رومیەگان 8:26 - کتاب مقدس به زبان کردی جنوبی - گویش کلهوری

²⁶ هەر ویجوره روح خودا وەناو بی هازیمان، مەیەتمان دەێ، چوینکه نيەزانیم ئەڕا چ چشتێ باێه دوعا بکێم. وەلێ روح خودا خوەێ وەگەرد ئاخیلێگ که نیود وه کەلیمەیل بویشیدی، ئەڕامان ناوجێ کەێ.

رومیەگان 8:26 Referans Kwoze

ئنجیل مەتا 10:20

چوینکه ئەیو که قسیه کەی ئیوه نین، بەڵکەم روح باوگ ئاسمانیدانه که وه زوان ئیوه قسیه کەی.

ئەفسوسیێل 6:18

گشت وەختێگ، وه گشت جور دوعا و لاڵکیان، وەناو روح خودا دوعا بکەن. ئەڕا ئیه وه تەمام هوشیاریەو وه خەوەر بون و هەمویشه وه پاوه گەزداین ئەڕا گشت ئیمانداریل وه مەسیح دوعا بکەن.

نامه وە غەلاتییل 4:6

جا ئەڕا ئیه که کوڕیلین، خودا روح کوڕەگەێ خوەێ کل کردێه ناو دڵمان که هاوار کێ: «ئەبا! باوگه!»

یوحەنا 14:16

منیش له باوگ ئاسمانی داوا کەم و ئەیو پشتیوانێگ تر دەێده پێدان که تا ئەبەد وەگەرددان بمینێ،

ئەفسوسیێل 2:18

چوینکه له ڕێ ئەیو، هەردگمان وەناو یەێ روح دەسمان رەسده لاێ باوگ ئاسمانی.

رومیەگان 8:15

ئەڕا ئیەکه ئیوه روح خوڵامی پەێا نەکردین تا وەدواره ڕخدان بچود، بەڵکەم روح زڕکوڕی دریاسه پێدان که وه وەسلەێ ئەوه هاوار کێمن: «ئەبا، باوگه.»

عبرانییل 4:15

چوینکه کاهن گەوراێ ئیمه ئەوجورە نیه که نەتویەند وەگەرد بی هازییل ئیمه هاودەردی بکێد، بەڵکەم کەسێگه که له هەر باوەتەو هەر جور ئیمه ئەزمون بیه، وەلێ گونا نەکرد.

یاقوب 4:3

داوا کین و وەدەس نیەتێەرین، وەبونەێ ئیه که وه ئامانج خراو داوا کین تا خەرج هەواوهەوەسیلدان بکێن.

رومیەگان 15:1

ئیمه که وه هێزیم، ها ملمانا که بی هازییل ئایەمیل زەیف تاموڵ بکێم و وەشون خوەشنودی خوەمان نویمن.

لوقا 22:44

جا چوینکه وەناو رەنج فرەێگ بی، وه کوڵ دڵ دوعا کرد و عەرەقێ جور تکەیل خوین چکیاده زەوی.

دویم قورنتییل 5:4

چوینکه تا وەختێگ که هایمنه ناو ئی دەواره وه دەرد گرانێگ ئاخ هەڵکیشیم، چوینکه نیەتوایم دڵنگ له وەر دەر باریم، بەڵکەم دڵنگێگ تر بکێمنه وەر تا ژیان، ئەو چشته که مرێ قویرتەو بێی.

دویم قورنتییل 5:2

ئەڕا ئیه که وەناو ئی دەواره ئاخ هەڵکیشیم، چوینکه ئەزرەت دێریم که ماڵ ئاسمانیمان بکێمنه وەر،

ئنجیل مەتا 20:22

عیسا جواو دا: «ئیوه نيەزانين داواێ چه کین! تویەنين وه ئەو جامه که وه ئی زویه مه نوشم، بنوشین؟» وەتن: «تویەنیمن.»

عبرانییل 5:2

ئەوه تویەنێ وه نەرمی وەگەرد ئەوانه که نەزان و گومڕان ڕێ رەوشت بکێ، چوینکه خویشێ تویش بی هازیه.

رومیەگان 7:24

ئاخ که چ ئایەم بێبەختێگم! کیه که له ئی جەسەێ مەرگه ڕزگارم بکێ؟