رومیەگان 8:23 - کتاب مقدس به زبان کردی جنوبی - گویش کلهوری

²³ جا نه تەنیا درسکریایل خودا، بەڵکەم خوەمانیش که نەوبەر روح خودا دێریم، له ناخمانەو ئاخ هەڵکیشیم، هەر ئەو جوره که وه تاسەوه چەوەڕێ زڕکوڕی، یانێ ڕزگاری جەسەیلمانیم.

رومیەگان 8:23 Referans Kwoze

عبرانییل 9:28

مەسیحیش لەشون ئەوه که یەێ جار قوروانی بی تا گونایل قێر فرەێگ بگرێده سەر شانێ، دویم جار ئاشکراوه بود، نه ئەڕا پەرچەو کردن گونا، بەڵکەم تا ئەوانه که وه تاسەوه چەوەڕێ ئەوەن، نجات بێید.

ئەفسوسیێل 1:14

روح‌القودوس بەیانەی میراتی ئیمەس تا وەختێگ وه تەمامی بکێمنه هن خوەمان، تا جەڵاڵ خودا ستایش بود.

ئەفسوسیێل 4:30

روح‌القودوس خودا که له ڕێ ئەیو ئەڕا ڕوژ ڕزگاری مور کریاینه، خەمبارەو مەکەن.

تیتوس 2:13

چەوەڕێ ئەو ئمید بمارکمانه بویمن یانێ ئاشکرا بوین جەڵاڵ خوداێ گەورامان و نجات دەر ئیمه عیسا مەسیح.

نامه وە غەلاتییل 5:5

چوینکه وه وەسلەێ روح خودا و له ڕێ ئیمانه که ئیمه خوەمان وه ئەزرەتەو چەوەڕێ ئەو سالح بوینیمنه که وه ئمێدێەو دەیمنەێ سەر.

رومیەگان 7:24

ئاخ که چ ئایەم بێبەختێگم! کیه که له ئی جەسەێ مەرگه ڕزگارم بکێ؟

رومیەگان 8:19

چوینکه گشت درسکریایل خودا وه تاسەێ تەمام چەوەڕێن تا کوڕیل خودا ئاشکراوه بون.

لوقا 20:36

ئیتر ئەوانه دی نیەمرن؛ ئەڕا ئیه که بونه جور فریشتەیل. ئەوانه ڕوڵەیل خودان، وەبونەێ ئیه که مناڵیل قیامەتن.

یەکم یوحەنا 3:2

ئێ عەزیزەیل، ئێرنگه ڕوڵەیل خودایم، هێمراێ ئاشکرا نویه بویمنه چه. وەلێ زانیمن وەختێ ئەیو ئاشکرا بود بویمنه وێنەێ ئەیو، چوینکه ئەیو هەر ئەوجورە که هەس، دوینیمنێ.

لوقا 21:28

وەختێ ئی کاریله شرو بود، ڕاس بوسن و سەردان بگرنه بان، چوینکه ڕزگاریدان نزیکەو بیه!»

یەکم پتروس 1:7

تا بی خڵت خەوش بوین ئیماندان له ناو ئەزمون مور بود و له وەخت ئاشکرابوین عیسا مەسیح بایس ستایش و جەڵاڵ و حرمەت بود، هەر ئەو ئیمانه که فره گران قیمەت‎تر له تەڵاێگه که هەرچەن له بین چود وەلێ وه وەسلەێ ئاگر ئەزمون بود.

دویم تیموتاوس 4:8

ئێرنگه تاج سالح بوین ئەڕام ‎گورجه، تاجێگ که خوداوەند، ئەو داوەر دادپەروەره، له ئەو ڕوژه بەخشیده پێم، نه تەنیا وه مه، بەڵکەم وه گشت ئەوانه که تاسەێ ئاشکرابوینی، داشتنه.

رومیەگان 5:5

ئمید نیوده بایس شەرمزاریمان، چوینکه مابەت خودا وه وەسلەێ روح‌القودوس که بەخشریاسە ئیمه، ڕشیاسه ناو دڵمان.

ئەفسوسیێل 5:9

چوینکه بەر نویر، وەناو هەر جور خاسێ، ڕاسی و درسی پەێا بود.

دویم قورنتییل 7:5

ئەڕا ئیه که وەختێ ڕەسیمنه مەنتەقەێ مەقدونیه، لەشمان ئاشاسێگ نیاشت، بەڵکەم له هەر لاێگەو وەناو بەرد بویمن - وه دەیشت مرافەیل داشتیم و لەناو زاورچین.

رومیەگان 5:3

نه تەنیا ئیه، بەڵکەم وەناو عەزاویلمانیش شادی کيمن، چوینکه زانیمن که عەزاو بەردەوامی وه بار تیەرێ و

رومیەگان 5:11

نه تەنیا ئیه، بەڵکەم ئیمەیش له ڕێ خوداوەندمان عیسا مەسیح که ئێرنگه له ڕێ ئەیو وەگەرد خوداوه ئاشتی دریایمن، وەناو خودا شادی کیمن.

یەکم قورنتییل 1:7

وه لەونی که ئیوه له هویچ خەڵاتیێگ بی نسیو نين، هەر وەئەو حاڵه که چەوەڕێ ئاشکرا بوین خوداوەندمان عیسا مەسیحین.

دویم قورنتییل 1:22

و مور خوەێ کوتاسه ملمانا که هن خوەێ بویمن و روح خوەێ جور بەیانه وەناو دڵمان جێ داس.