مه ئیەسه، ئەگەر بتویەنم دەور خوەم و خزمەتی که له خوداوەند عیسا گردمه، تا وه ئاخر برەسنم و وه ئینجیل فیز خودا شاێەتی بێەم.

لوقا 3:6

ئەوسا بەشەر گشتێ نجات خودا دویند.“»

یەکم نامەێ تیموتاوس 1:14

فیز خوداوەند ئیمه له ڕێ ئیمان و مابەتێگ که وەناو مەسیح عیسا پەێا بود، فره فره ڕشیاده ملمانا.

رومیەگان 5:2

ئیمه له ڕێ ئەیو، وه وەسلەێ ئیمان، ئی فیزیشه که وەناوێ بەردەوامیم، وه دەس هاوردیمنه و وەناو ئمید جەڵاڵ خودا شادی کيمن.

نامه وه کولوسییل 1:6

هەر ئەو ئینجیله که ڕەسیەسه پێدان هەر ئەوجورە که وه ڕاسی له سەرئانسەر دنیا بەر دێ و گەوراوه بود، هەر ئەوجورە که وەناو ئیوەیش، له ڕوژیگ که شنەفتینێ و فیز خودا وه ڕاسی فامین، کار کەی.

نامه وە غەلاتییل 2:21

فیز خودا وه هویچ حساو نیەکەم، چوینکه ئەگەر سالح بوین له ڕێ شەریعەتەو وه دەس باتیاد، ئێ دی مەسیح وه هویچ پەتی مرد.

دویم قورنتییل 6:1

وه جیگەێ هاوکاریل خودا، لاڵکییمنه پێدانەو که فیز خودا وەناو زنەییدان پویچەو نەکێن.

کاریل ڕەسولەیل 13:47

چوینکه خوداوەند وەناو کتاو ئەشعەیاێ پەێخەمەر وه ئیمه ئیجوره دەستور داس که: «مه تو کردمه نویریگ ئەڕا ناجویلەکەیل، تا نجات برەسنیه ئەو پەر زەوی.“

کاریل ڕەسولەیل 13:43

جا وەشون ئیه که مەردم له کەنیسەگه دانه‌ دەیشت، قێر فرەێگ له جویلەکەیل و خوداپەرەسەیلێ که بوینه جویلەکە، کەفتنه شون پولوس و بەرنابا. ئەوانیش ئەڕاێان قسیه کردن تا وەناو فیز خودا بەردەوام بمینن.

یوحەنا 1:9

ئەو نویر ڕاسەکانیه که وه گشت کەسێگ نویر دەید، هاتیاده جهان.

لوقا 24:47

وه ناو ئەیو توبه و بەخشین گونایل باێه وه گشت ملەتیل بانگەوازی بکرێی، له ئورشەلیم شرو کریەد.

مەرقوس 16:15

جا وەپێان وەت: «وه سەرئانسەر دنیا بچن و ئینجیل ئەڕا گشت دنیا بانگەوازی بکەن.

ئنجیل مەتا 28:19

جا بچن، گشت ملەتیل بکەنه شاگرد، وه ناو باوگ و کوڕ و روح‌القودوس خوسڵ تەعمیدیان بێەن،

عبرانییل 12:15

هوشدان بود که نەخواێ کەسێگ له لێدان نەتویەنێ فیز خودا وه دەس بارێد تا هویچ ریشەێ تیەڵێگ جویق نێید و نوده بایس پەشێوی و وه وەسلەێ ئەوه قێر فرەێگیش ناپاکەو نەکێ.

دویم تیموتاوس 4:17

وەلێ خوداوەند له لاێ مه وساد و تویەنایی دا پێم تا کەڵام له ڕێ مه وه کەماڵ بانگەوازی بکرێید و گشت ناجویلەکەیل بشنەفنێ. جا، له دەم شیر دەرچیم.

نامه وه کولوسییل 1:23

هەڵبەت ئەگەر وەڕاسی وەناو ئیمان قورس بوین و بەردەوام بمینێن و له ئمید ئینجیل جم نەخوەین، هەر ئەو ئینجیلێگ که شنەفتین و وه گشت درسکریایل ژێر ئاسمان جار دریاس و مه، پولوس، بیمەسه خزمەتکاری.

رومیەگان 10:18

وەلێ پرسم: ئێ نەشنەفتنه؟ هەڵبەت که شنەفتنه، چوینکه وەناو کتاو زەبور نویسریاس: «دەنگیان وەناو سەرئانسەر زەوی پەخشەو بیه و کەڵامیان تا ئەو پەر جهان ڕەسیه.»

کاریل ڕەسولەیل 17:30

خودا وه جاران وه ڕوی ئیجور نەزانیگ چەوێ بەسیاد. وەلێ ئێرنگه وه گشت مەردم وه هەر شونێگ دەستور دەی که توبه بکەن.

دویم تیموتاوس 1:10

وەلێ ئێرنگه وه ئاشکرابوین نجات دەر ئیمه مەسیح عیسا دیارداس، هەر ئەیو که له ڕێ ئینجیل، مەرگ له بین برد و ژیان و نەمری ئاشکراوه‎ کرد.