رومیەگان 9:22 - کتاب مقدس به زبان کردی جنوبی - گویش کلهوری

²² چه بود بویشی ئەگەر خودا هەرچەن تواێ خەزەو خوەێ نیشان بێێ و هێز خوەێ ئاشکرا بکێ، دەفریل خەزەو که ئەڕا له بین چین گورجەو بینه، وەگەرد سەور فرەێگ تاموڵ بکێ،

رومیەگان 9:22 Referans Kwoze

یەهودا 1:4

چوینکه بڕێگ که له جارانەو ئەڕا ئی ماکومیەته دیاری کریانه، بیدەنگ خز خواردنەسه ناودان. ئیانه خودانەناسیلێگن که فیز خوداێ ئیمه کەنه هەرزەیی و عیسا مەسیح، که هەر یەێ ئەرواو و خوداوەندمانه، حاشا کەن.

یەکم پتروس 2:8

هەر ئیجوره، «کوچگیگ که سەوەو زەوی خواردن بود و تاش کەمەرێگ که بایس کەفتن بود.» ئیانه دەنه زەویا چوینکه له کەڵام خودا گوش نیەتەکنن، هەر ئەوجورە که ئەڕا ئی کاره دیاری کریانه.

رومیەگان 9:21

مەر کویزەدرسکەر حەق نێری که له یە پاخوا خەڕێ، دەفرێگ ئەڕا کاریل گرنگ و دەفرێگ تر ئەڕا کاریل مامولی درس بکێ؟

دویم تیموتاوس 2:20

وەناو ماڵ گەوراێگ، تەنیا دەفریل تەڵا و نقره نیه، بەڵکەم دەفریل چویی و خەڕێنیش هەس؛ ئەوانه وه دەرد کاریل خاس خوەن، ئیانه وه دەرد کاریل دەم دەسێ.

یەکم تسالونیکییل 2:16

و نێیلن ئیمه وەگەرد ناجویلەکەیل قسیه بکێم تا نجات پەێا بکەن. وەئیجوره هەمویشه پەێمانەی گونایلێان نیقەڵتوزەو کەن. وەلێ خەزەو خودا دەس ئاخر وه ملێانەو ڕشیاس.

رومیەگان 9:17

چوینکه وەناو تەورات، خودا وه فرعون ئویشێ: «هەر وه ئی ئامانجه تو هەڵوڕانم تا هێز خوەم وەناو توی نیشان بێەم و تا وەناو سەرئانسەر زەوی ناوم جار بێرێید.»

دویم پتروس 2:3

ئیانه له ڕوی تەما، وەگەرد قسیەيل گولدەر، تاڵاندان کەن. ماکومیەتیان که له جارانەو دیاری کریاس، بێکار نەنیشتیه و له بین چینێان نەخەفتیه.

یەکم تسالونیکییل 5:9

چوینکه خودا ئیمه نه ئەڕا خەزەو، بەڵکەم ئەڕا وه دەس هاوردن نجات له ڕێ خوداوەندمان عیسا مەسیح دیاری کردێه،

دویم پتروس 3:15

سەور خوداوەند ئیمه نجات وه حساو بارن، هەر ئەوجورە که براێ عەزیز ئیمه پولوسیش وه ڕوی زانیاریگ که وه پێ بەخشریاس، ئەڕادان نویساد.

دویم پتروس 2:9

جا خوداوەند زانید چوی ئایەمیل خوداناس له ئەزمونیل ڕزگار بکێ و ئایەمیلێگ که سالحان نین تا ڕوژ داوەری له ژێر سزا بنێده لا،

یەکم پتروس 3:20

هەر ئەو روحیلێگ که وه ڕوژگاریل جاران ملەجەرێ کردوین، ئەو وەخته که خودا وه ڕوژگار نوح که کەشتی درس بویاد، وه سەور چەوەڕێ بی. وەناو کەشتیەگه تەنیا قێرێ کەمێگ، یانێ هەیشت نەفەر، له ڕێ ئاو گیان ساڵم وه دەر بردن.

رومیەگان 1:18

چوینکه خەزەو خودا له ئاسمان ئاشکرا بود وه سەر هەر لەون خودانەناسی و نادرسێ ئایەمیلێگ که وەگەرد نادرسێ خوێان، نوای ڕاسی گرن.

رومیەگان 9:20

وەلێ ئێ ئایەم، تو کیێد که وەگەرد خودا دەمقاڵ بکێ؟ «مەر درسکریا وه درسکەرگەێ خوەێ ئویشێ ئەڕا مه ئیجوره درس کردیده؟»