رومیەگان 8:7 - کتاب مقدس به زبان کردی جنوبی - گویش کلهوری

⁷ چوینکه دڵبەساین وه چشتیل جەسەێ دشمەنی وەگەرد خوداس، ئەڕا ئیەکه نیەچوده ژێر حوکمرانی شەریعەت خودا، وه ڕاسیش که نیەتویەنێ.

رومیەگان 8:7 Referans Kwoze

یەکم قورنتییل 2:14

ئایەم نەفسانی چشتیل روح خودا وەرنیەگرێ، چوینکه ئەڕا ئەوه گیلگەوجیه و نیەتویەنی بفامیدەێ، چوینکه زانستن خاس‎خراوی ئیجور چشتیلی هەوەجی وه دەرک روحانی دێرێ.

یاقوب 4:4

ئی مەردم داوانپێس، مەگەر نيەزانين که دوسی وەگەرد ئی جهانه دشمەنی وەگەرد خوداس؟ جا هەر کەسێگ وەشون دوسی وەگەرد جهان بود، خوەێ کەێده دشمەن خودا.

رومیەگان 7:22

چوینکه من وەناو ئایەم دەروینیم له شەریعەت خودا دڵشادم،

عبرانییل 8:10

خوداوەند فەرمایش کەی: چوینکه ئیەسه پەێمانێگ که وەشون ئەو ڕوژیله وەگەرد بنەماڵەێ ئێسرائیل بەسم. حوکمیل خوەم نەمه ناو زەین ئەوانه و وەبان دڵیان نویسمی. مه بومه خوداێ ئەوانه و ئەوانه بونه مەردم مه.

دویم تیموتاوس 3:4

خەیانەتکار، دەربەن هویچ نوی و له لویتبەرزی پف کردنه. لەزەت، فرەتر له خودا دوس دێرن

نامه وه کولوسییل 1:21

ئیوەیش زەمانێگ وەگەرد خودایا بێگانه و وەناو فکریل خوەدان دشمەن ئەیو بین و کاریل شەڕئاشویی کردیاین.

رومیەگان 8:4

تا ئەو چشتیل درسه که شەریعەت داواکاری کەێ، وەناومان باێده دی، وەناو ئیمه که نه وه پێ جەسه بەڵکەم وه پێ روح خودا ڕێ رەوشت کیم.

رومیەگان 5:10

چوینکه ئەگەر وەختێ که ئیمه دشمەن بویمن، وه وەسلەێ مەرگ کوڕەگەێ وەگەرد خوداوه ئاشتی دریایمن، چەنێ فرەتر ئێرنگه که وەگەرد خوداوه ئاشتی دریایمنه، وەگەرد زنەیی کوڕەگەێ نجات پەێا کیم.

رومیەگان 1:28

وەبونەێ ئیه که ئەڕا ئەوانه ناسین خودا نیەتیەرزیاد، خودایش ئەوانه هیشته ناو فکریل ناشیرێن تا کارێگ بکەن که نەبایه بکرێید.

یوحەنا 7:7

جهان نیەتویەنی له ئیوه قینێ باێ، وەلێ له مه قینێ تێ، چوینکه مه له باوەتێەو شاێەتی دەم که کاریلێ گەنه.

رومیەگان 3:31

جا ئێ ئیمه شەریعەت وەگەرد ئی ئیمانه خاپور کیم؟ هەراێهەر! وەچەواشه ئیمه شەریعەت بەردەوامەو کیم.

رومیەگان 1:30

بختکەرن، کەسیلێگن که قینێان له خودا تێ، بێ شەرم، لویتبەرز و خودپەرەسن. ئەڕا وه جێ هاوردن کاریل شەڕئاشویی، ڕێیل تازه درس کەن. ملچەفتەوکەر وه داڵگ و باوگ،

ئنجیل مەتا 12:34

ئێ هەفی زادەیل، ئیوه که شەڕئاشوین، چوی تویەنین قسیەێ خاس بکێن، چوینکه زوان له ئەو چشته ئویشێ که دڵ له لێ نیقەڵتوزه.

دویم پتروس 2:14

چەویلێگ دێرن پڕ له داوانپێسی که له گونا کردن تێر نیود. ئی مناڵیل لانەت کریایه، ئایەمیلێگ خەڵەتنن که بەردەوام نین، ئەوانه دڵیلێان هوکارەێ تەما بیه!

ئنجیل مەتا 5:19

جا هەر کەس یەکی له بویچگترین ئی حوکمیله وه کەم بزانێ و وه مەردمیش یاێ بێید که ئیجوره بکەن، وەناو پادشایی ئاسمان وه بویچگترین خوەنرێید. وەلێ هەر کەس ئیانه ئەنجام بێید و مە‎ردمیش تالیم بێی، وەناو پادشایی ئاسمان وه گەورا خوەنرێید.

یەکم قورنتییل 9:21

له لاێ ناجویلەکەیل که شەریعەت موسای پەێخەمەر نێرن بیمەسه جور ئەوانه، هەر چەن جیا له شەریعەت خودا نویم، بەڵکەم هامه ژێر شەریعەت مەسیح، تا بتوانم ئەوانه که وه ژێر شەریعەت نین وه ئیمان بارم.

نامه وه کولوسییل 2:18

مێیلن کەسێگ که پامل سوکەو کردن جەسه و پەرەسین فریشتەیله، ڕەددان بکەید. ئیجور کەسێگ سەر خوەێ گەرم چشتیلی کەید که وەناو رویایلی دیه و فکر دنیایی ئەوه وه هویچ پەتی، قوزی کردێه.