تیتوس 1:15 - کتاب مقدس به زبان کردی جنوبی - گویش کلهوری

¹⁵ ئەڕا ئایەمیل پاک گشت چشتێگ پاکه، وەلێ ئەڕا ئەوانه که ناپاک و بی ئیمانن، هویچ چشتێگ پاک نیه، بەڵکەم هەم فکریلێان ناپاکه و هەم وژدانێان.

تیتوس 1:15 Referans Kwoze

رومیەگان 14:14

من وەناو خوداوەند عیسا زانم و قانێ بیمه که هویچ چشتێگ وه خوێەو ناپاک نیه. وەلێ ئەگەر کەسێگ فکر کەێد که ئەوه ناپاکه، ئەڕاێ ناپاکەو بود.

رومیەگان 14:20

وەبونەێ خواردەمەنی کار خودا خراو مەکه! وه ڕاسی گشت خواردەمەنیەگان پاکن، وەلێ خواردن هەر خواردەمەنێگ که بوده بایس کەفتن یەکیگتر، کار نادرسێگه.

یەکم قورنتییل 10:23

«گشت چشتێگ ڕەواس» - وەلێ گشت چشتێگ فایده نێری. «گشت چشتێگ ڕەواس» - وەلێ گشت چشتێگ بنیادنەر نیه.

ئنجیل مەتا 15:18

وەلێ هەر چی له دەمەو تێدە دەیشت، له دڵەو دەێده دەیشت و ئیەسه که ئایەم ناپاکەو کەی.

رومیەگان 14:23

وەلێ هەر کەس که شک بیاشتود ئەگەر بخوێ، تاوانباره، چوینکه له ڕوی ئیمان نەخواردیەسێ، ئەڕا ئیه که ئەو چشته که له ڕوی ئیمان نود، گوناس.

یەکم قورنتییل 10:31

جا هەرچێ کین چ خواردن و چ نوشان، یا هەر کارێگ‎تر، گشتێ ئەڕا جەڵاڵ خودا بکێن.

کاریل ڕەسولەیل 10:15

دویم جار دەنگێگ هات که «ئەو چشته خودا پاکێ کردێه، تو نەبایه بویشی پێسه!»

یەکم قورنتییل 8:7

وەئی حاڵەو گشتیەکی ئیه نیەزانن. ئەڕا ئیه که بڕێگ تا ئێرنگه ئەوقره چشکیانەسە بتیل که هێمراێ ئەگەر له ئی خوراردەمەنییلی که وه ڕاسی وه بتیل پیشکەش بینه بخوەن، وژدانێان چەپەڵەو بود، ئەڕا ئیه که بی هازن.

عبرانییل 10:22

باین تا وه دڵێگ ڕاس و دڵنیایی تەمام ئیمان، نزیک خودا بویمن، وه حاڵێگەو که دڵیلمان له وژدان خراو پاکەو بویه و جەسەیلمان وەگەرد ئاو پاک شوریاس.

یەکم قورنتییل 10:25

هەر گوشتێگ که وەناو بازار فروشیەد بخوەن، بی ئەوه که له ڕوی وژدان پرسیارێگ بکێن،

یەکم نامەێ تیموتاوس 6:5

بوده بایس کیشکاش هەمویشەی له بین ئایەمیلێگ که فکریلێان گە‏نیاس و له ڕاسی دویرەو کەفتنه، گومان کەن خوداپەرەسی ڕێگه ئەڕا نەف کردنێان.

عبرانییل 9:14

چەنێ فرەتر، خوین مەسیح که له ڕێ ئەو روح ئەبەدیه خوەێ بی نەخس وه خودا پیشکەش کرد، وژدان ئیمه له کاریل وەدەرد نەخوەر پاکەو کەید تا که خزمەت خوداێ زنی بکێم!

عبرانییل 12:15

هوشدان بود که نەخواێ کەسێگ له لێدان نەتویەنێ فیز خودا وه دەس بارێد تا هویچ ریشەێ تیەڵێگ جویق نێید و نوده بایس پەشێوی و وه وەسلەێ ئەوه قێر فرەێگیش ناپاکەو نەکێ.